تشير الان الساعه على جدارن الصاله 8 صباحا..صار لها 24 ساعه مو نايمه..الريموت بيدها تقلب فيه القنوات..وبيدها الثانيه كيس الشبس الكبير اللي وسط حضنها..كانت لابسه بجامتها البيضاء بورودها الصغيره الملونه..جات لها الشغاله اللي تو صاحيه من النوم وسلمت عليها:صباح الخير فجر
ابتسمت فجر بحب>>ما تتصوروا قد ايش تحب فجر هالشغاله..لدرجه انها ما تعاملها انها شغاله ابد..يمكن لان ما عندها اخت..واخوها دايم في دراسته.او طالع مع الشباب
فجر:صباح الورد(واشرت لها على الكنبه تجلس)
ورد>>هذا هو اسم شغالتهم..طبعا مو الاصلي..بس لان اسمها صعب..سموها كذا اريح لهم..ورد متقنه اللهجه السعوديه بالقوه>>يمكن لانها اشتغلت في بيت سعودي قبل..او ان 3 سنين معهم كفيله انها تتعود
شبكت يديها وخلتها وسط حضنها:فجر..كيف جلستي من الصبح..غريبه؟؟
ضحكت فجر عليها وحركت جسمها بطريقه ان الشبس اللي وسط حضنها طاح على الارض وتناثر:يوووووه ياربي..كله من عيونك..من قال انا جالسه من الصبح انا ما انمت
قامت ورد تلم الشبس من الارض وفجر تساعدها..وفجاه تذكرت شي وضربتها على راسها:وسام قال لي اسوي كيكه وده فيها وانا كل يوم اقول بكره
حطت ورد يدها على مكان الضربه:عورتيني..ليش تتضربيني..قال لك انتي مو انا
ابتسمت فجر وباستها على خدها:السماح يا سيدتي
ورد بغرور:لا بوسي هنا(تقصد مكان الضربه)
فجر:لو تموتي..بعد (ودفتها بطريقه مرحه)
ضحكت ورد وهي تغير الموضوع:شكلنا وحنا نلم الشبس وهو ما بقى شي يضحك هههههههههههههه