الحب كاذب يعني الشوق خشران

[جنون الذكريات]

السلام عليكم

كنت متوقعه انتكم راح تتفاعلوان بس ما عليه


اني على شان صديقتي بنزلهاا مو على شانكم لانكم زعلتوووووني حيييييل


اترككم مع الجزء الرابع

[جنون الذكريات]

أما زال الحب في توالد؟؟


وصلنا البيت على أذان الظهر تقريبا..كان راسي مصدع بالحيل..السفره قصيره حيل ..انهلكنا بقووه..طلعت لي بجامه من الدولاب واخذت شور..وانا شوي وانام في الحمام(الله يعزكم)..لبست ملابسي ونشفت شعري على السريع..ودخلت داخل بطانيتي..حسيت براحه وظهري يستقيم..غمضت عيوني ونمت
الساعه.......6 المغرب
تحركت في منامي بضيق..وانا أرفس بقوه..كأني امنع صوت التلفون من الرن..جلست على حيلي اناظر بالغرفه المظلمه:اووووووه صارت الدنيا ليل
وقفت وانا ادور على جوالي..ولمحته على التسريحه بسبب الصوت ولون الشاشه..(رغووده)
ابتسمت وأنا أفكر..ياحبي الى هالبنت..دايم هي الاولى بكل شي..رفعته وصوتي فيه النوووم
جود:ألووو
رغد بحماس:هلا جودي..الحمدلله على السلامه وحشتيني مرررره
ضحكت عليها وانا أرجع منامي..شغلت الابجوره اللي جنبي ورديت:الله يسلمك وانتي كمان وحشتيني
رغد:زين بلاها لطواله كلها ربع ساعه وانا عندك(وقفلت الخط)
يووووه هذي شكلها بالسياره..عاد كله ولا رغد..مواعيدها مضبوطه
قمت بملل..رتبت سريري..وبعدها توضيت وصليت..وغيرت بجامتي..بتنوره أسود لنص الساق وبلوزه عنابيه للكوع..ناظرت في نفسي بالمرايه..مو ضروري أكون كاشخه كل هذا القد..الا هم بنات خالتي..وانا بيني وبينكم ..ما أحب أبالغ بشي..أحب أكون ناعمه ومو متكلفه..أخذت جوالي وطلعت..البيت هدوء..وعبود على غير عادته..جالس يتابع فيلم كرتون بهدوء وما معه أحد..قربت منه وجلست:شخبارك حبيبي؟؟
حط يده على أنفه بمعني(اسكتي)..سويت نفسي زعلانه منه:خلاص ما عاد أحبك
رجع يناظر التلفزيون وهو يقول ببرائه:أنا بعد
ضحكت عليه وقربت بقوه له..وبسته على خده
ابتسم لي بسخريه وسوى لي حركه بيده على اني هبله..كله منها هالايمان..ما خلت شي ما علمته:عبودي وين الماما
عبود:هذا منفور>>(مناف)..جاء مع امه
ابتسمت بفرح وبسته ثانيه على هالخبر

[جنون الذكريات]

