الجزء الثاني عشر
وما مصير الحب بعد التوالد الا النمو(3)


قطعنا من هالحاله صوت جوالي..طلعت من شنطتي الذهبيه..وأنصدمت بالأسم((فراس))
رديت على فراس..اللي ماسمح لي فرصه أتكلم:جود أمي بتخطب لي رغد
ياريتني ما رديت على هالمكالمه..الناس في ايش وأخوي في ايش؟؟..بس جد كلامه فاجأني..من متى هو يفكر يتزوج..عشان مره وحده أمي بتخطب له رغد..عدت الاسم في بالي مرات ومرات ومرات..رغـــــــــــــــــــد..يعني ما شافوا غيرها؟؟
..جوووووووووووووودووووه وينك؟؟
تكلمت بهدوء:فراس..بعدين أكلمك(وقفلت الجوال)
مسكت نهى يدي:على الأقل الوقت اللي تكوني معي..كوني معي..لا يشغلك أحد عني
وقامت قفلت الباب بالمفتاح..وشغلت الأنوار البيضاء..وطلعت لسانها:عشان لا يجي وائل!!
..ههههههههه..حرام..تراه زوجي
جلست قدامي وهي تمشط شعرها:عشان بس لا تخافي من شكلي هههههه..بقولك جود!!أنتي تحبي وائل؟؟
ناظرت في عيونها..معقوله وائل قايل لها شي من اللي قاله لي بالسياره..لالا ما اتوقع:أكيد أحبه مو هو زوجي
رفعت شعرها ذيل حصان ببكله برتقاليه ما تناسب بجامتها التركواز:طيب وش شعورك لو يغيب عنك أسبوع..وما تقدري تسمعي صوته حتى!!
حسيت أنها تشكي حالها..بس بطريقه غير مباشره:حبيبتي نهوي..أنا أكيد رح أزعل..بس لو كان هالشي غصب عنه..رح أعذره..حبيبتي نهى..أنتي ما عليك الا الدعاء لناصر..والصبر أهم شي
قطعت كلامي وهي تقول:جود أمي سألت عليك كثير
هزيت راسي:أدري أني مو قاطعه..ومو صاحبة واجب
مسكت نهى دقني وقالت وهي تناظر في عيوني:جود انتي مخبيه علي شي مو؟؟
هزيت راسي بمعنى ((لا))..وأبعدت عيوني عن عيونها
..جود لا تكذبي..ليش ما تفضفضي لي!!..طوول عمرك كنتِ تسمعي لي..وأقول كل شي لك..حتى أدق التفاصيل..وما عمرك كلمتيني عنك
رديت عليها وأنا ألعب بأظافري:مافي عندي شي عشان أخبي عليك..وكل شي يصير واضح لك..لا تفكري فيني..اللي فيك يكفيك
..بس تفكيري على طول فيكم..لأني أحبكم..في ناصر وفيك وفي ميعاد وأخواني
ناظرت فيها بتساءل:اش معنى قلتي ميعاد..هي فيها شي؟؟
..لا بس..طول الوقت على النت..وأنا خايفه..تكون .....مابي أحكي أنتي فاهمه علي
أبتسمت وأنا أقول: دامها بتتزوج..لا تخاف عليها..أقول نهوي..وش رايك نروح مدينه الملاهي!!
أنسدحت على السرير وتغطت باللحاف:أنا في ايش وأنتي في ايش؟؟
غمزت وأنا ارفع اللحاف من عليها:قومي.خلصي..غيري هالبجامه الباهته..وخلينا نروح ننبسط شوي
لفت راسها لناحيه الثانيه:جود..أنتي ما تحسي باللي بقلبي..أنتي
رفعت صوتي وقلت:أنا لو ما أردي ..ما قلت هالمكان بالذات وأنتي تدري فيني ما أحبه..أنا مقدر أشوفك حزينه وتعبانه ومسكره عليك الغرفه(ورجعت هديت صوتي)..اذا لي خاطر عندك..عيشي حياتك كأن ناصر معك..شوفي كل أهلك حزينين لحزنك..فرحيهم لو بالظاهر..واذا جلستي وحدك سوي اللي بتسويه
..صدقت أمي يوم قالت..نادو جود هي اللي تعرف لها
ضبطت حجابي:صحيح مرة عمو ما شفتها..يالله أجل بروح أسلم عليها..وأشوف ميعاد ورنا ووائل عشان طلعة الملاهي..وأنتي ضبطي نفسك
أشرت لها بيدي على السريع عشان ما يكون لها مجال تتكلم وطلعت
.........
