الحب كاذب يعني الشوق خشران

[جنون الذكريات]

ام محمد بهدوء:ابوك طلبوه الشغل ضروري ولازم نروح
نهى بتلقائيه:طيب يروح..ويتركنا هنا
ام محمد بصوت خافت ومشدود بنفس الوقت:عيب يابنت..وبعدين يومين ما كفتك؟؟
حطت يديها على خصرها:لا والله ما امدانا نتنفس..وهذي اللي تقول جمعوا اغراضكم..ليش احنا متى طلعناهم من الشنط..اااااااااف ياربي
ام سعود:نهى لا تقولي ااف..خلاص هذا الللي ربك كاتب
نهى:وذا الشغل اللي مايخلص..كل شوي طلبوه..مالت عليهم بس
ميعاد بعتراض:دام الليله اخر ليله مستحيل ارجع الفندق
ضحكت ام سعود وهي تقول:ليش بتنامي في الشارع..والله ورتحنا من وحده
ضربت برجلها الارض:مابي.مابي ..مابي
ام محمد:وش ذا البلشه هالبنات..زين خل نرجع الفندق ضبطوا الاغراض..وبعدين نشوف العيال يطلعوا معكم
الاء بحزم:ايه مو كل تسوها فينا..بس ان ما طلعنا بفجر الفندق
رنا:انا بعد..تو مشتريه قنابل حق مسدس عبود..كل من اشوفه برشه بالطلقات
نهى تحاول ما تبين مقهوره:زين متى موعد طيارتنا؟؟
ام سعود:أي طياره يابنيتي..مالقوا حجز..استجروا سيارات وبنرجع فيهم
ميعاد:اوووووووهوووو..وش ذا..اصلا متى لحقتوا على ذا كله..وهو ما صار لنا في القصر من مبارح العصر
جود اللي ما نسمع صوتها من ضمن المعارضات:الله الله يا ميعادوا..من وين هالامثال لك
ميعاد بسخريه:احم احم
مروا على المحلات وكل وحده فيهم تتحلطم..على هالسفره الصغيره حييييل..تسارعت خطواتها..عل وعسى يلقوا احد يتسوق معهم..ويمشيهم
دخلت ميعاد الشقه وعلى طول..لمت اغراضها في الشنطه بعشوائيه حيل..المهم تتخلص منهم..وراحت شقه العيال..تترجى فيهم يطلعوهم..لقت وائل نايم على الكنب..والتلفزيون شغال على القناه الرياضيه..كسر خاطرها شكله..كان ودها تجيب له بطانيه وتغطيه..بس تذكرت ان سفرتهم بكره..قربت منه وصحته بشويش:وائل ..وائل
فتح عيونه ومن شافها نقز..لا ارادي رجعت ميعاد على ورا:بسم الله وش فيك؟؟

[جنون الذكريات]

حطت شعره بملل:شكلي حلمان ..وانتي خرعتيني..الا وش جابك هنا؟؟
ضمت يدينها لصدرها..ونزلت خصله على عيونها ببرائه:وائل..ياحبيب اختك..ياغناتي انت..نبي نطلع نتمشى..يعني لو تكرمت وطلعتنا..بتكون احسن اخ شافته عيني
رجعت على الكنب وانسدح نص انسداحه:فيه اخ احسن مني..روحي لمحمد
مسكت الجوال تهزه قدام وجهه:تو متصله عليه..يقول مو طالع من الحرم لين يسكروه..انت حبيبي وائل القمر
وائل:بس بشرط؟؟
نقزت من الفرح:طلباتك اوامر ياعيوني..اشرط
وائل:شوفوا فراس اذا بيطلع بطلع معه
ما انتظره يخلص كلامه..راحت فتحت جميع الغرف..وفي اخر غرفه..كان الظلام سائد على المكان..وجو التكيف..معطي الغرفه بروده كبيره
فتحت نور الغرفه..اللي كان فوق السرير مباشره..مما ازعج فراس..وخلاه يقلب راسه على الاتجاه الثاني..قربت منه ميعاد وهي تهمس..بصوت يعلو شوي شوي:فراس..فراس
مسك البطانيه بقوه وغطى وجهه:ااااااوف وش تبي..بسرعه طفي النور؟؟
ميعاد:مو طافيته قوووم
وقف على السرير بغضب..وقفز..خافت ميعاد وحطت يديها على راسها:خلاص بطلع خلاص
مسك شعرها بقوه:بعد ايش بعد ما خربتي نومي..مين مسلطك علي
بعدت يده وهي تتألم ..ودموعها على وشك تنزل:فراس شعري..خلاص بطلع خلاص
نزلت دموعها..انصدم شكلها..تو يحس هو وش سوى..ترك شعرها..في نفس الوقت طلعت هي من الغرفه..وجهى محمر..وتبكي بخوف:الحين وش رح تقول امي لو درت ان رحت لها غرفته بدون شي..ياربي..والله ما كان قصدي..قلت بس بجلسه من النوم..واكيد مرح ينتبه لي

[جنون الذكريات]

