ذكريااات عجايز المنتدى خخخ

[عوامية صفوانية]

مرحبا عوامية

الامس حوالي الساعه 6 الا ربع الصباح دخلت وكتبت لك داك الرد
عن دكريات العجايز
ولكن القدر حال بيني وبين الي كتبته
بدل ما يعتمد يرجع صفحه للخلف وأني
راسي ووألف سيف إني أرد عشان أميرة تسوي حواجبها شوراع
صار خاطري اشوفها بحواجبها الشوارع
بس يالله ويش بنسوي شكلها داعية يصير شي في الي بيرد
ههههههههههههه
وخسارة ردت قبلي كاني ودي تحلقهم
بس يالله جاري الرد ..

سأعوووووووووووود ..

هههههه هلا ومية مرحبا بخيتو همس الصمت
كل هدا عناااد في أموووره عشان اتسوي حواجبها شوارع
مساكين هالحواجب ههههه
اي والله شكلها ليها حوبااات وااايد يسلمووو هالحوبات امووره
بس مو علييي خخخ
يا هلا والله وحياااش

[عوامية صفوانية]

>> اسوي نفسي معصبه مو راضي يسوي اقتباس همووس
المهم والله حلوه ذكرياتش همووس ما شاء الله ،، درستي في المعلم اني على صغري كانوا خواتي اللي يروحوا المعلم ومعلمتهم مرت عمي ولما افهمت على الدنيا هونوا خخخ
واني على لعبي ويااا بنات خالتي انسوي روحنا ملايات ونقرأ عزيه ونسوي روحنا معاريس هههه ،، ويخلوني اني العروس لاني اني اصغر وحده فيهم ويلعبواا عليي اما الدلع ما فيه هع هع
ويا عيني على براءة البنات خخ ويا عيني على الادب هع
اما اني على الحيا اللي ماكلني كنت كلا اتغبى لما يجوا احد البيت استحي
ويويو مات كناريش الله يرحمه والله لا يفجعش على حبيب ان شاء الله
هههه اما السبوح في العين لا اني ماكنت ارووحهم لانهم بعيدين عناااا
لا عادي مو فضيحه فيه اللي اجبن منش هههه بس مو اني لاني احب المصافق والمناطط في الماي والبرش هههههه
هموووس خلاص ايش قديم جيبيه لينا من البقالة اللي جنبكم هع هع
اي والله خوش ثوااب زين سويتي ما دام يستخدموه الملايات ، خلاص اني جايه اتسمعي بيتكم هع هع << اي هين
هع هع عيوووز ويووووو بعد عمر طويل هههه

أدري طولت في الهدرة وااااااااااااااااااااجد

وترى لازال في عندي دكريات بس قلت كفاية عليكم
وأني رديت عشان خاطر عواميه
وعشان أبغى أميرة تعمل حواجبها شوارع
وبشوفك أميرة ابي اشوف الشوارع
أوكـــــــــــــــــــــي ..
عوامية حبيبة قلبي
موضوعك لزيز أوي أوي
بس لاتفتكروني عجوزة مررررررررررررررررررة
انا كبيرة بس لسه ماعجزت
الله يعطيكِ الف عافية يارب ..

موفقين دااااااااااااااااااااااااااااائماً ...

يسلموووو همووس ع الرد الرااائع والذكرياات الجميله
ما قصرتي بردتي حرتي قصدي خاطري
ههههه اموور كلهم متفقين عليش ما صارت حواجب دي بلشتي روحش بروحش ههههه وكلهم بيردووا علشان هالحواجب
وتسلمي حبيبتي همووسه لا عدمنا تواااجدش
وحياش الله وكل يوم تعالي

[عوامية صفوانية]

