قفلت السماعه وهي تناظر في ام سعود:اليعال رح يجوا
ام سعود:واخيرا رضوا يطلعوا معنا
جات نهى وهي حامله في كفوفها رمل:اووووووف الحين مرح يخلونا نتحرك من مكانا
حطت نهى الرمل على حضن جود:اوووووهوووو كم مره قلت لك ماحب الرمل
ناظرت نهى فيها وهي تطلع لسانها :بس انا احبه كيفي
التفت ميعاد للبحر وهي تشهق:شووووفووووا قليلة الادب شلون تكلم الرجال باقي شوي وتلمه
ام محمد:عيب وش هالكلام وبعدين يمكن زوجها
ميعاد:اتحدى شفتها وهي تنزل من السياره بس معها السواق
جود:لا تظني في الناس..ان بعض الظن اثم
ميعاد وهي تحاول تأكد لهم: اصلا حتى لو تعرفه مرح تسوي هالحركات وسط الناس(كانت تناظر فيها وهي ودها تقتلها)
ام محمد:الله لا يبلانا ناس مو مربيه..استغفر الله..ربي لا تعاقبنا
كانت جود تعيش في صراع..هذا وانا مفكره اقولك يا مره عمي..اثاريك من وحده ما تعرفيها سويتي سالفه اجل لو.........>>شالت الموضوع من راسها وهي تقوم تساعدهم على الغذاء
جابت ايمان البيبسي من عند ابوها وعطته امها:يوووووووه ليش جايبينه الحين ان شافه عبود بيحرم غذاء
الاء:جيبي بحطه في السله لا يشوفه(هذا هو عبود موته وحياته شي اسمه بيبسي مع ان عمره اربع سنين>>لكن شكله ادمان من الصغر خخ)
في هذا الوقت وصلوا العيال
اولاد بيت ابو محمد
محمد 22 سنه...............وائل 20 سنه
اولاد بيت ابو سعود
سعود 23 سنه............فراس 20 سنه
بعد الغذاء راحوا البنات يتمشوا>>الاء وميعاد اخذوا عبود يلعبوه بالمراجيح
وايمان ورنا يلعبوا فطوووول الوقت يبنوا كوخ ويكسروا الثاني
ام جود ونهى>>>فما يستغنوا عن طاولتهم الغزيزه>>
وجود وهي تتأمل الهلال الساطع على مياه البحر الراكده:شوفي شكل الهلال على البحر كأنه قرش جاي يهجم علينا
نهى:وش هالنظره..بس تصدقي في ذا الظلام شكله قرش خخخخخخخ
جود لفت نظرها للطاوله اللي جنبهم:نهى قومي بنرجع لأمهاتنا
نهى بأستغراب:ليش؟؟
جود وهي ما زالت تناظر:وربي مو حابه ذول الناس وثاني شي اسمعي الاغاني اللي عندهم
نهى:ياختي وش صار ناس طالعه من بيتهم تبي تنبسط
جود وهي مستغربه المنظر حطت يدها على خدها:شوفي اللي ما تستحي تهز خصرها قدام الرجال
نهى بلامباله:الدنيا ظلام مين بيشوف؟؟
جود:مثل ما شفنا يقدروا يشوفوا..قومي عاد ماحب اجلس في مكان وحولي ناس كذا..احس اني قذره
نهى بوزت:وش هالتخلف..ما صارت أغنيه والبنت مستمتعه ترقص..واذا بالمره متضايقه منهم انسي وجودهم
جود:يصير خير
نهى لفت وجه جود ناحيتها:دريتي..يقول ابوي رح نروح المدينه اسبوع الجاي
جود فتحت عيونها:جد تتكلمي؟؟
نهى ترسم شفايفها بزعل:جد
ردت بتنهيده:ياليتنا معكم ودي من زمان اروح المدينه
حط نهى يدينها على خدودها وشطحت بأفكارها:الله تخيلي وناااااااااااااااااااااااااسه
حط جود يدها على فم نهى:اسكتي ياهبله هذا وتخيل كيف لاصارجد
نهى:بطير وناااااسه..بس تدري انا زعلانه من شي
جود:احد رح يروح المدينه ويزعل
رمت نظرها للبحر:بروح المدينه ومرح اقدر اكلم ناصر..رح يوحشني
بدا الصمت ينرسم على هالجلسه الهاديه .. كل وحده منهم تفكر بشي بعيد عن الثانيه هذا هي جود مخزن نهى ومستودعها السري..انحكم عليه بالسكوت قدام احداث نهى اللي تفجع جود..تعودت عليها..حبتها<<لانها زرعت الثقه فيهاااا<<علمتها اشياء ما بعد تتفتح عيونها عليها<<كبرت جود اكبر من عمرها وصارت تنظر بمنظار نهى اللي يفوقها بكذا سنه قدام
نهى وهي تتنهد:الامس اشتريت بطاقه من السوبر ماركت اللي جنبنا..عشان اكلم ناصر..واقوله اني بروح المدينه..وعدني انه يحاول قد ما يقدر يروح
جود وعلامه الاستفهام تكبر على راسها:طيب ليش ما كلمتي من تلفون البيت او الجوال؟؟
نهى وهي تفرك عيونها:ابوي مدري اش جايه رح شركه الاتصالات وحذف الصفر من عندنا..وتدري جوالي ما اكلم عشان لا يطلع الرقم بالفاتوووووره
جود وهي متشوقه لجواب سؤالها:نهى بسألك..اش معنى خاطرتي وقلتي لي كل اللي يصير معك مو احد ثاني
ابتسمت في وجها وغمزت:لانك اعز شخص عندي..ولا تخافي مرح اخاف تعلمي احد..لاني اشك في نفسي ولا اشك فيك
تعرفوا اذا احد قال لكم هالكلام>>تحسووا انفسكم شي كبير>>اكبر من هالناس..مع ان عمركم صغير>>هذا كان احساس جود اللي كل يوم يكبر غلا نهى في قلبها
...........................