جلس فراس على السرير يناظر بالارض..يتذكر شكله..غضبه اللي ما يطلع الا نادر..هدوء اللي استاطعت ميعاد تقلبه الى شراسه..فتح يده..وسحب الشعرات اللي بين اصابعه..ضحك بستهزاء ..شعرها..انا مسكت شعرها..شلون..كيف..ليش؟؟اصلا هي ليش جات تجلسني..ضرب على راسه وهو يتذكر الكابوس اللي خلا جسمه في بروده الغرفه يعرق..وراسه يصدع..مد ظهره على السرير لثواني وقام بسرعه..لو جلس يفكر مرح يخلص افكار..راح الحمام المجاور الى الغرفه..ونزل راسه تحت صنبور المغسله..يصب عليه الماء البارد..سكر الماء واخذ المنشفه ينشف شعره وجهه..طلع الصاله ولقاء وائل قدامه:مرحبا
..صح النوم..يامعصب
رمى المشفه على الكنب وجلس:اسكت بس مدري وش جاني؟؟
ضحك وائل وهو يتذكر شكل ميعاد:تدري عاد من زمان ما شفتها تبكي
فراس:اوهو لا تحسسني بتأنيب الضمير
وائل:أي ضمير أي بطيخ.اكيد نسيت ولا على بالها..دايم انا معها كذا وعادي
فراس:الا هي وش تبي؟؟
وائل:تبي نطلع فيهم؟؟
خلل اصابعه في شعره المبلول:اممممم..تدري انا بعد نفسي اطلع..احس مصدع
فراس:طيب يالله قوم نغير جو..الليله اخر شي لنا
........................

[جنون الذكريات]

........................
في بيت ابو فيصل
رغد:اااااااااي يمه يدي تألمني
نزلت ام فيصل صوت التلفزيون والتفتت لها:تستاهلي عشان مره ثانيه تعقلي..وما تسوي هالحركات البايخه
غلا ماسكه بطنها وهي تضحك:ويلي ,,والله مو قادره..كل ما تذكرت شكله وهو جاي يفكر حسدوه ههههههههههههههههههههههه
ام فيصل ضربتها على كتفها:فوق هذا تضحكي..مو كأن انتي اللي قصيتي شعره ياللي ما تستحي..خلي ولدي يالله
رغد:بس يمه مو طلع شكله كذا نايس..والله حلو
غلا تغمز لها:قولتك الحين توافق جود
ام فيصل بعصبيه:بنت استحي
رغد:جد يمه..انا عندي احساس قوي..ان شعره محل الرفض هههههه..هالمره اساليها وشوفي؟؟
فكرت ام فيصل بكلمها:بس الرجال ما يعيبه شعره
قربت غلا من امها..وجلست على ركبها:يمه يا حبيبتي..جود صغيره وحلوه..يعني يحق لها تتشرط حتى على مشيته
ام فيصل:وخري بس عني..بنات هالوقت فيوزهم داقه اووف
رغد وهي تناظر يدها المحمره:بس والله خفت يقتلني..حسيت الشرر يتطاير من عيونه..هذي(تأشر على غلا)تطلع فيني..حتى ما تقول تعال اضربني انا وخل رغد

[جنون الذكريات]

