بعد يومين مما سبق..يوم الأربعاء..الساعه 8:20 الصباح..لبست ملابسي..وضبطت شكلي على الخفيف..باقي أكثر من نص ساعه على بداية الدوام..صحيح لسى ما أدوام بالمره..يعني أتدرب..ولله الحمد..ماتوقعت الشغل مره حلوه وممتع..الأمس تعلمت كيف أقص الشعر طبقات..كانت عمليه سهله الا أنها تبي شي من الدقه والخفه..وما زاد وناستي..مدح الزبونه الشغل..كأني سويت أنجاز>>كل هذا على قصت شعر
ريـــــــــــــــــــــــــم
فتحت النافده كعادتي كل يوم قبل ما أطلع المشغل(الكوافير)..عشان يتغير جو الغرفه..وصرت أرتب سريري..اليوم منووف..نام مع ماما..هذي عادته اذا كان دوام بابا آخر ليل..ماحسيت الا بشي ثقيل على ظهري:آآآآآي
سمعت صوت:هي..هي..يا بنت!!
ارتبكت حيل..تذكروا؟؟..هذا اللي شفته ذيك المره..رحت لعند النافده وأنا أمثل بأني معصبه:أنت ما تستحي على وجهك..ليش ترمي الحصى علي!!
عيونه تناظر كل مكان الا أنا..رد بصوت واطي:أنا آسف اذا ألمتك
رديت بدون نفس:مو مشكله..خلصني وش تبي؟؟
رفع كتوفه:مابي شي..بس كنت بقولك..اذا رح تفتحي النافده..حطي شي على شعرك على الأقل..لا تنكشفي للجيران!!
تسندت على جدار النافده..وقفزت أول ما أنتبهت أن الباب مفتوح..يعني أحتمال تجي ماما:رح وسكرته..وفي طريقي..اخذت الحجاب ولبسته وأنا أضحك..ورجعت لمكاني
..وين رحتي؟؟
أبتسمت:أسوي اللي قلت عليه
هز راسه:تمام
قلت وكأني بموت أعرف السبب:ممكن اعرف..أنت ليش كنت تبكي ذيك المره؟؟
جلس على طاولة خشب.. كرسيها في جدار النافده..بالأصح..كأنه عطاني ظهره!!
..وأنتي وش يخصك؟؟
أحرجني بس قلت بسرعه:عادي جاره تسأل عن جارها
قال بعد صمت ثواني..أممممم
سرحت وأنا أناظر ساعتي الي على الجدار..وتفاجأت مر الوقت بسرعه..وباقي بس 7 دقايق على بداية الدوام..قلت بأستعجال:أنا عندي دواام..باي
قفلت النافده ولبست عباتي وطلعت..خساره ما أمداني أسولف معه أكثر..بس مو كأني بديت خطوه حلوه..وهو كمان بدا يستجوب>>تلاحظوا أو لا؟؟
طول الوقت في المشغل وأنا أفكر فيه..وأحزر السبب اللي يخلي رجل يبكي..صرخت البنت اللي أستشور شعرها الأسود الفاحم:مجنونه أنتي..ناويه تحرقيني
طفيت الأستشور..وأنا مفتشله في داخلي:آنا آسفه
فكت البكل اللي رافعه فيهم شعرها..ولبست حجابها وهي تقول:الغلط مني جايه عندكم..آسفك وين أوديه لو أحترق شعري؟؟
لحقتها وأنا ناويه أهديها..بس ما أعطتني مجال وطلعت..وقفت عند الباب فتره..بعد خايفه المديره تسمعني كم كلمه؟؟..صحيح هي جارتي..بس محد يرضى باللي سويته..تبوا الصراحه؟؟هي زودتها!!