في احد المقاهي
ناصر من عائله تقريبا متفككه>>لكن هالشي زرع القوه والثقه في نفسه..وصار رجال البيت اللي تعتمد عليه امه >>من بعد ما طلقها ابوه وعرس مره ثانيه..هذا الاب اللي ترك بيته وعياله..من شان بنت اغرته بمفاتنها..واستولت على حلاله..حتى صار خادم بين يدينهاا
حمد:الا شخبار نهى؟؟
حمد من اعز الناس على قلب ناصر..ويعرف عنه كل كبيره وصغيره..هالاثنين كانت همومهم ومشاكلهم هي القاسم المشترك بينهم>>فحمد تيتم من كان عمره 10 سنوات..وهذا هو يعيش تحت رعايه اخوه الكبير..اللي ضحى بسنين عمره معاهم وحرم نفسه الزواج
ناصر:الحمدلله تقول رح تروح المدينه اسبوع الجاي
شد حمد شعره:وش تفكر فيه؟؟لا تقول تروح معاها
كان خايف من رده فعله..بس هذا هو دايم صريح بمشاعره خصوصا لحمد:ايه
تكلم بهدوء :ناصر قولي وش الفرق لو رحت او جلست هنا؟؟
..على الاقل اكون معها ..اشم نفس الهواء اللي تشمه
ناظره حمد بتفحص:بس؟؟؟
..هي هي حمد وش تفكر..وبعدين احنا اصحاب من كنا صغار يعني ما تعرفني لين الحين؟؟
ابتسم ولمه:ولووو..انت اقرب من نفسي لي..بس كنت اجرب وش رح تكون رده فعلك..بس طلعت رجال والنعم
ابعده ناصر وهو يسوي زعلان:روح روح بس
..ياعمري اخوي الزعلان(غير نبرته الى جد)ودي في شاورما..وش رايك؟؟
دخل ناصر يده في جيبه وطلعه:بح مافيه ولا قرش..الا اذا بتعزمني
..اشوف اليوم تستغلني..البنزين ودفعته والحين بعد اعشيك..ترى حالي حالك لا تفكرني الوزير
اسند ناصر راسه وهو يسوي نفسه يحلم:تخيل لو تكون وزير..كان كل يوم سياره اااااااه ياقلبي..كل يوم عشااااء فخم>>مو على شاندويش شاورما بتذلنا
مسكه حمد من ياقته:قم بس قم..صارت الساعه وحده
فز ناصر من مكانه ومشى الى السياره بسرعه:يالله يالله..وش فيك تمشي على بيض؟؟
رفع حاجبه:وانت ليش مستعجل
وقف يتأمله بمكر:يعني تسوي نفسك ما تدري..ايه ايه رح اروح اكلم نهى خلصني
..ايه نهى تركض..بس انا لا..هذي اخرتها يا ناصروه
ناصر:خخخخخخ..اشوف الاخ يغاااااار
..انا اغاااااااار وعلى مين عليك..روح مناك بس
ركبوا السياره ..كان ناصر مستعجل عشان يكلم نهى..وحمد يفكر في ناصر..ما يدري هل اللي يسويه خطأ كونه ساكت عنه..>>كان افكار تجي وتروح مره تأيد سكوته بس الاكثر تعارضها..ما انتبه على نفسه قدام باب بيتهم
فتح عيونه:والشورماااااااااااا؟؟؟؟؟؟؟
..اووووووهوووو حمد مو لازم تاكل الحين بتنام
دق تلفون ناصر ولقى المتصل نهى
حمد:هذي نهى موووو؟؟؟؟
هز ناصر راسه وهو يتأمل الاسم
..طيب ارفعه
رفع السماعه ونسى حمد بالمررره..اصلا وجوده ما كان يأثر..لان يحس بوجوده الحمايه..يحس ان احد واقف معاه في طول ألمه..انحرم من حنان الاب سنين..صحيح امه عوضته كثير..بس وجود نهى في هالفتره..املى فراغ في وسط قلبه
رجع كرسي السياره على ورى واسند راسه :طيب متى بترجعوا البيت؟؟
نهى:مدري على حسب..بس انا ماودي ارجع خصوصا وان معي بنت عمي
..ياكثر ما سمعت عن بنت عمك ذي..لدي الدرجه غاليه؟؟؟
نهى:اااااااااااااه فوق ما تتصور
............................