ضحكت غلا:هههههههه احد يفتن على حاله.يالله تعيشي وتاكلي غيرها
رغد بهدوء:يمه ..جد نسيت اقولك..بكره رح يجوا صديقاتي البيت
غلا بفرحه:كشخه..اجل حتى انا بقول لصديقاتي يجوا
رغد:اوووووهو يا ذي القلاده..من قال احنا نبيكم يا غثيثين
غلا:محد غيرك الغثيثه ..وعناد رح اقول لهم
رغد:خلاص دام كذا..اتصلي على فجر بنت عم جود..هالبنت حبوبه..شفتها كذا مره عند جود..خل تجي نتعرف عليها زود
ام فيصل :هي انتوا اللي تخططوا..بكره رح يجوا بنات خالتكم..ويمكن نروح نشوفهم شوي
فتحت رغد عيونها على وسعها:تو ما امداهم يومين ..ليش مستعجلين؟؟
ام فيصل:هذا اللي ربي كاتبه لهم..الحمدلله على كل حال
صفقت غلا بقوه..مما خلى ام فيصل تسكر اذونها:غلا وووووجع
غلا:احلى شي..دامهم رح يجوا بكره..نخلي الجلسه بالليل..ويجوا لنا
ام فيصل:بس مو عدله..رح يجوا تعبانين
رغد زامه شفايفها:جد اكيد جود والاء رح يعيوا..خليها لبعد بكره..احسن شي
غلا:صح عليك..وانا بعد ابي اسوي خطه
ام فيصل تأشر:ان طلعت خطه ماسخه لاوريك يا غلا ياام الافكار
غلا:يمه وش فيك علي..كم مره قلت لك..سالفت قص شعر فيصل من رغد مو مني
على كلمتها دخل فيصل البيت..من بعد مارح الحلاق وضبط شعره..شكله صار غير..ومره مختلف شكله عن اول..وقفت غلا لما شافته وصارت تصفق>>حركتها الدايمه هههههه
غلا:ياااااااي شو هذا؟؟
قرب لها وسحب شعره:شو هذا ..تبيني اوريك شو هذا
ناظرت فيه بطفوله:فصول حرام عليك..انا اختك..وبعدين مو عيب اللي سويته في رغد(اشرت عليها..ورغد كملت دور التمسكن)
فيصل مقهور منهم..في نفس الوقت يحس الموضوع عادي وما تغير شي..يعني نيو لوك
راح لامه وهو يتدلع..يبي يقهرهم:يمه شفتي وش سووا بناتك فيني مو عيب؟؟..والله اخترعت تخيلي..واحد ينام فيه شعره..يجلس نصه طايح..والله اخترعت
مسحت ام فيصل على راسه وهي بعد ناويه تغايض بناتها:بسم الله عليك ياولدي..تدري خواتك ما يستحوا..وبعدين وش حلات شعرك كذا تهبل
رغد اللي ناويه تزعل وما تتكلم..طلعت منها الكلمه تلقائي:الحين شوف جود ان ما قالت كذا حلو اقص يدي
رفع لها حواجبه بأستنكار:شكل انا اللي بقص يديك
غمزت لها غلا:ياعيني كل هذا الى جود؟؟
فيصل بنرفزه:من جاب طاريها الحين..يمه شوفي بناتك..ان ما سكتوا لاذبحهم
ام فيصل اللي تبي تحكل السالفه عميتها فوق تحت:اسكتي انتي وهي..اصلا ولدي ما يبي جود ولا شي..مليون بنت تبيه بشعره
فيصل بصدمه:يمه انتي وش تقولي؟؟
رغد:صحيح يمه..تعرفي بنت ال.... حيل طيوبه.وحلوه.خطبيها لفيصل
هز فيصل لها حواجبه وهمس لرغد:غيرها مرح اخذ..ورح تشوفي(ورفع صوته وهو يكلم امه المتاثره بالاخبار)يمه انا قايم البس واطلع تبي شي؟؟
ام فيصل:سلامتك يا ولدي..بس شوي شوي لا تسرع
غلا بملل:ياريت انا ولد..كان اطلع الحين واتونس..مو حكره بالبيت..اقول رغدوه قومي بس ندق عالبنات نضيع وقت شوي
..................

[جنون الذكريات]

..................
في غرفته المتواضعه..وعلى سريره الخشب..اللي ياما بكى عليه ولم المخده اللي عاشرها من كان عمره 9 سنين..اللي ياما ضمها..وياما من كثر الوناسه عضها..مافكر من يوم اللي اشتراها له ابوه يغيرها..يمكن تذكره بحنان ابوه اللي فقده.بالاب اللي في ليله تغير عليهم ..ترك امه وهاجر الى بيت اخر يسمى بيته..وما عاد يسأل عنه ولا عن اخواته..مستحيل يفرط في هالقطعه اللي عاش معها كل ليله..كان يشوف ابوه الحنون المضحي فيها..والحين وين ابوه..وينه؟؟مـــــات في عينه..الجفا قتل الصوره..وقلت الوصل زرعت عتب ولوم..يبه ريتك بقيت مثل ما انت..مثل ما بقت هالمخده..وتحملتني في كل حالتي
دخلت عليه امه..اللي زاد الشقى عمرها عمر..وبان على ملامحها الارهاق والتعب..ايام السعاده كانت نادره الى معدومه عندها..لكن سعادتها تكون وهي ساجده الى ربها..تشتكي له حالتها..تدعي انه يوسع لهم في الرزق..ويديم الصحه عليهم..المؤنه في بيتهم قليله كثير..الا انهم بالقليل راضين..وبوجد ولدها حولها هذا اللي مصبرها..هذي الام الصابره..هذي اللي اهتز الكل من حالها..وما عمرها اهتزت..كانت فخر لناصر ولاخواته..فنيت عمرها لهم
فتحت نور الغرفه ونادت على ناصر تجلسه لصلاه الفجر..اما ناصر كان حاس فيها..بس مايبي يقوم قدامها..مايبيها تشوف هالدموع في عيونها..وش اقول يا أم اقول ان فصلوني من الوظيفه..وما عاد لنا دخل في هالبيت نرتكز عليه..اااااااااااااه يا أمي..مجرد تخيله انه ضام امه ويبكي في حضنها يريحه كثير..مسح دموعه من تحت البطانيه..وسم بسم الله وقام يتوضأ..صلى الفجر..وسجد بعدها يتوسل الى ربه..ان يتحسن حاله..امه من جهه..ونهى من جهه..وذول في قلبه..وعشانهم ناوي يركب الصعب..ااااااااه ياربي..امي تتحملني الى اخر يوم في حياتي..رفع راسه وجلس على السجاده..بس نهى..نهى مرح تصبر لي..نهى لازم تشوف حياتها بعيد عن انسان اذا وفر لها غذاء اليوم..ما يقدر يوفره بكره(رن جواله..بنغمه نوكيا)
وكان المتصل نهى..تنحنح وابتسم وهو يناظر في مرايه الدولاب..اللي نسجوا عليه خواته احلى العبارات والذكريات..اللي تدل على قدم هالدولاب