مرحبا

ههههههههههههههههههههه
تبغي تشووفيهم شواارع هااا
مو ماقلتي العمر ومواليد كم... وهذا اللي يمنع تفاعل الأناث .. واني الصادقه
اجل تحطي لي نقط .. وتالي في النهايه تقولي كبيره مو عيوووز
<< مصره ما تسويهم شوارع << ويش لش تقولي هالكلام
اي والله ويش لش اتقولي هالكلام بلشتي روحش بروحش اموور ههه
هههههههههههههههه بينفعش خيه عوامية الكل بيرد عناد فيني ..
ورانا عيد ياجماعه؟؟
هههه اي والله شكلهم بيردووا بس اعنااد فيش
مايشوفوني الا مشخطه تشني حمار وحشي << كف
مكرمه عن الحمار
هههههههههه بس خوش ذكريات
قريبه من ذكريات امي << لا تخافي ترى اني اكبر وحده عندها وجابتني وهي صغيره.. كل يفكرونا خوات...

يعطيش الف عافيه
ههههههههه عالتواجد الجميل المتقصد
لا خلا ولاعدم
على فكره حمستيني اروح بقالة ابوش الله يرحمه ويحسن اليه
يمكن الاقي فيها حلاوة البقره هذيك المربعات البيضا اللي قرطاستها ابيض وكحلي مرسوم عليها بقره
باموت عليها << استريحي بس ..
أموووو اتصدقي بس من فتره بسيطه قاعده آكل فيه واقول الله يرحم ذيك الايام هع
دمتي بخير

وبحفظ الرحمن

يسلموووو اموور ع التوااجد الحلووو
الله لا يحرمني منكم جميع
والله يعطيش العافيه
لا خلا ولا عدم
موفقه لكل خير

[عوامية صفوانية]

ههههههه يا علي باموت من الضحك خليتيني اتخيل امووور كيفه مشخططه بهالحواجب خخخ ،، امووور والله ويش لش اتقولي هالكلام

كلهم عليش الانات ههههه

أميرة خلاص صفحت عنك غلاتوووووو

بخليك تعيدي كاملة والكامل الله ..
وإن شاء الله يردون البقية عشان ماأصير أنا العيووووز الوحيده في المنتدى
لااا مو بس انتي العيووز
اووووو لاصح اكي أميرة عيوز معاي
اني وانتِ وامووور وياااانا له هههههه
والله يكثرهم جايين بالطريق العجاايز ههههه
الله يعطيكم العافية جميع ...
ويعطيك ربي ألف عافيه على التوااجد الرووعه
لا عدمناك

بالتوفيق ..
موفقه لكل خير

هموووس احناا بعد انسميه حلاوه ابو الحليب والله شهيتيني عليه
ويسلمووو ع التواااجد
لا خلا ولا عدم منكم جميع
وحياش الله كل يوم تعالي هع هع

[عوامية صفوانية]

بصراحة الموضوع عجبني حلو كثير <<<< شيه ضايقتنه
المهم اني عندي بعض الدكريات
اجمع افكاري وارجع لكم

يا هلا فيك سر النجاة نورتي الصفحه
اكيد الموضوع حلووو من حلاوة وجودش وما دام فيه ضبعاان وعجااايز في المنتدى اصير حلو اكثر واكثر هع هع

يالله يا أميرة تصدقي توه بس من هالأيام جايه في بالي هذي الحلاوة مو هذا هوه المربعات الي على حليب اتذكر كنا نسميه بهلوان ببغا لينا ندور عليه
ولكن ولا يهمش اذا حصلته الش كرتون

ايه هو نفسه الحلاوه بس احنا انسميه ابو الحليب هع
واني ما ليي شي منه ابى علبه منه ويش عليي هههه


مشكورة اختي عواميه على الموضوع
لي عودة

يا هلا ومية مرحبا بخيتي سر النجاة
ويسلمووو ع التوااااجد الحلووو
لا عدمنا هالطله الحلوه
وحيااش الله بأي وقت الصفحة صفحتش
ننتظر عودتك بالذكرياات الحليوه
لا خلا ولا عدم منكم جميع يارب
موفقه لكل خير [/CENTER]

[أبو سلطان]

مرحبا

ههههههههههههههههههههههههههههه ابو سلطان ماقصر علي ضحك هنا..
خوش ذكريات فلتات...
عوامية صفوانيه تسلمي عالطرح الحلو..
والله هالموقف اللي ذكره خينا خلاني اشتهي اكتب رواية جديده..
بس مافيني شده حاليا...