ريـــــــــــــــــــم
حكيت الى منافي قصة سندريلا اللي ما يتعب ولا يمل منها..ونام على حضني يا عمري هو..ياربي ؟؟أستغل فرصة وجود أمي وأبوي وأحكي لهم اللي أفكر فيه؟؟..أي والله!!..جامعة وخايفه أروح من هذيك اللي دوم تتعرض لي..وغير كذا الجامعه كلها تباهي..ملابس..جزم..أكسسوارات..وأنا مو قدها..ايه ايه..لازم أقول لهم الحين الحين
لفت أنتباهم..ووعيتهم من اندماجهم على الفلم المصري القديم:أحم أحم..يبه..يمه؟؟
ناظر أبوي فيني وعلى وجهه أبتسامه حنونه:أمري يبه!!
قلت بصوت هادئ وأنا منزله راسه:بس ما تعصبوا؟؟
حسيت أمي خايفه أفتح سالفه الكمبيوتر الى أبوي..عشان كذا قلت اللي ابي على طول:أنتوا تدروا أن جيرانا..عندهم كوافير صغير في بيتهم..وأنا كلمت هدى..بنتهم الكبيره..وقالت مو مشكله أشتغل معهم..وأخذ دوره تدربيه بعد ببلاش
صد أبوي عني..ورجع يشاهد الفلم:هذا الموضوع سكريه..ولا عاد أشوفك تتكلمي فيه..ناقصك شي تكلمي؟؟بس شغل لا
أنقهرت بقوه..توقعت يتفهموا السالفه على الأقل..بس الحين أكيد ابوي فكر أنه مقصر علي لو شي..عشان أشتغل..ما يدروا أن الشغل في الكوافير..رح يخليني اتعرف على الناس..وأغير شوي من جوي..أتفتح على عالم ثاني
حملت مناف على كتفي..وأخذته الى سريره..اللي صار جنب سريري..وقفت قدام المرآيه..وفكيت شعري المايل على شقار..أحس بملل رهيب..دخلت من تحت الستاره وفتحت النافده بهدوء..عشان لا ازعج مناف..جلست أتأمل الحي القديم..أممممم لو على كيفي..كان هدمت كل البيوت..وبنيت بيوت جديده الى كل هالناس..كان صممت الى كل واحد الغرفه اللي يحلم فيها..حطيت يدي على فمي..توني أحس أن صوتي مسموع..اووهوو وخليه يكون مسموع..مدري مين رح يسمع لي..لفت نظري شباك الجيران مفتوح..صحيح أن ورى النافده فيه ستاره من النوع الشفاف باللون الأبيض..ولكن ما يمنع الرؤيه..شفت شاب في عمر 25 او 24 تقريبا..منسدح على سريره الخشب..ومسند راسه بيدينه..عيونه تناظر في الاشي..ومدري اذا اللي اشوفه دموع أو لا..فجأه قام من سريره..وتوجه الى النافده عشان يسكرها..بس صوتي كان أسرع:ليش تبكي..الدنيا ما تسوى!!
لف ظهره وقال:وانتي ليش تتجسسي على خلق الله..مو عيب عليكِ؟؟
رفعت الخصله عن وجهي وأنا خجلانه من كلامه:ما كنت اسوي اللي تقول عليه..واللي شفته صدفه لا أكثر ولا أقل
رفع صوته بعصبيه:بس
أنا هنا سمعت صوت خطوات..عشان كذا قفلت النافده وقفزت على سريري..وقلبي ينبض بسرعه كبيره..دخلت أمي الغرفه:ها ريم..بتنامي؟؟
هزيت راسي لها..لأن أحس لو تكلمت..رح تحس اني راكضه..او خايفه من شي..جلست على طرف السرير..شكلها فهمت من هزت راسي أني زعلانه:يمه أبوك..يبي مصلحتك..وما يصير بنت في عمرك تترك الجامعه..وتشتغل
رفعت راسي من على المخده:بس أنا أشوف أن هالشي بيريحني..وأنا نفسي أشتغل في الكوافير..مو عشان فلوس ولا شي..بس عشان أعتمد على نفسي
..أنا بكلم أبوك مره ثانيه وبشوف..بس ما أوعدك أنه يوافق..وأنتي لا تزعلي نفسك
هزيت راسي وقلت:يمه شخبار عمي..من زمان ما شفته شرف بيتنا!!