هذا مناف..أصغر من عبود تقريبا بسبعه شهور..كانوا جيرانا قبل ننتقل هالبيت..وأم مناف..وما عندها الا مناف و ريم>>ريم أول سنه بالجامعه عمرها 18 سنه..قريبه مني حيل..قلبها ابيض ومافي منها..صحيح مو دايم نتقابل..بس اذا شفتها نسولف عن كل يوم ما شفتها..ويكون هاللقاء له طعم غير..طعم شوق لبنت كانت معي دايم..وخف لقانا الى ان صار بالاشهر
نزلت المجلس..وفتحت الباب بكل لهفه..كان الكل متواجد(أمي..وأم مناف..وريم والاء وايمان)يعني ما بقى الا انا..سلمت بشويه خجل..أول من بديت أم مناف..وبعدها استلمت مناف تبويس..يجنن..خدوده بلون الفراوله..ودي أكله ههههههه..بعدها سلمت على ريم:هلا ريومه..كيفك..وحشتيني
ريم بنت متواضعه كثير..والخجل ماخذ منها الكثير..جلست وضمت يديها:الحمدلله..انتي اللي وحشتيني..واشوف بعد نسيتيني
ناظرت فيها بعتاب..وأنا أبعد قصتي عن عيوني:معقوله أنا انسى الريم انا
مر وقت مو قصير من دقت علي رغد..استغربت للحين ما جت..دخل عبود شكله مل من التلفزيون..خليته غصب يسلم على مناف..ويصير صديقه..مع أنه كل شوي وعاطنه كف..بس يالله ذول أطفال أكيد رح يصير بينهم خناق..عشان يصيروا حبايب
طلعنا معم الى الحديقه عشان يلعب مع مناف بالمرجوحه>>ما خبرتكم ببيتنا مرجوحه حيييل حلووووه..وهذي كانت أول طلب لي من نقلنا هالبيت..أحبها كثير..ملانه والله زعلانه أروح فيها..مرجحتهم شوي..وجلست مع ريم قريب منهم..التفت لها وأبتسمت:وش فيك مستحيه مني..صار لنا ساعه وانتي ساكته؟؟
كانت تضيع نظراتها بأي شي..المهم ما تناظر عيوني..ليش؟؟مدري؟؟
مسكت ذقنها وناظرتها:ريم وش فيك ما عهدتك كذا..بالعاده انتي مرحه وتسولفي..وش صار؟؟
ريم من النوع اللي لازم تحني عليه عشان يتكلم..صحيح ماأحب أدخل في اللي مالي وأسأل بزياده..بس هذي ريم..هذي بنت جيرانا من جيت على الدنيا
ريم بحزن:ودي في اخت..مليت لوحدي..صحيح أمي معي دايم ومو مقصره..بس الأخت غير
جود:ريم..يعني أنا مو أختك؟؟
ريم:بس ما انتي ماشوفك دايم..يدوب مره كل كم شهر
جود (كنت عارفه أنها ما تقول هالكلام الا أنه صاير شي)..ريم أعطيني من الاخر..وش صاير معك؟؟
ريم:مو مرتاحه في الجامعه..مابي أروح
ناظرتها بأستغراب:ليش ياريم..ليش..أنتي تدري أن اهلك صارفين عليك..وأبوك يشتغل ليل نهار عشان يوفر مصروف كتبك ولبسك عشان ما تكوني أقل من البنات..تجي تقولي بعدين هالكلام
(أهل ريم..ناس متواضعين حيل ماديا..ومصروفهم على قدهم)
سالت دموعها وهي تضرب فخدي>>حسيت تقول لي بس..كفايه هالكلام..بس هذا هو الصحيح ليش اسكت..لازم اقول لها لازم..
ريم تمسح بأبهامها دموعها..قمت وجبت من المجلس كلينكس وجلست..كملت كلامها بدون ما تقطع الموضوع:ادري ياجود في اللي قلتيه أدري..بس
هزيت راسي بمعنى كملي

[جنون الذكريات]

..معي بنت مو مخليتني في حالي(وصارت تنتفض)كيف أسلم من شرها مدري..أحاول بس هي قويه..وبصراحه ما لقيت أحد يوقفها عند حدها..هي بنت عز..وانا تدري بأبوي..لو بشتكي عليها..أنا اللي بنطرد مو هي..وكفايه على بابا اللي فيه..مابي أدخله في مشاكل
(مافهمت من اللي تقوله شي>>فهمتوا انتوا؟؟)ريم تراني مو مستوعبه لك..وش الموضوع اساسا
..هذي بنت معي بنفس التخصص..وكل يوم أشوفها..بالبدايه كان عندي عادي..لانها بس ترسل رسايل حب وغرام ..وانا ماهتم لها..لان ادري ان هالنوعيه ما همهم الا المصخره وتضيع الوقت
..انزين وبعدين
صارت أكتافها تهتز عن أول بكثير..مسكت كتفها أحاول اثبتها:ماله داعي تبكي..كملي ريمي وش صار بعدين؟؟
...مره من المرات دخلت الحمام..أعدل شعري..وصديقتي شافت بنت تعرفها فوقفت برى الحمام تكلمها وبنفس الوقت تنتظرني..وكانت هذي البنت
قطعتها:تبع رسايل الغرام؟؟
هزت راسها وكملت:كانت عند المرايه اللي بجنبي..فجأه شفتها تلتف يمين ويسار..وسحبتني بقوه داخل الحمام
حطيت يدي على فمي من الصدمه
كملت ريم بأكثر ثبات:خفت بقوه..حسيت عيونها يطلع منها الشرر وكأنها بتاكلني..وربي قد ما أقدر حاولت أمنع نفسي منها
مدت ساقها ورفعت التنوره:شوفي هالشموخ(كانت شموخ بطول ساقها لونه بني)
..هذا منها..بس مدري اش صار لي لحظتها..حسيت قوه الكون وشره فيني..دفيتها بعيد..وفتحت الباب وطلعت..ما كان يهمني اناظر المتواجدين..اللي يهمني اني نجيت وبس
ضميتها ..وأنا احس صدرها من الضربات يرتفع وينزل بقوه:حتى اخر مره ..كانت طول المحاضره جالسه جنبي..تسوي حركات مقززه..وربي ما عاد اتحمل(وضمتني لها بقوووه)
ما كان عندي كلام اقوله..صوت باب الفله لفت نظري..وصوت خالتي أم فيصل المميز وهي تسكت غلا ورغد وصل أذني
ومسحت دموع ريم بالكلنكس اللي في يدي..وابتمست لها..مسكتني من يدي وجلستني:جود بليز
هزيت راسي لها بتفهم:فاهمه عليك سرك في بير يا عمري
ورحت عنها اجري
رغــد