دخلت وأنا أمشي بثقه وما كأني مسويه شي..لقيت بنت جيرانا قدامي(المديره)..رفعت كتوفي بلباقه:حاولت أهديها بس الله يصلحها معصبه
هزت راسها:اممممم..ريم حبيبتي..روحي البيت أرتاحي
كملت بنفس أسلوبي قبل شوي:بس أنا مافيني شي؟؟
حطت يدها على كتفي بحنيه:أحس عقلك مو معك..معليش..روحي ريحي وبكره تعالي وأنتي مصحصه على الأخر..زين؟؟
أبتسمت وأنا من داخل ميته قهر:أوكي..مشكوره
رحت البيت وكان هادئ تماما..ركبت الطابق الثاني..لما مريت من عند الغرفه اللي ينام فيها عمي مره في السنه..سمعت أصوات غريبه..قربت أذني من عند الباب..فيه صوت بنت وبعد صوت عمي..يمكن يكلم جوال مع وحده من مهابيله..بس لالا..هذا الصوت واضح كأنها بالغرفه..قلت بصوت واضح:أهااااا..تزوج
شكل عمي تزوج وجاب زوجته عندنا..وش هالبلشه..رحت غرفتي وأنا مقهووره..كل ما قلت أفتكينا منه يطلع لنا مره ثانيه..علقت عباتي وصرت أناظر في النافده وأفكر..خلاص مرح أفتح النافده وأكلمه بعد كذا..معقوله أنا اللي أقول عن عمي مهبول..أطلع أنا أهبل..حطيت راسي على المخده ونمت
.................
نزلت ميعاد من على الدرج وعباتها وراها مثل سوبر مان..نطت على الكنبه جنب وائل:وه تعبت(وضربته على رجله بمزح)..أقول وائل وين ست الحسن جودوه..من الصبح أدق عليها ولا ترد
ردت عليها وائل بملل:يمكن نايمه
حطت ميعاد يدينها على خصرها:لا والله..وأنا أن شاء الله من رح يروح معي الكوافير..نهووه ومحتزنه في غرفتها(حطت جواله في يده)دق عليها وائل..أكيد رح تشوف أسمك وترد
حط الجوال في جيب ثوبه:روحي مع رنا
..وائل..بليز دق..مابي أروح مع البزر رنوه لحالنا
تنرفزت رنا من كلامها:أوريك لكن..شوفي من رح يروح معك..وهذي جلسه!!
ناظر وائل فيها:ما يحتاج تروحي كوافيرت..هو الا ملكه عاديه
حطت يدينها على خدودها:مو كافي مرح يسووا لي حفله..وبعد ماأروح الكوافير(وقامت رجعت غرفتها)ااااااف منكم كلكم
رفعت رنا حواجبها بأهتمام:وائل..ترى لو مارحت بتسوي لكم سالفه..ويمكن ما ترضى تملك..ميعادوه وتعرف حركتها!!
هز راسه بتفهم:وش أسوي فيها..أختها ومن حقها زعلانه على زوجها..وجود ما ترد..عنيده هالبنت..الله يعينك يا وسام
تردد صوت أم محمد في البيت:رنا..رنا
..نعم يمه..أنا في الصاله
دخلت أم محمد الصاله وفي يدها أكياس الحلويات:قومي وديهم المطبخ..وتعالي بعدين أخذي عباتي علقيها
وائل وهو يطفي التلفزيون:هلا يمه
أم محمد وهي تشلح شرابها البيج:وينك يمه..هالأيام ما تبين؟؟
..انا أدخل البيت وانتم تطلعوا..يمه مين عزمتوا حق الملكه
...مافي غريب..بس الأهل..لو مو سالفة نهى كان سويناها كبيره..بس هذي كتبة الله
هز راسه بتفهم:أحسن..يالله يمه أنا بروح أجيب جود..عشان تروح مع ميعاد الكوافير
وائــــــــــــــــــــــــــــل
طلعت من البيت..وركبت سيارتي الرنج بلون الأسود..شغلتها حق تسخن..وحطيت راسي على الدركسيون..مدري اليوم وش فيني..مرررره زهقان وملان..وأحس أني مخنوق حدي..غير أن وسام كل شوي يتصل وأنا ما أرد عليه..هذا الأنسان اللي أضعف لما أسمع صوته..وما أقدر أمسك نفسي..لازم أحكي له كل شي..شفتوا كيف علاقة نهى بجود؟؟يمكن أنا وسام كذا وأكثر..لبست نظارتي الشمسيه وطلعت من بوابة البيت الرئيسيه..كنت في الشارع أمشي بسرعه 70 بس..يمكن لأني أفكر..وقررت أدق على وسام..مدري ليش..أحب أستغل كل ثانيه أكون معاه..وأخاف يجي يوم أدوره وما ألقاه:هلا وسوووم
رد بصوت مرتفع:وائلووه..يا..>>لو تدري ماني قايل..وينك فيه؟؟تعبت من كثر ما أتصل فيك
رديت عليه ببرود يخالف الهيجان اللي بصدري:ما قدرت أرد عليك
سكت شوي بعدين رد:وائل..وش فيك؟؟والا أقول أنت وين؟؟
..رايح حق جود