المهم خيوو ابو سلطان اسمح لينا ترى عجبني هالموقف
فلو حبيت اكتب الروايه السنه الجايه على خير يمكن يمكن يكون فيها مايندرى ..!!

حلاوة هالمتصفح
بس خيووه لو ما عنوانه ذكريات عجايز..
تتخيلي ترد عليش يعني انثى بذكرياتها القديمه..
وتقول عن نفسها عيووووووز
ايه .. هين .. اسوي حواجبي شوارع..

<< ياخوفي تسويهم وترد وحده فعلا..
اتمنى اشوف تفاعل
بس مااااااابسويهم..
امتعنا اخونا ابو سلطان.. بأجوبه ظريفه وخفيفه.. وتمنيت الأسئله تكون اكثر ..
لا عدمناكم غناتي عوامية صفوانية ولا عدمنا اطروحاتكم المميزه
دمتم بخير
وبحفظ الرحمن

السلام عليكم

أختنا أميرة المرح صبحش الله بالخير

و الله هادي إختنا عوامية صفوانية الله يذكرها بالخير ما قصرت خلتني أطلع من اللي في شبدي وايد و ما وصلكم من سوالف لول الا القليل

و إنتِ مسموحة تسويها ارواية بس لو تذكري إسمي بعد انشان استانس وايد و اطلب لوالديش بالرحمة و الغفران

و الحين في دعة الله و أمانه

[أبو سلطان]

السلام عليكم

أختنا عوامية صفوانية بيض الله وجهش على هالموضوع

إلا باعلمش ... ما شنش حسيتي و لمستي مثل ما حسيت أنا و لمست ... إن فيه ويانا في المنتدى بنات وايد عتق

و الا هادي أختنا و مشرفتنا همس الصمت اتقول لحقت على لمعلم و ختمت الفخري و المكتل و الوفاه ... يعني شم عمرها في رايش؟

مو فوق السبعين له ... يعني بيني و بينش أقدرها شديه

و الا ديك مشرفتنا الفانيه أعتقد أختنا أميرة المرح اللي اتقول بتسوي حواجبها شوارع

ترى هي شديه ههههـ حواجبها من العتق صايره شوارع ... و أعطيها هي الفانية من العمر فوق الـ 75 سنه

بس كلمة راس ... النسوان حتى لو عتق ما يعترفوا

إييييييهـ ... و الله يا زين لرجال اللي دايما ايقولوا الصدق و لا يشدبوا و صريحين و ورقة بيضا بيض الله وجوهم ... و على قولت أختنا جوري حتى أياديهم ما فيها جرافيم واجد نفلات النسوان

هههههههههههههههههههههههـ

ترى أمزح اياكم لا تصدقوني ترى كلامي كله بالمقلوب و انتونا بناتي كلكم بنات و اقماره بعد و ما قلتوا كده / شديه إلا اتحبوا اتفرجوا عن اقلوب مهمومه... الله ايخليكم لشبابكم و لأهاليكم

إلا تصريح أختنا جوري و هذي النظافة ما أدري شيفه صارت و ما قلتها أنا

و مشكورين واجد وايد

[واحد فاضي]

يوه

قاعدين هنا بريحاتكم تسولفون

وأنا أدور عليكم من زرنوق لزرنوق

إيه ما أري عفر مسويين راس قدو وما تمبوني أشرب ليي حتى موش هاه

ترى با أسوي مفلات أم جسوووم <<تتذكروها

بس أنا با أهون عن القدو

وباأقعد هنا أشرب ليي راس غليون وأكح ليي كحتين

وتالي با أروح أشتري بآنتين دهن

يا الله فمان الله

[عوامية صفوانية]

