جود بدون وعي..وبصوت عالي:ليش دخلتني؟؟
حطت وائل يده على فهما..وهو نفسه يذبحها..قرب من اذنها وهمس:ان سمعت لك صوت ذبحتك..ياهبله..لبسي عباتك
نزلت عيونها على الارض ..ولبست عباتها..تكلمت بهمس:بختنق..مو قادره اتنفس
وائل بخوف وفي نفس الوقت معصب منها:مو هذا منك يا فهيمه..وش جيبك حمام الرجال
جود وهي شوي وتبكي:والله مدري..ما انتبهت الى اللوحه
وائل:طيب وش اسوي لك..خذي نفس
جود بقرف:ووووووع..هذا مكان ينأخذ فيه نفس
ضحك وائل في عز غضبه..كان شكلها مثل الهبله اللي مو عارفه وش يصير..مو عارفه لو ان احد من برا سمع صوتها وش رح يصير لها..ومثل ما يقولوا شر البليه ما يضحك
جود بتأفف..وهي ترفع صوتها:خلاص طولنا بمووووت
وائل:موتي..خل ارتاح منك..المفروض انا اللي اقول كذا مو انتي..ان سمعت لك صوت ذبحتك
جود:بس انا فيني الربو..وربي اختنقت خلاص
خاف وائل من كلمها..ومن سالفه الربو ذي اللي مو وقتها..شاف مقبض الباب ينفتح وتلقائي قرب منها وكأنه يحميها من أي صدمه ممكن تصير..تنفس الصعداء لما رجع المقبض مثل ما هو والله كان راحوا في خبر كان..انتبه لنفسه وبعد عن جود..اللي غمضت عيونها..وبدت نبوه حكه
وائل صار وجهه احمر ومو عارف وش يسوي..قرب منها..وهمس:جود بليز حاولي تستحملي..مافيني على المصايب
هزت راسها بصمت..ولما ما سمع صوت.. فتح الباب بشويش وطل منه..ولما تأكد ان ما فيه احد..طلع هو وجود..وكان يمشي قدامها بحيث محد يشوفهم..وصلها لين حمامات النساء
وائل:يالله ادخلي بسرعه .وانا بنتظرك هنااا..لا تطولي
دخلت وتوضت بسرعه..والصداع يزيد..طلعت ولقت وائل متسند على الجدار بحيث محد يشوفه..رفع راسه لما شافها:ها خلصتي؟؟
جات وهي ماسكه راسها ومسكت ذراع تسند نفسها:ااااااي..راسي بقوه يألمني..ابي البخاخ
وائل:من وين اجيبه..جود انتي تتفلسفي؟؟
جود :جد اتكلم..مو قادره اتنفس
مسكها من يدها الثانيه..لان كانت شوي وتطيح على الارض:طيب انتي دايم تجي لك الحاله كذا
هز رأسها بأيجاب
وائل:تدري احسن شي..اوديك المصلى..واروح لسعود اقول دقت علي جود تبي البخاخ