[جنون الذكريات]

طلعت من السياره على اخر وصايا فيصل اللي وصلنا..دخلت بحماس وانا اجري مع غلا..وامي تصرخ علينا نركد..كان فينا طاقه رهيبه..يمكن لان صار كثير مو طالعين من البيت..قربت من باب الصاله..وشفت جود جايه عندنا..ابتسمت لها وانا فاتحه يديني بحضنها..بس فشلتني وراحت عند امي وهي (تطلع لسانها):أول خالتي..وبنت خالتي غلووويه..وانتي أفكر بعدين اذا اسلم عليك لو لا
ابتسمت لها..من يوم يومها جود دلوعه..بس احلى مافي دلعها برائته..تأملتها وهي تسلم على أمي وغلا..والله انها تستاهل احسن منك يا فيصل>>لو سمعني لذبحني..جات تسلم علي شبكت يديني على صدري:مابي أسلم عليك
ضربت يديني بخفه:اقول لا تسوي فيها زعلانه..لا ترى اصدق وما اسلم
سلمت عليها..وانا ادري لو عيت اكثر مشت وخلتني..جينا ندخل شفتها تنادي بنت كانت جالسه تلعب عبود ومعه ثاني..تو بس انتبه لها..من ذي أول مره أشوفها..ما فكرت زياده..ومديت يدي لها لانها صارت قريب مني..وصارت جود تعرفنا عليها:هذي أختي(قالت هالكلمه وهي تسحب خذها)ريم
وعرفتها علينا..حسيتها طيوبه كثير..بس ياعليها جمال..بصراحه كذا حلووووه بس ما احسها مهتمه في حالها..كان وجها صافي من أي شي..بشرتها فاتحه بدرجه حلوووه..ولون عيونها مايل على الرمادي..بعدت عيوني عنها..وش فيني اناظر كذا بالبنت؟؟..سلمت على خالتي وجميع الموجودين في المجلس من ضمنهم أم ريم..انسحبت جود من المجلس لان امها طلبت منها تجيب الحلا من المطبخ..لكنها ماراحت لوحدها سحبت معها ريم وراحت..بصراحه غرت..اش اللي بينهم عشان تاخذها معها..اخذت فنجان القهوه من يد الاء وانا سرحانه..فجأه تذكرت من متى انا احب القهوه عشان اخذها..التفت الى غلا والاء وهم يتساسروا علي ويضحكوا..ضحكت معهم وانا احط الفجان على الطاوله اللي جنبي:جد اني مفهيه اليوم بقوووه
الاء:زين والله تعترفي بنفسك
غيرت غلا السيره وهي تقول:الاء بقولك.بكره الجمعه في بيتنا..قولي الى جود لان يمكن انسى
الاء بتفكير:زين
رفعت صوتي بغضب:وشو زين يعني مو جاين..غصب عنك مو برضاك..وانا اقول الحين لخالتي
الاء:يمه كلتيني ما قلت شي..قلت زين
طولت جود وللحين ماجت..ااااااف..فيني فضول اعرف وش يسوا..قمت بحجة بروح الحمام..ورحت المطبخ..كانوا جالسين على الطاوله..ريم عاطتني ظهرها وجود بوجهي..يااااااااي شعرها يجنن..تو انتبه له..يمكن لون عيونها غطت على شعرها..بس جد جميل..لونه مو اسود ولا اشقر بين اللونين..ويوصل الى نص الظهر..كل هالجمال..كان رباني..ولاشي اضافي..استغربت مافيه بنت هالايام على الاقل ما تحط غلوس..حتى ملابسها مرررررره عاديه ويمكن اقل..قطعت تفكيري جود وهي تبتسم:حياك رغد..بغيتي شي من المطبخ