السلام عليكم
وعليكم السلام اخوي ابو سلطان
أختنا أميرة المرح صبحش الله بالخير
و الله هادي إختنا عوامية صفوانية الله يذكرها بالخير ما قصرت خلتني أطلع من اللي في شبدي وايد و ما وصلكم من سوالف لول الا القليل
الله يذكرك بالخير والشهاده ،، امممم يعني الموضوع موضوعك له وطلع الي في شبدك
وننتظر سوالفك الحليوه
و إنتِ مسموحة تسويها ارواية بس لو تذكري إسمي بعد انشان استانس وايد و اطلب لوالديش بالرحمة و الغفران
لالالا تذكر اسمك في الرواية واني وين رحت ههههه
عزاات الله صارت روايه بتخترب احداثها مني خخخ ^_^


و الحين في دعة الله و أمانه
في امان الله اخوي ومشكور ع المتابعه

ألف شكر لك اخوي على التواااجد وهالطله الحلوه
لا عدمنا سوالفك القيمه
نحن بالانتظاااار لكل جديد وقديم لديك

[عوامية صفوانية]

السلام عليكم
وعليكم السلام اخوي ابو سلطان
أختنا عوامية صفوانية بيض الله وجهش على هالموضوع
وبيض الله وجهك ع التواااصل
إلا باعلمش ... ما شنش حسيتي و لمستي مثل ما حسيت أنا و لمست ... إن فيه ويانا في المنتدى بنات وايد عتق
و الا هادي أختنا و مشرفتنا همس الصمت اتقول لحقت على لمعلم و ختمت الفخري و المكتل و الوفاه ... يعني شم عمرها في رايش؟
مو فوق السبعين له ... يعني بيني و بينش أقدرها شديه
لالالالا حرام عليك كبرتها وااايد اتوقعها قدي خخخ
يعني في هالاحدود
بس ان شاء الله اجي وتعترف بنفسها بكم عمرها ؟
يلااا هموووس تعالي قوولي كم عمرش قال عنش ابو سلطان
انتي في السبعين سوااش ضبعه عدل هههه

و الا ديك مشرفتنا الفانيه أعتقد أختنا أميرة المرح اللي اتقول بتسوي حواجبها شوارع
ترى هي شديه ههههـ حواجبها من العتق صايره شوارع ... و أعطيها هي الفانية من العمر فوق الـ 75 سنه
ههههه حررام عليك اتكبرنا وااااايد محنا ضبعان لدي الدرجه هع ، حتى امها ام الحلوين اتوقعها ما وصل عمرها بهالعمررر صح امووور
بس كلمة راس ... النسوان حتى لو عتق ما يعترفوا
مو كل النسوااااااان
بس اصدق ما افهمت يعني ويش ( عتق )
هذي دلاله على اني مو ضبعه ولا عجوووز هههههه

إييييييهـ ... و الله يا زين لرجال اللي دايما ايقولوا الصدق و لا يشدبوا و صريحين و ورقة بيضا بيض الله وجوهم ... و على قولت أختنا جوري حتى أياديهم ما فيها جرافيم واجد نفلات النسوان

هههههههههههههههههههههههـ

ترى أمزح اياكم لا تصدقوني ترى كلامي كله بالمقلوب و انتونا بناتي كلكم بنات و اقماره بعد و ما قلتوا كده / شديه إلا اتحبوا اتفرجوا عن اقلوب مهمومه... الله ايخليكم لشبابكم و لأهاليكم
ادري بك مزووح حدك خخخخ بعد ويش انسوي اتعووودنا على سواليفك خخخ


إلا تصريح أختنا جوري و هذي النظافة ما أدري شيفه صارت و ما قلتها أنا

و مشكورين واجد وايد

مشكوووووور اخوي ابو سلطان
تعطرت صفحتي بوجودك ووجود تواصلك
لا عدمنا هالطله وهالسووالف الحليوه

[MOONY]

