جلست على الارض..وكأني باذله مجهود..وحطيت يدي تحت خدي..جاني وائل وانحنى..ورفع ذقني:وش فيك؟؟
لميت رجليني لصدري..وحطيت راسي عليهم..وبديت نوبه بكاء..ليش..مدري؟؟..بس كان نفسي أبكي وبقووووه..حسيت أن ظله بعد عني..فزفرت بشده..وسمعت صوت المفتاح يتقفل..رفعت راسي وأنا أشوفه يقفل الباب..حسيت بالخوف..وما سويت شي..غير اني مسكت جوالي بشده أتحمى فيه..جاء وجلس جنبي وتربع..وهو ساكت..جاتني الضحكه وأنا أتخيل شكلنا مثل الطرارين..في نفس الوقت سألت نفسي؟؟ليش انا أبكي..وبمجرد ما السؤال أنعاد..صرت أشاهق من البكاء..مسك وائل راسي وحطه على كتفه..وعطاني أكلنكس:ليش تبكي؟؟
هزيت راسي بالنفي..وكأني أقوله مو من شي
سند راسه على الكنبه اللي ورانا:اذا ما تبيني..قولي لي..ومالك الا اللي يرضيك
تفاجأت من كلامه رفعت صوتي:لا والله مو كذا السالفه..(يمكن نظراته ذكرتي بالسبب)..نظرات بنات خالتي..رغد وغلا..حسيت أنهم يكرهوني..بمجرد ما شافوني معك..وأكيد خالتي أعظم..ماحب أحد يزعل مني
انحنى نظره الى الارض:يعيني السبب انا
هزيت راسي بالنفي..طلع أكلنكس من جيب ثوبه السكري..ومد يده ناحيه وجهي:وش تسوي؟؟
وائل:أمسح الحكل اللي سال..لا يخافوا منك الاطفال اذا طلعتي
حطيت يدي على خصري:لا والله..الحين أنا اخوف؟؟(وقمت رحت عند المرايه..بنفسي أعدل المكياج)
قام ولحقني:أنا بكمل..خطيبتي وبكيفي..ما يخصك(وقفت أمثل الملل وأنا نص مستنده على الجدار)..بعد ما خلص..باسني من خدي..بصراحه تفاجأت..لاني ما كنت متوقعه الحركه..وحسيت بخجل كبير..وأخذ شماغه اللي فسخه من على الكنب.. ورح فتح الباب الخارجي وأشر بيده:والله أنك أحلى من القمر..بس لا عاد تبكي
ما بقى الا طيفه..وأبتسماتي..تأملت شكلي بالمرايه لاخر مره وطلعت من الغرفه للقاعه..وأنا خايفه ألتقي في رغد أو غلا وخالتي
شفت ميعاد تدورني..وجات تركض..وسحبت شعري:يا هبله يا مجنونه ياللي ما تستحي..ليش ما خبرتيني ..ليش أنا أخر من يعلم
رديت عليها ببرود:ليش من قال لك أني خبرت أحد عشان تكوني أخر من يعلم؟؟
مشيت من عندها متوجهه الى باب القاعه..جات من ورايا وحضنتني:أدري زودتها..مبروك يا أحلى مره أخو بالدنيا
أبتسم لها ودخلنا..أول من طاحت عيوني عليها ريم على أحد الطاولات
ميعاد:يااااااي ريم..اشوا جات..واحشتني من زمان عنها
رحنا وسلمنا عليها وسألتها على مناف لأني ما شفته معهم
ريم بنعومتها المعتاده:أخذه أبوي..عقبال ما نسأل عن عيالك
رديت عليها بغيض:أقول لا تجلسي الحين أنتي وميعاد على هالسوالف
قربت ميعاد من ريم وصاروا يتساسروا وهم يضحكوا..وقفت من على الكرسي البيج:ما عليه أنتي وهي
ومشيت عند أمي..(أوووووهوو جالسه مع خالتي أم فيصل وغلا ورغد مع كذا بنت بس ما أعرفهم)
سلمت عليهم ويوم جيت أسلم على رغد..همست:اللي يوعد ما يخون يا جود
سويت كأني ما سمعت شي..ورحت جلست وسط أمي ومره عمي
خالتي بشبه أبتسامه:مبروك يا جود
ردت امي قبل ما أفتح فمي بكلمه:اللي يبارك فيك ..وعقبال رغد وغلا
كأن هالكلمه نرفزت خالتي بقووه:بس أحنا يا أم سعود..متكلمين في الموضوع من زمان..وتفاجئنا باللي صار
ما كنت أبي هالكلام وخصوصا ومره عمي موجوده..بس لانها كانت فاهمه السالفه من البدايه قالت:الزواج يا أم فيصل قسمه ونصيب..والله كاتب ان جود الى وائل..أدعي لهم بالخير يا أم فيصل
أعلنت الطقاقه عن دخول المعرس..فأخذت هالشي مهرب..ورحت أخذت عباتي وشفت عباة ميعاد جنب عباتي فأخذتها ورحت وين ما كانت ميعاد موجوده مع ريم
ميعاد بأبتسامه:يسملووووو ريحتيني من الروحه والجيه
نــــــــــــــاصر