..والله مدري عنه..هو اذا بغى فلوس أكيد بيجي..يالله انا رايحه الى أبوك..تغطي زين..وأنتبهي الى مناف
قمت بسرعه وراها وانا أقول:أن شاء الله(وقفلت الباب بالمفتاح)
ورجعت الى النافده..وفتحتها..بس شفت نافدة بيت الجيران مقفله..ضربت بيدي على الجدار:أوووهوووو..رااااح
وش فيك يا ريم؟؟..مدري بس يمكن من نقص العاطفه..أو أو أو مدري..أحس أني بحاجه أحد أسولف معه..حتى لو كان هذي السوالف هوااااش..بس المهم أفضي شي في نفسي..ياريتني واقفت على فيصل..وما قلت أني محجوزه..مالت علي وعلى حظي..مدري مين هالمقرود اللي حاجزني..يالله كله نصيب
...............
وسط الغرفه اللي يغلب عليها اللون الأخضر..كانت نايمه على بطنها في الأرض..وقدامها الاب توب البناتي باللون الوردي..وحاطه السماعات على أذنها بصوت عالي..لدرجه اللي يدخل عليها يسمع وش هي تسمع!! دخلت عليها رغد..كانت توها طالعه من الحمام..وشعرها مبلول..وعلى كتفها فوطه صغيره باللون البيج
رغـــــــــــــــــــــــــد
رفستها على خفيف..وقلت بصوت عالي:غلووواوه..وين الجل؟؟
رفعت غلا راسها ببلاهه..وشالت السماعات:نعم!!آمري
تكتفت قدامها:أبي الجل..اللي سرقتيه
سوت لي حركه (يعني مو عاجبها الكلام):أفتحي هذاك الدرج الأول ورح تلقيه
أخذته وأنا طالعه وقفت وراها أشوف وش تسوي..لما حست بوجودي..نزلت الشاشه:رغدوووه..أذلفي برااا
جلست وأنا أقول:مو طالعه..لين تقولي مين ذي اللي تكلميها!!
أبعدت عني شوي..وكملت طقطقه في ذا الاب:مالك دخل..والله أقولك..(وكملت بفخر)..هذي مديرة المنتدى..اللي مشتركه فيه
فتحت علبة الجل وصرت أحط في شعري..حتى بدون مرآيه لأني تعودت:وخير يا طير..وبعدين مديرة منتداكم عجوز وش لك فيها
قالت بنفاذ صبر:أووووووهووو..رغدووووه..وش دخلك..وبعدين الصداقه ما تعرف عمر
دخلت الحمام وغسلت يديني وطلعت:شوفي مو حلو؟؟
رفعت راسها بس عشان تسكتني:ايه
أخذت أغراضي وقلت وأنا طالعه:مالت عليكي وعلى صديقتك
نقزت وهي تصرخ:رغدووووه..تقول رح تجي بيتنا!!
انصدمت بكلامها:هي انتي وش تقولي؟؟..من هي عشان ندخلها بيتنا؟؟..شكل أنتي أنجنيتي جد..(وسويت حركه يعني الحمدلله والشكر)
..حبيبتي رغد تعاااالي..قولي وش ألبس..وكيف أسوي شعري؟؟..كلها ساعه ورح تجي
ضحكت عليها:وووول يا مسرعها..صدق اللي قال(بنات أخر زمن)
فتحت الدولاب:أممممم..احسن شي ألبس لبس ساتر وبأكمام..عشان أعجبها
جلست فوق التسريحه وأنا أناظرها..قرب مني:زين..رغود..ألبس الأبيض والله الأحمر
هزيت راسي (لا)..وأنا أخذها على قد عقلها:ألبسي الأبيض عشان تقول أنك بريئه
طلعت لها بنطلون وبلوزه:زين خلاص قووومي طلعي بلبس
حكيت راسي:أووووهو نسيت فيه جل لسى ما نشف..أقول غلا(الثقل زين)..وطلعت
بعد ساعه في الحوش
قفلت غلا جوالها:تقول انها على الباب
أنفتح باب الحديد..وغلا راحت ركض داخل البيت..وأنا صرت أصرخ عليها:غلاااااااا هذا فيصل
دخل فيصل الحوش وهو يتثاوب:فيه وحده براا..تقول تبي غلا!!..روحي خليها تدخل..أنا بروح أنام
صرت أنادي على غلا..بس ما ردت علي..فضطريت أنا اللي أستقبلها..أول ما فتحت الباب..شالت نقابها..وضمتني:هلا بغلاااا
أبتعدت عنها بهدوء..وأنا أدقق في ملامحها..يبين الخبث على وجهى..وغير كذا..هي من أصحاب البشره السمراء..وحاطه لها رووج أحمر فاقع..فصاير ملفت للأنظار:أنا أختها رغد(وأبتسمت)..حياك تفضلي
دخلتها المجلس..واستئذنت وطلعت على طول..شفت غلا جالسه في الصاله بسكون..رحت وجلست قدامها:وووويه ووويه..هذي من وين أنتي جايبتها..خفت أنها تاكلني بعيونها
تقربت مني..وهي ترتب شعرها:يعني مين أحلى أنا والله هي!!
