فجـــــــــــر

استغربت غلا..داقه علي..وعازمتني..صحيح اني أعرفها من الجامعه..بس ولا مره رحت لهم..اللي ونسني ان نهى رح تروح..وأكيد جود والاء رح يروحوا بيت خالتهم..جلست سنه أحاول في سامر أنه يوصلني..ويالله رضى..رحت دولابي..ياربي وش ألبس..بالعاده لما أجي ألبس أخرب الدولاب كله وبعدين ألبس اللي أول مره اخترته..طلعت لي بلوزه سماوي كت..مع بنطلون جنز برمودا..ولبست صندل بدون كعب بخيوط..فكرت شوي..وقلت ليش ما أخذ معي عمتي هدى..تغير جو شوي..دقيت عليها..كذا مره بس ما ردت..لبست عباتي..ورحت الى سامر اللي يسخن السياره
..السلام عليكم
.هلا وعليكم السلام..أقول فجر وش ريحه هالعطر
..عطر بعد وش ريحته
وسام يشغل الزجاره:عارف يا فهيمه..بس ليش راشه هالقد..وبعدين المفروض ما ترشي الا لما توصلي المكان اللي تبي
بصراحه برطمت..الحين وين رايحه انا يعني..ماغير رح أركب معه..وبنزل عند البنات..يعني من اللي رح يشم ريحتي..وهذا هو شغل زيجارته..كأنه يعاندني..ياربي الحين رح تصير ريحتي زجاير..سكت بدون ماتكلم..أن تكلمت رح يفتح لي من الباب ميه باب..صحيح هو مو مره شديد..بس اذا خالفتيه..ياويلك..قربنا بيت أبو فيصل..الا جود تدق علي..كانت نغمه جوالي..موسيقى لأحد الاغاني المنتشره في هالوقت
وسام:ايه هذا اللي تقولي لا تسمع أغاني..تامر بالصلاه ولا تصلي
ياربي..لو قلت له ان مو مني..مرح يصدقني..النغمه كانت من صديقتي بالجامعه..أخذت جوالي مره..وارسلت لي كذا نغمه..وهذي وحده منهم حطتها نغمه رنين:الحين رح أغيرها..أي شي ثاني
..ردي لطعتي البنت سنتين
حطيت السماعه على أذني..الا قفل..رجعت دقيت عليها ثاني