[جنون الذكريات]

ناصر:هلا نهى
نهى:هلا ناصر..ها صليت الفجر؟؟
تنهد في داخله:ايه صليت..تو امي مجلستني..انتوا وين وصلتوا؟؟
التفتت في ذا الشارع اللي قليل السيارات تمر فيه..ما شفت أي لوحه تدل على مكانهم..ضحكت بخفه:والله مدري..بس بصحراء
ناصر:ههههه حلفي بس
نهى:والله..اقول ناصر انا كنت بس ابي اجلسك لصلاه..واحنا الحين نازلين نصلي..بعدين اكلمك
ناصر بتفهم:تقبل الله مسبقا..ادعي لي زين؟؟
نهى:وانا اقدر ما ادعي لك..يالله مع السلامه
لحقتهم الى الحمامات(الله يكرمكم)..وتوضوا وصلوا..من بعدها راحوا السوبر ماركت
ميعاد بتسأل:تعالوا وين جود؟؟
الاء:انتي اللي معها بالسياره مو احنا..وين خليتي اختي
خافت ميعاد من كلامهم..لان هي اللي تركتها ومشت:ياربي لا يكون ضيعت الطريق
نهى:انتي ليش تركتيها..والحين بس تذكرتيها..صار لنا اكثر من نص ساعه
حطت يدها على خذها:ياربي..مدري..هي بالموت جلست من النوم..طول الليل سهرانه تقرى في ذا الروايه..ويوم جلست سنه تدور جزامتها..مشيت عنها

[جنون الذكريات]

رنا بهمس:اسكتي لا تسمعك ام سعود..وتخاف..تعالي الاء معي نروح الحمامات..يمكن نشوفها؟؟
راحت رنا وهي تركض الحمامات..ودورتها..بس لا فائده..جود فص ملح وذاب..وقفت وهي تفكر:الاء تصدقي..يمكن من النعس رجعت نامت
الاء:بس جود ما تسويها..هي حريصه على صلاه الفجر اكثر وحده فينا
رنا مسكتها من كتفها وسحبتها:وانتي الحين ليش تندبي حظك..تعالي ونشوف..ماتدري وش يصير
راحوا وين ما كانت السيارات موقفه..ولقوا محمد وسعود..كل واحد فيهم ماسك علبه بيبسي على الصباح>>ادمان..ويسولفوا..ما جابت لهم رنا ولا الاء طاري..فتحوا السياره على انهم بياخذوا شي..بس طاح قلبهم بعد لما ما شافوها
الاء بخوف:سعود؟؟
سعود:نعم؟؟
الاء بتلقائيه:جود مو شايفينها..مدري وين راحت دورنها بكل مكان
تأففت رنا من اسلوبها..ليش خبرت الرجال..الحين رح يسووا من الحبه قبه..
في السوبر ماركت..رن الجوال..سحبته ميعاد من جيبها..وتصنمت لما شافت الثيم..هذا مو جوالي..من حرقه قلبها..ضربت نهى على كتفها:نهى شفتي وش صار بعد..وانا نازله اخذت جوال جود بدل جوالي..يعني الحين حتى لو بنتصل ما نقدر
نهى:وانتي ليش ما تنتبهي؟؟دايم حوله
ميعاد وهي شوي وتصيح:انتي تدري انهم نفس بعض..حتى اللون نفسه ..وش دراني انه حقها مو حقي
نهى تناظر في الشاشه:يوووووووه..بعد توهقنا هذا سعود يتصل
ميعاد:كله مني انا كله مني خليتها
ابتسمت نهى بتفاءل:انتي ليش خايفه..اكيد ماراحت محل وهي بالمحطه..وين يعني بتروح الصحراء مثلا..اهدي بس تلقيها مع اخوها والله شي
ميعاد بتفكير:بس فراس شفته عند المصلى..وسعود هذا هو يتصل..مين يعني معها؟؟
نهى:جود قدها وقدود..لا تفكري بشي..الحين اكيد رح نشوفها
(قبل ربع ساعه من هالوقت)
نزلت جود من السياره..وحطت عباتها على راسها..دورت جوالها بين المراتب بس ما لقته..ما كان يهمها ابد..كلها خطوتين وتوصل الحمامات..ماله داعي تحمله..سرعت في خطواتها..لان اكيد سبقوها الحين على المصلى..دخلت الحمام..وكان هادي بدون أي صوت..مما اكد لها انهم بالمصلى..لما طلعت من الحمام تتوضأ..فجأها وائل وهو يتوضأ بالمغاسل..شهقت بقوه..وحطت يدها على فمها..التفت وائل..وانصدم بوجود جود في مثل هالمكان..كانت حاطه عباتها على كتفها..ورافعه اكمامها للوضوء..غير كذا لابسه برمودا..شكله واضح من بعيد..تو جالسه من النوم..سمع صوت خطوات تقترب من المكان..ترك المويه مفتوحه..وراح مسرع الى جود..مسكها من يدها..ودخلها الحمام..كل هذا كان في ثواني..ماحست فيهم جود الا وهي داخل مكان صغير..وهي ووائل وبس ...