وقفت رايحه للمطبخ:لا أنتي أكيد..أنا بروح أسوي لك العصير..وأنتي أذلفي للعجووووز
لما رحت أسوي العصير في المطبخ..لقيت أمي..وصارت تسألني:يمه رغد..هذي مين اللي جايه تزور أختك؟؟
أصعب شي لما أجي أكذب على أمي:ها..ايه..هذي وحده من صديقاتها في الجامعه
كملت وهي ترفع القدر من على الفرن:ايه..لو مو ريحتي طبخ..كان رحت سلمت عليها..يمكن تعجبني..ونخطبها لهالولد
خفت لما قالت أمي هالكلام:لالا..يمه..هذي متزوجه
أخذت العصير وطلعت من المطبخ..أهرب من أسألت أمي اللي ما تخلص..لما دخلت المجلس..شفت غلا تناظر الأرض وساكته..والحرمه تسولف وتناظر فيها:أحم أحم..حي الله من جانا
عطيتها العصير وجلست جنب غلا..ورفعت دقنها:الا ما تشرفنا بأسمك
ضحكت على حركتي مع غلا:شكل حبيبتي غلا خجوله حيل..تذكرني بأيام خطوبتي..وأنا أسمي مرام
..تشرفنا مدام مرام (حسيت أن الجو هادئ..وغلا هاديه حيل..وأنا أدور في بالي على سالفه)..الا عندك عيال؟؟
سندت ظهرها على الكنب:لا والله..كل ما أفكر أجيب عيال..بس زوجي يشيل الفكره من راسي..وبعدين بدري على لعيال
صرت أكلم نفسي..الحين وحده في الثلاثينات وتقول بدري على لعيال..الحمدلله والشكر
بعد كذا أستئذنت وطلعت
................
أبتسمت وهي تفكر في اليوم اللي تكلم فيه زوجها بلهفه..مثل الشغاله..وحبذا لو يكون فراس..من تذكر هالشخص تجيها حاله من الجووع..فتحت الفرن ولقت مكرونه..غرفت لها في صحن متوسط..وجلست على الكرسي الخشب تاكل..وهي تناظر ورد..لما خلصت ورد من مكالمتها صارت تناظر في فجر..وهي مو حاسه أبد
طلعت ورد علبة عصير برتقال وحطتها قدام فجر..نقزت فجر:بسم الله الرحمن الرحيم..مين قالك أبي عصير؟؟
سوت ورد نفسها بريئه:أنتي اللي قلتي..ورد جيبي عصير
شكت فجر في نفسها:أهاااا..شكرا
سحبها ورد من يدها:قومي..نشتنشق هواء
هزت فجر راسها وطلعت معها:ها..وش أخبار زوجك؟؟
أبتسمت ورد وهي تطلع الفوطه من جيب مريول الطبخ..وتمسح سيارة أبو وسام:كله شي كويس!!
..آآف..وأنتي وين ما رحتي تنظفي..ياربي ليش ما عطيتني أخت
وراحت عنها لداخل البيت..أول ما دخلت الصاله..لقت أمها مقفله سماعة التلفون وعلى وجهه أبتسامه:تدري يا فجر!!ميعاد وافقت
فجـــــــــــــــــــــــــــــــــر
حسيت من جوات نفسي..المفروض أنبسط..وخصوصا وأن ميعاد بنت طيوبه وحبوبه..صحيح عصبيه وعليها شوي حركات أطفال..بس بعد هي بنت عمي..اااااااااه مادري وش فيني..ودي أنبسط بس مو قادره:حلووو.علمتي وسام؟؟
أخذت جوالها من على الطاوله اللي يتوسطها شمعدانات باللون الذهبي..وصارت تفرفر في قائمه الاسماء:الحين بدق أخبره
..لا ..اذا جاء البيت خبريه..ما تعرفي ولدك مهبول..الحين يسوي لنا حادث من الفرحه
نزلت التلفون من على أذنها:ايه والله..وأنتي الصادقه
..بس والله أحلى شي..أن ميعاد بتجي بتسكن هنا..على الأقل يصير فيه جو
بعد مده من الصمت ردت أم وسام:بس تعالي..ميعاد تبي تدرس طب تقول أمها في لبنان..يعني مرح نشوفها كثير
أحس أن بطني ألمني من الضحك:وأنتي مصدقه أن وسام بيتزوج عشان زوجته تعيش في لبنان وهو هنا..يجلس عزابي أحسن له
