خرافة اهل الول

[ارسم العشق]

يسعد صباحكم / مسائكم



حبيت انزل لكم هالفكره ونشوف ابداعات اعضائنا وان شاء الله القى تفاعل منكم

الموضوع عباره عن

كل واحد يدخل يكتب لنا من خرافات اهالينا الاوليين اجدادنا او امهاتنا او ابائنا


ومثلكم عارف الخرافات مالها اول من اخر

واني رح اكتب لكم خرافه كنا نسمعها من اهلنا يوم كنا صغار


يوم كنا صغار كانت امي تبغي تنيمنا من المغرب

تقعد تخوفنا (( باسعادة )) تقول اذا ماتسكتوا بتجي ليكم السعادة

وكان في لمبة نوم في الغرفة نورها ضعيف واني افكرها هذي السعادة

ههههههههههههههههههههههههه

وخذ الك كيف الخوف وما اطلع في اللمبه لاتجي تاخدني

والله يلعبوا علينا واحنا نصدق

اتمنى القى تفاعلكم ولاتبخلوا علينا

[عفاف الهدى]

حلو موضوعش حبيبتي
واتصدقي السعاده هاذي ملاحقتنا ملاحقتنا
بس تدري ان احنا خبلان السعاده انخاف منها ولا نباها تاخذنا
يمكن عشان كدا احنا تعيسين
ها ها ها
يعطيش العافية على هيم موضوع حليو

[الــــنـــاري]

مشكورة على الطرح الرائع

امم احنا اذكر اول اذا مايبغونا نطلع
يخوفونا يقول بجي ليكم ام الخظر والليف
وكنا نخاف منها
<< طبعاً آخر شي طلعت النخلة هيه ام الخظر والليف>>
يعني كنا نخاف من عمتنا ههههههههه
فكرة حلوة ونشاء الله تلقي تفاعل