[جنون الذكريات]

فتحت عيوني على وسعها..بعد يا بنت خالتي ..بغيت شي..هذي تاليتها..تطرديني قدام اللي يسوى واللي ما يسوى..صراحه زعلت من كلمتها..يمكن هي مو طرده>>بس حطوا نفسكم مكاني؟؟
طلعت الصاله وجلست لوحدي ..بعيد عن الكل..شكل يافيصل..مرح أقدر أسوي اليوم اللي ناويه عليه..اصلا مرح أسويه الا لما تراضيني..حكيت شعري بملل:اووووهو لما ارضى الا طارت
كان صوتي مسموع..وعلى جيت جود:من هي اللي طارت
لفيت وجهي عنها..مالي خلقها تتريق لي
جلست على ركبها وحطت يدها على رجولي:اش فيك زعلانه؟؟
طالعت فيها بسخريه:يعني تدري ان هالشي يزعلني
رفعت شعري عن عيوني:ياعمري انتي..ماكان قصدي..بس انتي الله يهداك بسرعه تزعلي
..طيب وش كنتي تسوي مع البنت
رفعت كتوفها:ولاشي..بس أخذتنا السوالف..من زمان ماشفتها
طلعت من جيت تنورتي علبه صغيره..ورفعت يد جود من حضني وحطيت العلبه فيها
ابتسمت جود وفتحتها بدون ما تتكلم:رفعت الخاتم وناظرت فيه
جود:ياااااااااي جميل (وغمزت)تعطيني وياه
..حلالك اصلا هذا لك
..لي؟؟
اخذت الخاتم من يدها ومسكته بيدي..بدرجه تشوف المكتوب داخله:شوفي وش مكتوب(جود) يعني لك
حظنتني:ياحبي لك رغوووده..تسلمي يا قلبي..ولبسته في صبعها الوسطاني
بعد تردد قلت:جود بس هذا مو من عندي..من عند
دورته في صبعها:من عند مين طيب؟؟
كنت خايفه من ردت فعلها..بس هذي اول خطوه:هذا من عند فيصل
............

[جنون الذكريات]

الجزء الثاني تفضلووو

[جنون الذكريات]

أما زال الحب يتوالد؟؟

دورته في صبعها:من عند مين طيب؟؟
كنت خايفه من ردت فعلها..بس هذي اول خطوه:هذا من عند فيصل
مادرت علي..وما زالت تدور الخاتم..وبعد ثواني رفعت راسها وابتسمت:قولي له احلى هديه من احلى اخ
كانت ضاغظه على كلمه اخ بقوه..يمكن عشان توضح لي..انها ما بتاخذ الخاتم الا لانه اخوها..وشدتني من يدي..قومي بروح اوريه امي..رحت معها بدون ما اتكلم..أفكر وش رح تكون ردت فعل فيصل لو قلت كلامها..دخلنا المجلس..جلست في اول كنب صادفني..أما جود راحت لمها مثل الطفله ام خمس سنين..وجلست على طرف الكنب وهي ماده يدها:يمه شوفي..هذا من عند فيصل
فتحت ام سعود فمها بتتكلم..بس قاطعتها أم مناف:مين فيصل؟؟
ردت أمي تسبق جواب جود وأمها:فيصل ولدي..خطيب جود
رفعت ام مناف حاجبها بأستنكار:جود انخطبت وحنا ما ندري ياأم سعود
صرت في دور المشاهده..احس بصراع في كل منهم