تكلمت أم وسام بهدوء وكأن أحد يسمعهم:أسكتي ولا تتكلمي في هالموضوع..أن شاء الله نملك عليهم قبل الدراسه..وهم ياخذوا قرارهم بنفسهم
تذكرت شي عشان كذا قمت طيران على الملحق..اللي فيه معظم أغراضنا القديمه..فتحت الباب الألمنيوم..وشغلت الأنوار البيضاء..كراتين و أكياء وصناديق كثيره..معظمها كتب وملفات وصور قديمه..لقيت تحت رجولي لعبتي..كانت عباره عن دميه صغيره لون شعرها بنفسجي..ولابسه فستان أبيض..أنعاد موقف من قبل 12 سنه تقريبا..لما كان وسام يسخر علي اللعبه:ههههههه..تشبهك يا جنيه
كان دوم الدوم يسخر على شعري الكيرلي..سبحان الله شفتوا شلون؟؟..أنا البنت شعري كذا..وهو الولد شعره قمه في الجمال..تركتها على جنب..وفتحت أول كرتون صادفني..كان فيها أغراض مكتب أبوي القديم..فتحت الكرتون الثاني..أغلب الأشياء اللي فيه كانت حق وسام..مع كم غرض لي..حقرتهم وصرت أتصفح في أشياءه..أول شي مسكته لانه لفت نظري..نوت صغير..لونه وردي وعليه ورود..وهذا اللي أستعجب منه..غريبه وسام تعجبه هالاشياء..وبعدين ما قد مره شفته عنده..فتحت أول صفحه مكتوب فيها..بخط أطفال..حرف على السطر وعشره طايرين(مني أنا)..غيرت على طول الصفحات..لين وقفت على صفحه مكتوب فيها((أحبك))بجميع الألوان..تضحكت على الطفوله..كنا ناس بريئين..ما نعرف أن الحب عذاب..بس نقوله بدون ما نفكر فيه..المهم نسوي أنفسنا كبار ونخطه بأقلامنا..ونحسس أنفسنا أنا بجد كبار
كنت رح أقفل الدفتر..بس أستوقفتني الصفحه الكبيره..لأنها بخط وسام الحالي..يعني وهو شخص كبير
لماذا تركتي حبيبكِ ورحلتي..لماذا لم تفي بوعدكِ..وتنتظريني اتقدم لخطبتكِ!!..لماذا هربت من هذا الواقع..ورحلتي الى دنياه..وبقى محبوبكِ..ينزف ألما..ويتمنى لو لم يراك في يوم..وقلبه يهواك..ويتمزق بعد غيابكِ..قد خنتِ شخص لو صلح له لفداك بنبضات قلبه..ولجعل الأكسجين بين يديكِ
(وسأبقى:على ذكراكِ)
أنصدمت من هالكلام..وشو ذا؟؟..يعني الكلام اللي من قبل مو له!!حطيت النوت في جيب بنطلوني..ودورت على تاجي الصغير..(لما كنت صغيره..كنت دايم أقول الى وسام لما تتزوج بأبلس هذا التاج في يوم عرسك)..لقيته في أحد الرفوف وطلعت من الملحق..حطيت الأغراض في غرفتي..وعلى طول نزلت تحت لما سمعت صوت أبوي في الصاله
وقفت على أخر درجه وأنا أشوف وسام جالس جنب أبوي..ما كانت نظراتي نظرات عاديه..لا..كانت نظرات تدور على الحقيقه..حقيقة الكلام اللي قريته
قال وهو يحك شعره:والحين متى الملكه يبه
رحت وجلس عندهم:ول ول ول..عليك يا وسام..كل هذا مستعجل على الزواج
قال بعصبيه..مدري وش سببها:والله كل الناس تزوجت..وش ناقصني أنا ما أتزوج
..ياعمر أمك..مو ناقصك شي..بكره أبوك مع عمك أبو سعود يرحون ويتفقون على يوم الملكه..الله يعطيني العمر وأشوف عيالك
قام وسام وكأنه مو مبالي بكلام أمي..وركب لغرفته..لحقته بس قفل الباب بوجهي:وسام بقولك!!
..لا تقولي شي أنا بسبح..أذلفي
لالا..صار لي تشويش..أبي أحد يربط لي اللي يصير.ااااااااااه يا فراس..متى يجي اليوم اللي أكون فيه مكان ميعاد
طقيت راسي بهباله:وأنا كل شي أحط فيه فراس..مالت علي
...............