..معي بنت مو مخليتني في حالي(وصارت تنتفض)كيف أسلم من شرها مدري..أحاول بس هي قويه..وبصراحه ما لقيت أحد يوقفها عند حدها..هي بنت عز..وانا تدري بأبوي..لو بشتكي عليها..أنا اللي بنطرد مو هي..وكفايه على بابا اللي فيه..مابي أدخله في مشاكل
(مافهمت من اللي تقوله شي>>فهمتوا انتوا؟؟)ريم تراني مو مستوعبه لك..وش الموضوع اساسا
..هذي بنت معي بنفس التخصص..وكل يوم أشوفها..بالبدايه كان عندي عادي..لانها بس ترسل رسايل حب وغرام ..وانا ماهتم لها..لان ادري ان هالنوعيه ما همهم الا المصخره وتضيع الوقت
..انزين وبعدين
صارت أكتافها تهتز عن أول بكثير..مسكت كتفها أحاول اثبتها:ماله داعي تبكي..كملي ريمي وش صار بعدين؟؟
...مره من المرات دخلت الحمام..أعدل شعري..وصديقتي شافت بنت تعرفها فوقفت برى الحمام تكلمها وبنفس الوقت تنتظرني..وكانت هذي البنت
قطعتها:تبع رسايل الغرام؟؟
هزت راسها وكملت:كانت عند المرايه اللي بجنبي..فجأه شفتها تلتف يمين ويسار..وسحبتني بقوه داخل الحمام
حطيت يدي على فمي من الصدمه
كملت ريم بأكثر ثبات:خفت بقوه..حسيت عيونها يطلع منها الشرر وكأنها بتاكلني..وربي قد ما أقدر حاولت أمنع نفسي منها
مدت ساقها ورفعت التنوره:شوفي هالشموخ(كانت شموخ بطول ساقها لونه بني)
..هذا منها..بس مدري اش صار لي لحظتها..حسيت قوه الكون وشره فيني..دفيتها بعيد..وفتحت الباب وطلعت..ما كان يهمني اناظر المتواجدين..اللي يهمني اني نجيت وبس
ضميتها ..وأنا احس صدرها من الضربات يرتفع وينزل بقوه:حتى اخر مره ..كانت طول المحاضره جالسه جنبي..تسوي حركات مقززه..وربي ما عاد اتحمل(وضمتني لها بقوووه)
ما كان عندي كلام اقوله..صوت باب الفله لفت نظري..وصوت خالتي أم فيصل المميز وهي تسكت غلا ورغد وصل أذني
ومسحت دموع ريم بالكلنكس اللي في يدي..وابتمست لها..مسكتني من يدي وجلستني:جود بليز
هزيت راسي لها بتفهم:فاهمه عليك سرك في بير يا عمري
ورحت عنها اجري
رغــد