أم سعـــــــــــود

لما راحت جود وريم يجيبوا الحلا..جلست مع ام مناف وام فيصل نتكلم في أمور عديده..وفجأه جات جود وهي مبسوطه بالخاتم..قالت لي أنه من عند فيصل..استغربت ساعتها ..جود مبسوطه على هديه فيصل..وهي اللي دايم تقول ما ترتاح له..وش صار..أنلجم لساني بعدها على رد أم فيصل لما قالت ان فيصل خطيب جود..وش هالوهقه الحين..وليش يا أم مناف تعاتبيني على شي ما صار..ليش؟؟بصراحه رح افصح لكم عن مشاعري تجاه فيصل..انا اشوف فيصل ولد والنعم ..خصوصا وانه ولد اختي..ويحبها..مو مهم الزوجه تحب زوجها..قد انه مهم انه يحبها..لان المرأه مع الوقت تحب الرجل مهما كان..لان عاطفتها تاخذها له..وادري ان فيصل رح يسعدها..واكيد بعد كذا بتحبه..فهمتها هالشي..بس ما كان ردها حتى انها تفكر..كان الرفض مسيطر عليها..وانا مافيني اخسر بنتي عشان عريس حتى لو كان ولد اختي:اسفه يا أم مناف..بس للحين ما صار شي..حتى التحليل ما اخذوه..لساته كلام في كلام

[جنون الذكريات]

هزت أم مناف راسها بعدم اقتناع..أما جود والباقيه فكان السكوت مسيطر عليهم ..بأستثناء ابتسامة اختي الواسعه..لهذي الدرجه تحبي بنتي؟؟
تسندت جود على الكنب وهي مكتفه يديها على صدرها..واليد اللي لابسه فيها الخاتم كانت اليد اللي من جنبي..قربت منها..وشلت الخاتم من اصبعها بدون محد يحس..وحطيته تحت رجلي..حسيت ان دموعها رح تنزل..بس تداركتها وقامت طلعت براااا..كملت السوالف معهم وانا قلبي مع بنتي..وكل الكلام اللي في عقلي يعاتب أختي

ريــــــــــــــــــــــم

وش هالكلام اللي سمعته..معقوله جود مخبيه علي..اعرفها في هالمواضيع ما تتكلم..حسيت انها تضايقت بعد كذا وطلعت..استئذنت البنات اللي يسولفوا..وخصوصا غلا ..قد ايش هي حبوبه..كثثثثثير..ارتحت لها اكثر من رغد بكثير..خرجت الصاله وشفت جود جالسه على الدرج..يد حاطتها على خدها..والثانيه فيها التلفون..شكلها تتصل على احد..رحت وجلست تحتها..على الدرجه الثانيه تقريبا..حطيت راسي على رجولها بشكل مايل
جود:الوووو نهى
كنت اسمع صوت نهى طالع:هلاااااا جود وحشتيني كثير
ماخفيت علي نبره جود الحزينه:جوووود بيدمروني
بصراحه هالكلمه ما سمعتها ..بس توقعت ان نهى تسأل ليش؟؟
جود بصوت انزل بحبتين:رح اسوي الخطه اللي قلت لك عليها؟؟
نهى تصارخ:جوود يا مهبوله..اخاف تتدمري اكثر
جود:اتدمر بالوحده..ولا ادمر بشي ثاني..والحين ناويه اسويها
نهى:بصراحه صحيح اخاف عليك..بس انتي قدها وقدود والله معك
جود:يالله غناتي..بعدين احكي لك التفاصيل..مع السلامه
ضغطت على زر انهاء المكالمه..رفعت راسي وناظرت وجها..وانا اشوفه بشكل مقلوب:الله يهبل وجهك بالمقلوب
تفشلت من ردت فعلها..ابتسمت لي وابتسامه مصطنعه
خفضت راسها شوي وباست خدي
..جود اش الطاري؟؟بوسه ومنك؟؟ماصدق
جود:غناتي ممكن تنادي لي رغد؟؟
وقفت وانا اقول:ليش؟؟
..ابيهاااا

[جنون الذكريات]