[جنون الذكريات]

جود بدون وعي..وبصوت عالي:ليش دخلتني؟؟
حطت وائل يده على فهما..وهو نفسه يذبحها..قرب من اذنها وهمس:ان سمعت لك صوت ذبحتك..ياهبله..لبسي عباتك
نزلت عيونها على الارض ..ولبست عباتها..تكلمت بهمس:بختنق..مو قادره اتنفس
وائل بخوف وفي نفس الوقت معصب منها:مو هذا منك يا فهيمه..وش جيبك حمام الرجال
جود وهي شوي وتبكي:والله مدري..ما انتبهت الى اللوحه
وائل:طيب وش اسوي لك..خذي نفس
جود بقرف:ووووووع..هذا مكان ينأخذ فيه نفس
ضحك وائل في عز غضبه..كان شكلها مثل الهبله اللي مو عارفه وش يصير..مو عارفه لو ان احد من برا سمع صوتها وش رح يصير لها..ومثل ما يقولوا شر البليه ما يضحك
جود بتأفف..وهي ترفع صوتها:خلاص طولنا بمووووت
وائل:موتي..خل ارتاح منك..المفروض انا اللي اقول كذا مو انتي..ان سمعت لك صوت ذبحتك
جود:بس انا فيني الربو..وربي اختنقت خلاص
خاف وائل من كلمها..ومن سالفه الربو ذي اللي مو وقتها..شاف مقبض الباب ينفتح وتلقائي قرب منها وكأنه يحميها من أي صدمه ممكن تصير..تنفس الصعداء لما رجع المقبض مثل ما هو والله كان راحوا في خبر كان..انتبه لنفسه وبعد عن جود..اللي غمضت عيونها..وبدت نبوه حكه
وائل صار وجهه احمر ومو عارف وش يسوي..قرب منها..وهمس:جود بليز حاولي تستحملي..مافيني على المصايب
هزت راسها بصمت..ولما ما سمع صوت.. فتح الباب بشويش وطل منه..ولما تأكد ان ما فيه احد..طلع هو وجود..وكان يمشي قدامها بحيث محد يشوفهم..وصلها لين حمامات النساء
وائل:يالله ادخلي بسرعه .وانا بنتظرك هنااا..لا تطولي
دخلت وتوضت بسرعه..والصداع يزيد..طلعت ولقت وائل متسند على الجدار بحيث محد يشوفه..رفع راسه لما شافها:ها خلصتي؟؟
جات وهي ماسكه راسها ومسكت ذراع تسند نفسها:ااااااي..راسي بقوه يألمني..ابي البخاخ
وائل:من وين اجيبه..جود انتي تتفلسفي؟؟
جود :جد اتكلم..مو قادره اتنفس
مسكها من يدها الثانيه..لان كانت شوي وتطيح على الارض:طيب انتي دايم تجي لك الحاله كذا
هز رأسها بأيجاب
وائل:تدري احسن شي..اوديك المصلى..واروح لسعود اقول دقت علي جود تبي البخاخ

[جنون الذكريات]

رفعت جود راسها:لا تكفى الا سعود..انت ما شفت وش سوى الامس
..اخر يوم كان لهم في المدينه..طلعوا يتمشوا..وراحوا الملاهي..في لعبه السيارات..كانت الاء تسوق السياره..بس الشاب اللي معهم في اللعبه كان مخرب عليها..وكل شوي يصدم فيها..مما قهرالاء وعصبها..راح لها وائل وهو يضحك وركب معها في نفس السياره..محد فيهم كان يفكر في ايش كان يفكر سعود..كانوا مخططين انهم يقهروا هذا الشاب وبس..انبسطوا وهيصوا..وما كانوا ينتظروا كلام سعود اللي جاء مثل السم عليهم..صحيح هم كبروا وما عادوا صغار على هالحركات..ولازم يفهموا انهم مو محرم لهم..بس الايام اللي عاشوها وهم صغار..كل لحظه معهم..خلت الامر يصعب عليهم..وخصوصا على الاء وميعاد..اللي مو مهتمين في شي..ومصرين ان ذول اخوانهم وبس
وين ما كانت جود ووائل..دق تلفون وائل..تسندت جود على الجدار..ورفع وائل التلفون الى ولد عمه(سامر)
سامر:هلا بالشباب..شخباركم؟؟
وائل وهو يناظر يمين وشمال وخايف ان احد يشوفهم..وخايف على جود اكثر:الحمدلله بخير
حس بصوت وراه التفت وهو يشوف جود جلست على الارض من كثر التعب..قفل التلفون..وراح ركض الى السياره..شاف سعود قدامه لكنه ما هتم..كان فكره مشلول في جود وتعبها وبس
فتح السياره..ودور بين المراتب على شي الى جود..شاف شنطه بيج قدامه فتحها ودور فيها بس مالقى أي شي يدل انها لجود..تذكر ان فراس نفس حالتها..واكيد حامل البخاخ والادويه معه..راح الى السياره اللي فيها فراس وفتح ادراج السياره ولقاه..جته افكار انه يمكن ما يصلح لها..او في انواع او شي كذا..كان ما يعرف عن هالموضوع ابد..ركض الى مكان جود..جلس على ركبه..وفتح غطوتها:جود افتحي فمك هذا البخاخ
جاء له صوت من وراه:وائل..وش تسوي هنااااااا؟؟؟؟؟؟؟

