هذا مناف..أصغر من عبود تقريبا بسبعه شهور..كانوا جيرانا قبل ننتقل هالبيت..وأم مناف..وما عندها الا مناف و ريم>>ريم أول سنه بالجامعه عمرها 18 سنه..قريبه مني حيل..قلبها ابيض ومافي منها..صحيح مو دايم نتقابل..بس اذا شفتها نسولف عن كل يوم ما شفتها..ويكون هاللقاء له طعم غير..طعم شوق لبنت كانت معي دايم..وخف لقانا الى ان صار بالاشهر
نزلت المجلس..وفتحت الباب بكل لهفه..كان الكل متواجد(أمي..وأم مناف..وريم والاء وايمان)يعني ما بقى الا انا..سلمت بشويه خجل..أول من بديت أم مناف..وبعدها استلمت مناف تبويس..يجنن..خدوده بلون الفراوله..ودي أكله ههههههه..بعدها سلمت على ريم:هلا ريومه..كيفك..وحشتيني
ريم بنت متواضعه كثير..والخجل ماخذ منها الكثير..جلست وضمت يديها:الحمدلله..انتي اللي وحشتيني..واشوف بعد نسيتيني
ناظرت فيها بعتاب..وأنا أبعد قصتي عن عيوني:معقوله أنا انسى الريم انا
مر وقت مو قصير من دقت علي رغد..استغربت للحين ما جت..دخل عبود شكله مل من التلفزيون..خليته غصب يسلم على مناف..ويصير صديقه..مع أنه كل شوي وعاطنه كف..بس يالله ذول أطفال أكيد رح يصير بينهم خناق..عشان يصيروا حبايب
طلعنا معم الى الحديقه عشان يلعب مع مناف بالمرجوحه>>ما خبرتكم ببيتنا مرجوحه حيييل حلووووه..وهذي كانت أول طلب لي من نقلنا هالبيت..أحبها كثير..ملانه والله زعلانه أروح فيها..مرجحتهم شوي..وجلست مع ريم قريب منهم..التفت لها وأبتسمت:وش فيك مستحيه مني..صار لنا ساعه وانتي ساكته؟؟
كانت تضيع نظراتها بأي شي..المهم ما تناظر عيوني..ليش؟؟مدري؟؟
مسكت ذقنها وناظرتها:ريم وش فيك ما عهدتك كذا..بالعاده انتي مرحه وتسولفي..وش صار؟؟
ريم من النوع اللي لازم تحني عليه عشان يتكلم..صحيح ماأحب أدخل في اللي مالي وأسأل بزياده..بس هذي ريم..هذي بنت جيرانا من جيت على الدنيا
ريم بحزن:ودي في اخت..مليت لوحدي..صحيح أمي معي دايم ومو مقصره..بس الأخت غير
جود:ريم..يعني أنا مو أختك؟؟
ريم:بس ما انتي ماشوفك دايم..يدوب مره كل كم شهر
جود (كنت عارفه أنها ما تقول هالكلام الا أنه صاير شي)..ريم أعطيني من الاخر..وش صاير معك؟؟
ريم:مو مرتاحه في الجامعه..مابي أروح
ناظرتها بأستغراب:ليش ياريم..ليش..أنتي تدري أن اهلك صارفين عليك..وأبوك يشتغل ليل نهار عشان يوفر مصروف كتبك ولبسك عشان ما تكوني أقل من البنات..تجي تقولي بعدين هالكلام
(أهل ريم..ناس متواضعين حيل ماديا..ومصروفهم على قدهم)
سالت دموعها وهي تضرب فخدي>>حسيت تقول لي بس..كفايه هالكلام..بس هذا هو الصحيح ليش اسكت..لازم اقول لها لازم..
ريم تمسح بأبهامها دموعها..قمت وجبت من المجلس كلينكس وجلست..كملت كلامها بدون ما تقطع الموضوع:ادري ياجود في اللي قلتيه أدري..بس
هزيت راسي بمعنى كملي