رفعت يديني اتمغط:اااااااااااااااه تعبت..وفيني النوووووم
غطت وجها وهي تنزل بلوزتي:عيب..فشلك الله
ريم:ههههههههههههه(قرصت خدها)والله اني أموت عليك
وطرت انادي رغد..مع اني ادري رح يصير شي..وخصوصا من مكالمه نهى..اممممممم اللي اعرفه..ان نهى اقرب الناس الى جود..واي انسان يبي يعرف جود يروح لنهى ..بس ياترى..انا مين يعرف عني..انا ما احكي الا الى جود..صحيح ما اشوفها كثير..وخصوصا بعد نقلهم..يعني ما تعرف التفاصيل اللي احبها واللي ما احبها..بس الاشياء المهمه..اااااااااااااااااااه ودي احد يفهمني..يكون توأمي>>كذا اسمع البنات دايم يقولوا..كل وحده عندها توأم الا انا..بس احيان ابتسم واقول ان توأمي امي وبس..مافي احد رح يفهمني قدها..لكن كثير من الاحيان استحي اقول لها وايد اشياء
ناديت رغد>>وكأنها كانت تنتظر هالنداء من زمان..وقفت عند باب المجلس..خايفه اروح واتدخل في شي ما يخصني..في نفس الوقت ودي اكون مع جود>>واعرف وش يصير>>يااااااذااااا الفضوووول خخخخخ
قربت رغد من جود..وشفت جود تأشر لي بيدها اجي..مشيت خطوتين
ورغد تقول بعصبيه:ليش تناديها..هي مالها دخل فالموضوع
نزلت جود عيونها للارض وقالت:اتوقع انا اللي بتكلم مش انتي..واذا ما تبيها..انا اروح معها..ما سمح لك تهيني ضيوفي بكلمه
رغد بنفس العصبيه:بس انا ماهنتها
لفيت بأرجع:خلاص ماله داعي للهواش بسببي..أنا رايحه داخل
تقربت لي جود ووحطت يدها على كتفي:انتي اختي..يعني الكلام يهمك مو
هزيت راسي وخذتني جود وين ما رغد واقفه:رغد..بس بغيت اقولك..انك تقولي الى خطيبي فيصل..ينتظر علي ثلاث شهور..(كانت رغد رح تتكلم..بس سكتتها جود وهي تكمل)
لكن قسم بربي يا رغد..وهذاني قسمت..لو سمعت سيرته لو شفت شي من طرفه..تحلمي يصير اللي في بالكم
رغد:تهددي يعني؟؟

[جنون الذكريات]

جود:ما أهدد..بس بصراحه أقرقتوا راسي فيه..وشكلكم رح تكرهوني في اكثر من(وسكتت)
رغد :ادري اكثر منتي كارهته..خلاص اللي تبيه رح يصير..وبخبرهم كلهم ..ما يجيبوا لك سيره(وضمتها)
جود وراسها بين اكتاف رغد:وبكره رح اجي بيتكم..لو شفته يارغد
بعدتها رغد وسكرت فهمها:خلاص فهمت
...................

قضيت هاليومين..وانا جالس بالبيت مع امي..كانت حرارتها مرتفعه..مع حكه وزكام قوي..كرست وقتي معها..احس بسعاده لما أكون معها..واتضايق لأنها تعبانه كثير..عصرت الفوطه من الماء المثلج..وحطيته على راسها..ااااااااااه لو تدري ياأمي أن كنت في هاليومين ابيك تخطبي لي..وتفرحي بولدك..يالله كل تاخيره وفيها خيره..فتحت عيونها ومسكت يدي اللي كانت على راسها:قوم يا ولدي روح الدوام..مرح يصير فيني شي.كلها كم ساعه
ترددت أقول لها اولا
في اخر يوم كنت مع حمد..المفروض يوم ثاني أروح الدوام..بس الشباب عرفوا الخبر من حمد..ودقوا علي
علي:يا ناصر وش لك بالدوام..تعب وكرف..والراتب ما يدفع فاتوره تلفون
ناصر:وش اسوي يا أخوك..هذا اللي حصلته..وبعدين انا مرتاح لانه قريب من البيت..بدل المشاوير
علي:انا انصحك يا ناصر تترك هالدوام..لانك رح تتعب..واذا تبي شوري..سوق الخضار مفتوح
ناصر:وش قصدك..ابيع بطيخ وبرتقال يعني؟؟
علي:الشغل مو عيب يا ناصر..وانا اعرف كثير يشتغلوا كذا..والحمدلله مستوره..والراتب يمشي معهم
ناصر:.......................