[جنون الذكريات]

[FONT='Times New Roman','serif']ولاده الحب الصادق في[/font][FONT='Times New Roman','serif'] قلبي((2[/font][FONT='Times New Roman','serif']))[/font][FONT='Times New Roman','serif']فتح[/font][FONT='Times New Roman','serif'] السياره..ودور بين المراتب على شي الى جود..شاف شنطه بيج قدامه فتحها ودور فيها بس مالقى أي شي يدل انها لجود..تذكر ان فراس نفس حالتها..واكيد حامل البخاخ والادويه معه..راح الى السياره اللي فيها فراس وفتح ادراج السياره ولقاه..جته افكار انه يمكن ما يصلح لها..او في انواع او شي كذا..كان ما يعرف عن هالموضوع ابد..ركض الى مكان جود..جلس على ركبه..وفتح غطوتها:جود افتحي فمك هذا البخاخ[/font][FONT='Times New Roman','serif']
جاء له صوت من وراه:وائل..وش تسوي هنااااااا؟؟؟؟؟؟؟
التفت برعب:ها(التقط انفاسه وهو يبرر)مريت شفت جود تعبانه
ناظر فيها بخوف وقرب وهو يزيح كتف وائل:جود اش فيك؟؟
فتحت عيونها وهي خايفه..كانت تتوقع اقل شي تجيها صفعه على وجها..بس هذا الاسلوب ابد ما تعودته من ابوها..ابتسمت بعفويه:يبه مافيني شي..بس اتدلع
لف رقبته على وائل اللي عطاهم ظهره:حرام عليك خرعتي ولد عمك
استندت على كتفه ووقفت:سوري وائل على التخريعه
مشى وائل قدامهم ..وفي يده البخاخ..اللي حطته في جيب البنطول الجينز:والله عمي فكرتها رح تموت
قطع كلامه ابو سعود:بسم الله على بنتي منك
شافهم سعود من بعيد وجاء يجري..كانت حركته رهيبه جدا..كون جسمه رياضي..وسباح ماهر..خفف خطواته لما قرب..وزفر بقوووه:ويه تعبت..يبه هذي وين شفتها؟؟
ابو سعود يأشر على المصلى عشان تروح جود:وين كانت بعد بالحمام
ناظر سعود من طرف عينه:يبه انت متاكد؟؟
وائل بعصبيه مو واضحه:عمي انا رايح السوبر ماركت عند البنات..توصي الشي؟؟
أشر له ابو سعود انه يروح ومارد على سعود لانه يعرف شكه الدايم..كل يوم يسمع له قصه صايره..ويخاف ان اخته تكون مثل هالبنات اللي ما يخافوا ربهم..ساعتها تكون قصه من قصص الناس
خلصت جود صلاه..وعلى طول راحت السياره..لقت سعود بس ما أولته اهميه..جود ما تحب هالنوع الشكاك..حاولت قد ما تقدر تتقرب من اخوها..وتتعامل معه مثله مثل فراس..بس سعود ما عطها في فرصه ابد..كان دايم ماخذ مركز القائد بالبيت..وما عليهم الا ان يسمعوا كلامه..رمت نفسها بين المراتب..غمضت عيونها بقوه وهي تحس بحراره فيهم..جاها صوت ميعاد والاء ونهى ورنا وهم مدخلين راسهم من النافده المفتوحه
ميعاد وهي تدخل راسها بين نهى والاء:جووود وين رحتي خفت عليك
ابتسمت وانا اشوف شكلهم من النافده ورديت عليهم بمرح:ماحبكم تركتوني ورحتوا عني
الاء:اول مره اشوف وحده شاقه الحلق وتقول ماحبكم>>يأختي مثلي الحزن
غمزت جود:ياختي وش اسوي احاول اكسر خاطركم..بس معرف امثل
(مدت اصبعهاالسبابه)وانتي يا ميعاد..وين جوالي..جيت ادوره ما لقيته
لفت ميعاد من الجهه الثانيه وركبت السياره:ااااي يا رقبتي انفعصت بينهم..(طلعت الجوال من جيب البنطول)هذا هو جوالك وسوري يأختي
ناظرتها بتهديد مصطنع:ان شفتك ماسكته مره ثانيه كسرت راسك
قربت منها وباستها على خدتها:حبيبتي جود
مسحت جود البوسه بقرف:الله يقرفك..وش هالبوسه كلها لعاب
ضحكت ميعاد وبترجي مسحت خدها بكم عباتها:سوري يا عمري..بس وش اسوي متفاعله..جود بس ابي جوالك اخلص القصه اللي اقرها وارجعه
هزت جود راسها بالنفي:احلمي..ولا حتى ارسلها بالبلوتوث..اول تعطيني من ذا الكيس اللي تحت رجلك
كان الكيس مليان شبسات وشكولاتات من اللي يحبها قلبكم
تأملت ميعاد في الكيس وهي تتحسر عليه
ردت نهى قبلها وهي تمد كيسها:خذي اللي تبي حلالك
جود:طيب بعدي راسك بفتح الباب عشان تركبي
الاء:لالالا وأنا
نهى بحماس:اركبي مع رنا في اللي قدام
رنا بمشاغبه وهي تركض الى مكان السايق:انا بجلس هنا انا
الاء بتبويزه:اوريك يا هبله..الحين اذا رحنا السياره انا اللي بجلس عند النافده وانتي تجلسي بالوسط جنب امي وعبود
طلعت رنا لها لسانها تقهرها:احسن..انا ابي العب مع عبود
صار ابو سعود يدق هرن:يالله كلن على سيارته بسرعه اشوف
نهى تلف حجابها وهي تترجى ميعاد:غناتي انتي ابي اجلس مع جود
لفت ميعاد على جود:ها انتي وش رايك؟؟
جود بعد تفكير..دفت ميعاد من ظهرها:صحيح تو متذكره انتي اللي خليتيني ..ما اهتميتي فيني ..خلاص اذلفي عني..ابي نهويه حبيبتي
ميعاد وهي تثاوب:انا اصلا مابيك عشان كذا بروح معهم وانام..انتي ما تخلي الواحد ينام
نهى:كم مره قلت لك اذا تثاوبتي حطي يدك على فمك..متى تتأدبي مادري
جود:معليه يا ميعاد انا ما انومك..معليه
راحت ميعاد تركض بعد ماعصب ابو سعود وهو ينادي فيهم..اما ابو محمد فهو من النوع الهادئ جداا..واذا على يناديهم>>فخل ينادي نفسه بالأول..سنه بالحمام وسنين بالصلاه
وعلى هذا الشكل كملوا طريقهم