* طفولتك كيف كانت ؟

كانت حلوه وهادئه

* كيف كانت شقاوتك ومغامراتك ( بالبيت ، النخيل ، مع الطيور ، والاسماك ، والخرفان وووو خخخ ما خليت شي هههه

بالبيت كنت ألعب مع أخوي الي اصغر مني بأربع سنين
ونعفس البيت العاب كنت احب العب في العاب المطبخ والأتاري خخخخخ قديمه مو وكنت اني وبنات خالتي وخالي نجمع ونسوي عزيه وساعات مولد على حسب التصنيف
إماالنخل كان ابوي يمشينا ايام رمضان هناك وكنت احب اشوف السمك الي في لضلوع اذكر صدت لي كم وحده
خخخ
الطيور كنت من محبي الطيور كنت كل مابين فتره اشتري لي طير
والاسماك لايومش هذا واني أربي أسماك بس تطورت اسماك زينه
اذكر بعد شفت سنور صغير يصرخ مادري وين امه اخدتها وسبحتها وأكلتها وربيتها وبعدين صار عندها اولاد واحفاد
خخخ واربيه احب الحيوانات



* عندما كنت طفلـ / ـة ،، من اين كنت تشترين الحلاوة ..؟؟ خخخ
خخخخخ من البقاله الي في الشبيبي نسيت اسمها
والجراش الي في الخامسه

* ما اقدم شئ تحتفظ به الى الآن ؟
دب لونه ازرق خخخ كانت امي تحطه جمبي
لما كنت صغيره وللحين احبه ومحتفظه فيه



* اهازيج كنت ترددها ... واحببتها منذ صغرك ولازلت تتذكرها ؟
خخخخ كنت كل اردد محلى خديجه على كرسي الجلاله
وفي مهدي يامهدي ياأمل كل الشعوبي
وللحين ماشوف روحي مابين فتره وفتره ارددهم

* مثل قديم أو مقوله تؤمن بها ؟
بات مظلوم ولا تبات ظالم


* اتتذكرون تلك الزواجات الرائعة .. اذا كنت قد حضرتها
ما الذي كان يفرحك بها ؟

خخخ أكيد أذكرها كانت توحفه
أحب البياعه الي في المعاريس


* ما شعورك عندما ترى عجوز .. وكيف تكون نظرتك لها ..
وماذا تتمنى حينها ؟
أحب العجايز ولما كنت اشوفهم ابتسم
اتمنى ان الله مايخليني اعيش لهالعمر اقول مساكين
مايعرفو يركبو الدرجه ولا ينزلو منها لا وإذا جيتي تمسكي ايدهم يقول لا نعرف




* تخيل بأن الماضي رجع للوراء ، ما الذي ستأخذ منه ؟

أظن أني باعيش كل يوم بيومه
* ما الذي يعجبك بالماضي ؟

بساطته وبساطه ناسه وقلوبهم البيضه الحين نص قلوبهم عبيد وسودان
يسلموو عواميه صفوانيه من جد الموضوع فله وناسه
تحياتي لش خلف جبدي

[عوامية صفوانية]

يا هلا فيك اخوي واحد فاضي ( ابو زين )

وينك عن موضوعي ما شرفتنا اعتررف خخخخ

يوه
يوه يوه جيت حياك الله اخوي


قاعدين هنا بريحاتكم تسولفون
عباره سوالف عجايز له

وأنا أدور عليكم من زرنوق لزرنوق
هههه اي اني رحت داك الزرنووق الظلمه >> اي هين وربي اخاف هع
إيه ما أري عفر مسويين راس قدو وما تمبوني أشرب ليي حتى موش هاه
هههههه تعال اتفضل خذ لك موشه اتقند راسك بالقدو
ترى با أسوي مفلات أم جسوووم <<تتذكروها
اي اكييد نذكرها ههههه
بس أنا با أهون عن القدو
وباأقعد هنا أشرب ليي راس غليون وأكح ليي كحتين
لا ما يصلح الغليون تالي اتكح واايد له ههههه
وتالي با أروح أشتري بآنتين دهن
ما افهمت يعني ويش بآنتين دهن << عشان اتصدقوا اني مو عجوووزه