[جنون الذكريات]

علي:وش فيك متردد..على العموم كل شي على راحتك..بس أنا حبيت انصحك
ناصر:بس أنا معرف احد يشتغل في سوق الخضار..ومحد رح يرضى اشتغل معه
علي:انا ما قلت لك..الا لان عمي ابو مالك..عنده مزرعه كبيره وعمال..واذا كلمته..انك تصير مشرف عليهم..أكيد بيوافق
ناصر:بس
علي بعصبيه:شوف يا ناصر لا تخاف من ردة فعل عمي..عمي واعرفه..المهم انتي توافق وخلاص
ناصر بتردد:خلاص شورك وهدايه الله
علي:اااااااااف واخيرا..الله يعين مرتك عليك(على طول طرت في بالي نهى..ابتسمت وقلت له)زين يالله طس امي تعبانه بجلس معها
علي:اوكي..بس الدوام السبت..وانا بمر عليك نروح المزرعه..لا تنسى
قفلت السماعه..وانا افكر..من اول بشركه وانا خايف من رده فعل أبو نهى..الحين أجل وش رح يقول..ااااااااااااااااااااه يا نهى.مرح ألوم أبوك لو ما وافق..بالعكس بفرح لانه خايف عليك..بس بعد ابيــــــــــــــــــــــك
وعيت لنفسي وامي تقول:مين اللي تبيها يا ناصر.وليش ما رديت علي..متى بتروح الدوام
ضحكت وانا ماسك بطني بقووووه..قلت ابيك بصوت مسموع..الحمدلله انه قدامك يا أمي ولا قدام غيرك(أقصد حمد ههههههه)
حطيت راسي على صدرها:يمه أبي نهى بنت ال.......
أم ناصر:قوم عني قتلتني..وبعدين ياللي ما تستحي..مين ذي نهى
ماعرف وش أقولها..بس جاء ردي سريع..وحتى اني ما توقتعه مني:يمه..هذي أخت واحد من أصحابي..عزيز حيل..وودي أصير نسيبه
رفعت كفوفها الى السماء:ياااااربي..أشوف عرسك..وعرس اولادك قبل لا ربي ياخذ أمانته
ناصر:ان شاء الله يمه..بس حرام عليك لا تقولي هالكلام قدامي..تراه يقطع قلبي
ردت علي امي بمرح:وأنا بطني تقطع من الجووع
بست راسها:ما عاش الجوع يا يمه الحين أحلى عشاء بين يديك
دخلت المطبخ المتوسط الحجم..وفتحت الثلاجه..وكل الدواليب..ووقفت في الوسط..وعيوني تدور على الاغراض.وش أسوي ياربي..يالله مافيه الا جبن وخبز..ههههههه..هذا عشاي من أنا صغير..أرتحت بعد ما قلت لأمي عن نهى..وأحس اني طاير من الفرح..فتحت كيس الخبز..وأخذت كم وحده..وحطيت وسطها جبن كاسات..طلعت من الثلاجه..عصير برتقال معلب..وأخذت لي..عصير عنب..لاني ما أحب غيره
.................

[جنون الذكريات]

