سأجعل فيض قلمي ينقل لكم طرائف حصلت لي أيام المدرسة
والجدير بالذكر
ذكر مواقفي مع براءة من الحب
طبعا براءة لاتربطني بها صلة القرابة فقط ( أبنة خالي )
بل هي زميلتي في الدراسة وصديقتي أيضا ولي الفخر
لا أطيل عليكم
سأذكر لكم بعض من المواقف وأتمنى أن تنال أعجابكم

.....في أيام الثانوية
في الصف الأول ثانوي ضغط المواد كما تعلمون
بعدها أنتقلنا من هذه الدوامة إلى الراحة في الصف الثاني ثانوي
طبعا براءة لازم تعوض
مسكت ثاني ثانوي نوم في الحصة
طبعا في حصة العربي
لأن المعلمة مو شئ
إذا ماكانت براءة نايمة
نجلس نسولف ونضحك هذا إذا ماأكلنا
في يوم من الأيام أنصدمنا بقباء المعلمة اللامعقول
حيث قالت
( سأجمع الدفاتر فجأه يوم الأثنين )
شلون تجي الفجأه ؟
خلاص مافي مجال نسكت من الضحك إلا بعد نصف ساعة
............. نكمل ...........
وفي يوم آخرتشرح المعلمة درس الجملة الأعتراضيه
والجملة الأعتراضية مثلا
الملك عبدالله ( حفظه الله ) بذل جهودة في توسيع المسجد الحرام
شنهو تتوقعون من براءة ؟؟؟
طبعا براءةتتصف بالهوء والخجل
بس هذا مايمنعها من الشقاوة
كانت عندنا صديقة ثالثة
فوكلتها براءة بالأجابة على المثل الذي طلبتة المعلمة
قالت يالله قومي وقولي
جاءت معلمتي ( أعانني الله عليها ) تشرح الدرس
طبعا الصديقة الثالثة قبلت الوكالة وأحرجت المعلمة

.... بعدها أنتقلنا إلى الصف الثالث ثانوي
براءة متفوقة فما بالكم في الصف ثالث ثانوي
نتفت شعرها من المذاكرة
تبحلق في الكتاب بشكل غير طبيعي
بس تذاكر مافي مجال تعطينا وجه
وإذا عندها سالفة ماتفوتها
تقول لي أحين بذاكر بعدين بقولك سالفة
أنا أقول طيب قولي كلمة وحدة عشان ماتنسين
تقول مثلا موقف مع أختي
شوفوا القساوة شلون وأنا أجلس أنتظر السالفة
.... براءة مزعجة بعض الشئ
تردد الأسئلة كل يوم
شعري عدل ؟؟؟
شكلي عدل ؟؟؟
وإذا جاوبنا ماتصدق
المراية 24 ساعة قدامها
طبعا أنا والصديقة الثالثة مانتحمل نجلس في الفصل
مابين الحصص لازم نفر المدرسة فر
قومي يابراءة تمشي ويانا
ترد تقول لا لا أنا ماحب أحد يهزأني
وبعدين ليش أخلي نفسي في هالموقف
ومره من الحنة عليها قالت يالله بقوم
طلعنا وإذا بالإدرية أمسكتنا
الله أكبر يابراءة
تقول للإدارية
أستاذة أنا ماعليه منهم أنا أول مره أطلع
صدقيني أول مره
.................... ذكرت لكم بعض المواقف أتمنى أن تنال أعجابكم ................