رحت طفيت التلفزيون المندمجه في الاء..حطت الاء يدها على خدها:اووووهو ليش طفيته..ابي اشوف وش بيصير؟؟
غمزت لها:عندي لكم موضوع أهم
جلست جنب أمي وقلت:يمه..صراحه..صراحه..صراحه
ردت أمي بنفاذ صبر:وش جايك..على هالصراحه
هزت الاء راسها بحماس:قوول فراسوه بسرعه
أشرت على نفسي:الحين انا فراسوه..وهذا وجايكم ابيكم تخطبوا لي!!
فتحت الاء عيونها على وسعها:من جدك؟؟ياااااااااي يمه..فراسوه بعرس!!
لفت أمي وجهى عني:انت وش فيك..جد انهبلت..بعدك ما تكمل 21 وتبي تعرس..لا واخوك الكبير ما بعد عرس
كنت حاس انهم رح يقولوا كذا:هذا هو وائل في عمري وخطب..وش صار يعني؟؟
تكلمت أمي بهدوء تحاول تفهمني :وائل مطيوور على العرس..وبعدين هو يبي بنت عمه اللي هي أختك..بس انت اذا خطبنا لك مين رح يرضى فيك؟؟
ضحكت الاء:يمه وش فيك..انتي بس وريهم نظارة الدكتور..وهم بدون نقاش رح يوافقوا
تنهدت الماما وهي تقول:بشرط..أخطب لك اللي أبيها؟؟
قمت بستها على راسها:أكيد..اذا امي ما أنتقت لي شيخة البنات..مين رح ينتقيها!!
كملت بتحذير:ولا تنسى..باقي رأي أبوك..وسعود نشوف وش في راسه.
وقفت أصارخ :هيااااااااااااااا
قالت تختبرني:زين ما تبي تعرف مين بخطب لك؟؟
تلعثمت..بس جاوب على طول:مين؟؟
ردت أمي بوناسه:بنت أختي..رغد..هذي أكثر وحده تناسب لك
قاطعتها الاء:يمه بس غلا أكبر
..غلا أكبر..بس رغد هي اللي تناسب ولدي..وبعدين غلا نفس عمره..أنا أبي لولدي بنت صغيره
قامت الاء وهي تقول:بروح أكلم جود..بقول لها السالفه ..بس أنا على طول طلعت جوالي من جيبي الجنز.. وقلت أنا اللي بدق على جود
.............
جـــــــــــــــــود
طلعت من السياره..وقلت الى وائل:أبي مرآيه أشوف وجهي وش صار فيه؟؟
غمزلي:تهبلين(وطلع كلنكس من جيبه..ومسح بقايا الكحل تحت عيوني)
ما سمعنا الا صوت محمد مار من جنبنا:أحم ..أحم..تراكم في مكان عام..والله أبتلشنا بمهابيل
ركض وراه وائل بمرح..ومسكه من رقبته:أذبحك؟؟أذبحك؟؟
أبعده محمد:روح يا الولهان روح الى زوجتك
رفع وائل صعبه لسماء:وربي أني بريئ..وربي واللي ببالك خطأ..بس أنت تفكيرك مجنون
ضحك محمد وقال:صحيح يا جود؟؟
حسيت بالفشله..وأنا ساكته..ووائل يأشر لي عشان أأكد لمحمد كلامه..مشيت الى الباب وقلت:أنا ما علي منكم بروح داخل
دخلت ومالقيت أحد بالصاله..حسيت بالراحه أني ما شفت أحد..مدري ليش؟؟..ركبت الطابق الثاني..ورحت على طول غرفة نهى..طقيت الباب..بس ما جاني رد!!..فتحت الباب ولقيت الغرفه ظلمه..الا من نور الأبجوره الأصفر..قفلت الباب ورحت لعند السرير:نهى..حبيبتي
رفعت اللحاف عنها وقالت:اش جابك؟؟
كان شكلها يكسر الخاطر..عيونها منتفخه..وشعرها مبعثر حوالينها:جايه أشوفك واسأل عنك
بلعت ريقها..وردت علي ونظرها الى السقف:أنتظرتك كثير..توقعتك أول الناس جنبي وما تتركيني..وشفت العكس..الكل يسأل عني وأنتي(وصلت لين هنا وسكتت)
حسيت حالي وكأني نمله جنب هالكلام..بس وش اسوي؟؟..ما كان لي وجه أقابلها:اأنا..أنا
حطت يدها على فمي:مو منتظره..أعذار منك..أتوقع علاقتنا أكبر من كذا
كتفت يديني وظليت أناظر فيها..مو عارفه وش أقول
ظلينا على كذا ربع ساعه تقريبا..بعدها قالت نهى هالكلام..وما قدرت الا اني أضمها وأبكي
ما همني من غاب عني من الناس
من أتصل بي يوم والله قطعني
لاشك بعدك زود القلب وسواس
تدري خيالك مر لحظه وفجعني
لك وسط قلبي مدينه وحراس
*غالي* ولكن طول بعدك (ذبحني)

قطعنا من هالحاله صوت جوالي..طلعته من شنطتي الذهبيه..وأنصدمت بالأسم((فراس))