جود:وانتي داقه على وجه الصبح..عشان تكلميني في ذي السالفه
نهى:ااااااااش لا تغيري الموضوع ياقلبي..تكلمي؟؟
كانت جود..مستحيل تخبي على نهى شي..وهذا شي متبادل بينهم..الا هذي السالفه كانت تحسها جود..رح توقف مصيرهااا..او يمكن تفكير الناس فيهاا..دايم تحاول تظهر البنت الكامله..اللي ياخذها الواحد له بجداره..تكون قلبه وروحه وكيانه..مالها ماضي يعكر هالصوره...في نفس الوقت لقت ان نهى..هي الوحيده اللي ممكن تخبرها بأي شي بدون ما تخاف على هذي الاشياء..او على نفسهاااا
ردت بدون تردد:بصراحه كذا..جات خالتي وخطبتني قبل مده..ولان امي مستحيل ترد اختها..ومستحيل تغصب بنتها..قالت لهم ينتظروا كم شهر..لاني مو مستعده..على ما اقتنع بالفكره..وبس
نهى تصفر:احلى يعني يحبك(سكتت تستوعب)جود ياخايسه..وانا اخر من يعلم يعني؟؟
جود تعتذر:لا وربي مو كذا..بس ماجات فرصه اقول لك
دخلت ام محمد على نهى.ونهى من خلعتها..قفلت التلفون في وجه جود
ام محمد تفتح انوار الغرفه:من جالسه تكلمي هالوقت؟؟
كان صدرها يرتفع وينزل من الخلعه:جود بنت عمي
ام محمد تأشر لها بيدها بتهديد:شوفي يانهى..صحيح احنا عاطينك راحتك..بس عليك هالايام حركات غريبه..خليك عاقله..وخلينا كذا حلوين
جود في الناحيه الثانيه ..مستغربه اللي صار..ليش قفلته في وجهي..وش صار لها..رفعت السماعه من جديد..وضغطت الارقام بسرعه..رن كذا مره ..بس محد رفع..ياربي وش صار لك يانهى؟؟اخيرا ردت ام محمد تصطنع الهدوء