يا الله فمان الله
فمان الله اخوي وننتظر سوالفك
وقبل سوالفك ترد على موضوووعي

ألف شكر لك اخوي ابو زين على التواااجد
والله يعطيك العافيه
ونتمنى تشرفنا لا خلا ولا عدم منك
وعندي لك سؤال اخوي << وين المسابقة انت قلت بتسوي مسابقه التراث قريباً جداً صح له ؟
ويسلمووو اخوي وموفق لكل خير

[دمعة الاحزان]

والله خوش ذكرياتك عندكم
وذكرتوني ببهلوان ابو البقر احنا نسميه كذا
وامور خليني عنك هالحواجب والحوبات
بكل مكان راميتهم<<اشش لاتسمعني وتجيني حوبه

عندي بس الي رجعه مرة اخرى
سييا

اوة يسلموا عمومم<<والله مو راكبه عدل تدليع لعواميه بس مشي حالك

[أُخرىْ]

بما أني,,عجـوزه صغيره توني داخله طور العجازه,,عجوز من مواليد 1408
هـ عجوزه لكن أسناني للحين صاحيه < < أعترف للنفسي أن النساء يعترفوا بالعمر ..

* طفولتك كيف كانت ؟
همي بس ألعب..المعنى اني ماكنت أتشابق..كنت أحب اتفرج على الكوره فأجلس على عتبة بيتنا وأشوف اخوي وشلته يلعبون,,متحسره عاللعب بس وكنت ألعب مع أختي اللي اصغر مني بسنتين لعبة الام والبنت,,<< مايناسب اكون ام,,
* كيف كانت شقاوتك ومغامراتك ( بالبيت ، النخيل ، مع الطيور ، والاسماك ، والخرفان وووو خخخ ما خليت شي هههه
بالبيت كنت الدلوعه,,اللي بس يرفع أحد من مستوى صوته شوويه على طول اصيح بس كنت مؤدبه مو شيطانه
اما النخيل فحياتنا كان لها طعم ثاني,,وكان عند بيت خالتي نخل,,فكنت اعشق الروحات لهناك بس كنت اخاف من الثور اللي هناك من أروح يطالعني ويجي لي,,وكان عندنا مزرعه كل يوم نروح لها,,نلعب وناكل ووكل شي
اما الطيور,,فأنا ماكنت أحبهم يعني ابوي كل يومين يجيب لنا عصفور وانا بس اتحاشاهم حتى لو تعجبني اشكالهم..بس بعدين نزل علي الحُب مره وحده فصرنا نصيد عتل عشان نصيد فيهم عصافير ونسميهم على كيفنا
الخرفان,,اكيد كانت لي ذكرياتي معاهم,,عندنا في مزرعتنا صخال وخراف ايضاً,,وكان بابا يقرر اذا كانت الخروفه (النعجه) أو الصخله حامل فأن مولودها بيكون لواحد منا,,واحنا نقرر ويش نسميه اذا كان ذكر ولا أنثى,,
وحتى بعد الولاده نتكفل برعاية الصغير,,وخاصة اذا امه ماترضعه فنروح مع ابوي نشتري رضاعات وحليب ونقعد نعطيه لين يشبعع, وياكثر الصور اللي عندي وانا مع الخرفان اللي يشوفني يقول بنت الباديه على غفله
* عندما كنت طفلـ / ـة ،، من اين كنت تشترين الحلاوة ..؟؟ خخخ
أذكر اني كنت اروح بيت جيرانا كانت جدتهم عندها كل شي حتى بيبسي اغراش,, واذا ماقدرت اروح اروح البقاله اللي جنب البيت
* ما اقدم شئ تحتفظ به الى الآن ؟
مفرش من مفارش سريري لما كنت توني مولوده,,ولفتي ,,وجوتي من لما كان عمري اشهر بس,,وثياب بعد,,
* اهازيج كنت ترددها ... واحببتها منذ صغرك ولازلت تتذكرها ؟
هههه فيه اغاني احبها قديــمه وما كنت فاهمتنها بس لما كبرت صرت مااقولها لانها عييب بس اذكر
هلهلي يا ام الولد وافرحي الليله
واعزمي كل الاهل واعزمي العيله
* مثل قديم أو مقوله تؤمن بها ؟
ماكنت اردد أي أمثال
* اتتذكرون تلك الزواجات الرائعة .. اذا كنت قد حضرتها
ما الذي كان يفرحك بها ؟
ياحلاة اعراس قبل كانت تصير في البيوت,,صج ياحلاة سطح البيت وفيه كوشه من سعف,,كانت جمييله للدرجه,,إذكر عرس ولد خالتي كان عمري 5 سنوات وما صدقت جابوا العروس يزفوها وعلى طول ارز فيسي عندها ابغيها تعرفني,,وتالي استخفيت على الباقه الكبيره الللي عندها وحمدت ربي لما اكتشفت على الدرج وردة روز طايحه ,,هههههه
* ما شعورك عندما ترى عجوز .. وكيف تكون نظرتك لها ..
وماذا تتمنى حينها ؟
قبل كنت اخاف من بعض العجايز,,بس اللحين من اشوف عجوزه اقول الله يطوول بعمرش..وأقول ياريت أعيش عمر قدش ..
* تخيل بأن الماضي رجع للوراء ، ما الذي ستأخذ منه ؟
صفاء القلوب,,وبساطة الحياه
* ما الذي يعجبك بالماضي ؟
قلوب الناس الطاهره