فجـــــــــــر

استغربت غلا..داقه علي..وعازمتني..صحيح اني أعرفها من الجامعه..بس ولا مره رحت لهم..اللي ونسني ان نهى رح تروح..وأكيد جود والاء رح يروحوا بيت خالتهم..جلست سنه أحاول في سامر أنه يوصلني..ويالله رضى..رحت دولابي..ياربي وش ألبس..بالعاده لما أجي ألبس أخرب الدولاب كله وبعدين ألبس اللي أول مره اخترته..طلعت لي بلوزه سماوي كت..مع بنطلون جنز برمودا..ولبست صندل بدون كعب بخيوط..فكرت شوي..وقلت ليش ما أخذ معي عمتي هدى..تغير جو شوي..دقيت عليها..كذا مره بس ما ردت..لبست عباتي..ورحت الى سامر اللي يسخن السياره
..السلام عليكم
.هلا وعليكم السلام..أقول فجر وش ريحه هالعطر
..عطر بعد وش ريحته
وسام يشغل الزجاره:عارف يا فهيمه..بس ليش راشه هالقد..وبعدين المفروض ما ترشي الا لما توصلي المكان اللي تبي
بصراحه برطمت..الحين وين رايحه انا يعني..ماغير رح أركب معه..وبنزل عند البنات..يعني من اللي رح يشم ريحتي..وهذا هو شغل زيجارته..كأنه يعاندني..ياربي الحين رح تصير ريحتي زجاير..سكت بدون ماتكلم..أن تكلمت رح يفتح لي من الباب ميه باب..صحيح هو مو مره شديد..بس اذا خالفتيه..ياويلك..قربنا بيت أبو فيصل..الا جود تدق علي..كانت نغمه جوالي..موسيقى لأحد الاغاني المنتشره في هالوقت
وسام:ايه هذا اللي تقولي لا تسمع أغاني..تامر بالصلاه ولا تصلي
ياربي..لو قلت له ان مو مني..مرح يصدقني..النغمه كانت من صديقتي بالجامعه..أخذت جوالي مره..وارسلت لي كذا نغمه..وهذي وحده منهم حطتها نغمه رنين:الحين رح أغيرها..أي شي ثاني
..ردي لطعتي البنت سنتين
حطيت السماعه على أذني..الا قفل..رجعت دقيت عليها ثاني

[جنون الذكريات]

ركبت جود والاء..سلمت..وبعد ثواني صارت تكح وتكح.
فجر:وسام وسام..وش فيك طفي السجاره..شوف البنت أختنقت
شكله كان سرحان..وانتبه لنفسه لما كلمته..رمى السجاره من السياره
سامر :سوري
ناظرت في المرايه الاماميه وانا أشوف جود تسند راسها على الكرسي:لا عادي
ساد الصمت لثواني لان بعدها وصلنا..نزلت الاء وأخذت الأطباق من الشنطه..أنا ساعتها كنت انتظر جود تنزل بس ما نزلت..فتحت الباب:جود يالله نزلي
لفت رجولها بتطلع:صدري يألمني..بس يالله شوي واتحسن
مسكت يدي الا وسام يلف على السيت ورى:جود
..نعم؟؟
كان يأشر لها بأصبعه السبابه..سامر يهدد..وش ملامح الصرامه هذي؟؟أول مره أشوفه كذا:جود لا يمكن نسمح لك تاخذي فيصل
انا ضايعه..فيصل..ليش متى خطب جود؟؟وش دخل سامر في السالفه؟؟
شفت ضياعي يزيد مرتين في عيون جود ..نزلت من السياره ودخلنا للبنات

وائــــــــــــل

[جنون الذكريات]

نومي هالايام مخربط فوق تحت..صحتني نهى بالقوه..اخذتهم عند خالة بيت عمي..وعلى الباب شفت وسام..الظاهر أنه جايب أخته..وقفت قريب من عنده..وصارت نافذتي تطل على نافذته..دقيت الهرن..ولف لي..أبتسم لي..وأأشر أجي وراه..صرنا وسط طريق المطاعم..جعت بصراحه وانا أشوف لوح مطاعم الوجبات السريعه على طول الطريق..اااااااه يا الكنتاكي..دقيت على سامر:ياهوو يأخي أنا جوعان..وين بتودينا؟؟
سامر بعصبيه:وأنت ما همك الا بطنك وبس
ضحكت عليه:صراحه جوعان وبنزل كنتاكي
..الا كنتاكي مافيه..أمشي اعشيك في مطعم ثاني..وعلى حسابي بس كنتاكي لا
مقدر أشوف أحد معصب..تجيني هستيريه:ههههههههههه ليش دجاجهم فيه فلونزا الطيور
ركن سيارته في أحد المواقف على جانب الطريق..طفيت السياره..وأخذت نظارتي وبوكي..جاء سامر من وراي وسحب التلفون من أذني:غاوي خساير أنت تشوفني وقفت قفل
لبست نظارتي السوداء:يأخي أحب أسمع صوتك
وسام :ضحكتني مره..وبعدين وش هالهبل.نظاره شمسيه في الليل وين صارت؟؟
حطيت يدي على خصري:قول غاير من حلاتي قول
وسام:أتحداك..أنت وهالخشه
..وسام خربت شعري..جالس عليه ساعه أضبطه
حرك وسام رقبته..وشعره يتحرك بحركته:ااااش رايك بس؟؟