في بيت ابو سامر

[جنون الذكريات]

تشير الان الساعه على جدارن الصاله 8 صباحا..صار لها 24 ساعه مو نايمه..الريموت بيدها تقلب فيه القنوات..وبيدها الثانيه كيس الشبس الكبير اللي وسط حضنها..كانت لابسه بجامتها البيضاء بورودها الصغيره الملونه..جات لها الشغاله اللي تو صاحيه من النوم وسلمت عليها:صباح الخير فجر
ابتسمت فجر بحب>>ما تتصوروا قد ايش تحب فجر هالشغاله..لدرجه انها ما تعاملها انها شغاله ابد..يمكن لان ما عندها اخت..واخوها دايم في دراسته.او طالع مع الشباب
فجر:صباح الورد(واشرت لها على الكنبه تجلس)
ورد>>هذا هو اسم شغالتهم..طبعا مو الاصلي..بس لان اسمها صعب..سموها كذا اريح لهم..ورد متقنه اللهجه السعوديه بالقوه>>يمكن لانها اشتغلت في بيت سعودي قبل..او ان 3 سنين معهم كفيله انها تتعود
شبكت يديها وخلتها وسط حضنها:فجر..كيف جلستي من الصبح..غريبه؟؟
ضحكت فجر عليها وحركت جسمها بطريقه ان الشبس اللي وسط حضنها طاح على الارض وتناثر:يوووووه ياربي..كله من عيونك..من قال انا جالسه من الصبح انا ما انمت
قامت ورد تلم الشبس من الارض وفجر تساعدها..وفجاه تذكرت شي وضربتها على راسها:وسام قال لي اسوي كيكه وده فيها وانا كل يوم اقول بكره
حطت ورد يدها على مكان الضربه:عورتيني..ليش تتضربيني..قال لك انتي مو انا
ابتسمت فجر وباستها على خدها:السماح يا سيدتي
ورد بغرور:لا بوسي هنا(تقصد مكان الضربه)
فجر:لو تموتي..بعد (ودفتها بطريقه مرحه)
ضحكت ورد وهي تغير الموضوع:شكلنا وحنا نلم الشبس وهو ما بقى شي يضحك هههههههههههههه

[جنون الذكريات]