,,,

أدري هدرت واااايد ..بس صج حـلو أن نتذكر الماضي
مشكووره كتير

[همس الصمت]

السلام عليكم

وعليكم السلام ورحمة الله وبركاته أخوي أبو سلطان ..

و الا هادي أختنا و مشرفتنا همس الصمت اتقول لحقت على لمعلم و ختمت الفخري و المكتل و الوفاه ... يعني شم عمرها في رايش؟

مو فوق السبعين له ... يعني بيني و بينش أقدرها شديه

رحم الله والديك اخوي أبو سلطان
صغرتني عن عمري كثير
كان زين لو أرد الى هالعمر كان أنا بخير..

و الا ديك مشرفتنا الفانيه أعتقد أختنا أميرة المرح اللي اتقول بتسوي حواجبها شوارع

ترى هي شديه ههههـ حواجبها من العتق صايره شوارع ... و أعطيها هي الفانية من العمر فوق الـ 75 سنه

لا لا حرام أخوي
أميرة كبرتها واااااااااااااااايد عن عمرها
ترى أنا أكبر عنها بوايد وااااايد
هي تحت الـ 75 بكم سنة بس
يعني تقريبا في نهاية الستينات ..

بس كلمة راس ... النسوان حتى لو عتق ما يعترفوا

أي والله صدقت أخوي
إن النسوان لو عمرهم مية سنة مافي امل يعترفون بشي
بس أنا جدعة وعادي أقول عن عمري
وترى عمري في حدود يعني
140 أو145 سنة مش متأكدة مرة
وها كاني ياعوامية جاوبت وعطيتك عمري كم
ترى عادي مافيها شي ..
وإذا انا عمري في هذا الحدود بعطيك ياخوي شي 200 سنة
أو أقل بشويه
ههههههههههههههههههههههههههههههه
والحمدلله طلع معانا عجايز واااااااااااااااااااااااايد في المنتدى
الله يعطيهم الصحه وطلوت العمر ..
الله يعطيكِ العافية عوامية
غيرتي مزاجي الى وناسه وفرفشه بعد ما كانت الدنيا ضايقة عندي
الله يجزاش خير يارب ..
الله يعطيكم العافية يارب ..
بالتوفيق للجميع ..