فجر لوت شفايفها بسخريه:ما يضحك..بس ملانه اقوم..عجبتني الجلسه على الارض..الا ورد ما تبي تكلمي زوجك..من زمان ما كلمتيه
ابتسمت بخجل:عارفه..بس هو متعود ما ادق الا كل شهرين
فجر :اااااااااااااااه بس لو زوجي كل دقيقه مو كل شهرين..خذي خذي التلفون دقي عليه
ورد:ها..لا بعدين
فجر تغمز لها:قولي ما تبي تكلمي قدامي..اااااااه يا قليله الادب يا ورد
ورد:متى اشوفك عروس وافتك منك
رفعت فجر حواجبها:لا والله..ومن قال بتفتكي كل يوم انا عندك>>مالت عليك بس
في هالوقت دخل وسام البيت وهو حاط السماعات على أذنه ويغني>>وسام من النوع المحافظ على جسمه..ويستغل كل خميس وجمعه بأنه يجلس من الصبح ويجري على البحر
سلم لهم بيده وجلس على الكنب المقابل لفجر..قامت ورد وراحت المطبخ ..نبهتها فجر بأسمها وهي تقول:ورد جهزي اغراض الكيكه..وبعد سوي عجينه بيتزا وطلعي ورق عنب بسويهم اليوم كلهم..ابتسمت ورد وكملت طريقها
التفت فجر الى وسام قربت منه ونزعت السماعات بقووه من اذنه
وسام:فجر وجع أذني ابيهااا
..قول الى نفسك..مو حرام اللي تسويه..متى تدري ان هالاغاني كلام في كلام مدري
وسام:وانتي وش حارك؟؟
رجعت الكنبه ونزلت رجلها من عليها:خايفه اشوفك يوم القيامه..وانت تقول فجر اخذيني من النار
وسام:هي استغفري ربك وش هالكلام الهبل
فجر:وسام انا جد اتكلم..متى بتتركها متى؟؟
وسام:خبري بك من اشد اللي يسمعوا وش غيرك؟؟
فجر بفخر:ربي..سبحانه ربي..تاب علي..وتفتح عقلي..هالشي غلط بس احنا ما نشوف..لو نشوف ونسوي نفسنا ما نشوف..وكل الفضل الى بنت عمي جود الله يخليها
وسام بفضول :ليش وش سوت؟؟
..صارت تنصحني..ما خلت طريقه الا جربتها..وما كانت تحب احد يرن جواله بغنيه..ولا في جواله مقطع..كل مره تمسك جوالتنا وتحذف..وشوي شوي تركت الشي وانا مبسوطه اني قدرت
قام وهو رايح الى غرفته:ما اقول الا العقل زينه..أذلفي عن يا متخلفه(وطلع لها لسانه)
فجر:معليه يا سمووور..شوف من يسوي الكيكه التي تبيها
وسام بطريقه تضحك حط يدينه على الدرابزين:لا تكفي فجور ابي(وكمل بجديه)على اليوم العصر رح يرجعوا بيت أعمامي
فجر:ووويه والله وحشتني نهى>>فجر تحب شخصيه نهى بقووه..وفيها نوع من الغيره من جود صحيح هي تحب جود..بس نهى عندها أعز..وتشوف ان جود صغيره على نهى..وعلاقتهم مع بعض تجيب لها القهر..جود عندها ميعاد ليش بعد ماسكه نهى..هذي دايم ماسكه كل الناس لصفها..صحيح طيوبه..بس بعد فيهاا طبع انها تاخذ الناس بصفها>>طبعا هذا رأي فجر
جلست تكلم نفسها..وضحكت وهي تنتبه لنفسها.. كأنها هبله..راحت المطبخ..ناويه تسوي كل اللي قالت عليه

بيت أبو فيصل

[جنون الذكريات]

طاااااااااااااااااخ>>فركت جبهتها بألم وهي لسى مغمضه عيونها مو قادره تفتحها من اشعه الشمس
ياربي كل يوم انسى الستاير مفتوحه..رجعت منامها وتغطت مره ثانيه:ياربي وش هالاحلام..دايم هالكوابيس ملازمتني..وش الحل مدري
زفرت بملل وقامت ..من وين يجي النوم بعد هالكابوس..اخذت لي بنطلون بلون العشب..وبلوزه كات بيضاء وعليها خطوط بنفس لون البنطلون..بعد ما غسلت وصليت الصبح نزلت الى أمها
رغد:صباح الخير يمه
ام فيصل حاطه كوب الحليب قدامها وكل شوي ترتشف منه:الله لا يحرمني من هالصبح يا بنتي
استانست رغد على هالكلام وجلست على الطاله وهي تدلع:يمه والله هالكوابيس أذتني في عيشتي..صرت أخاف انام
التفت لها أم فيصل:بسألك متى صليتي الصبح؟؟
حطت شعرها وهي عارفه وش بتقول أمها:اممممممم توني
أختلط بصوت أم فيصل الحنان والجديه:كم مره قلت لك صلي الصبح بوقته..حتى لو نايمه حطي المنبه..ما تسمعي كلامي..الكوابيس شويه عليك اجل تستاهلي اكثر
..يمه..والله كنت نعسانه ما قدرت أقوم
أم فيصل:بس انتي كذا تطيعي الشيطان وتنامي..وتتركي صلاه ربك..مو حرام..كم مره وصيتك انتي وهالفيصل..والله ان احسنكم غلا
حبت تغير رغد الموضوع:يمه خل نروح البر اليوم الجو جنان
دخلت الكرسي في الطاوله وهي ماسكه كوبها للمطبخ:بس اليوم رح يجوا بيت خالتك العصر بنروح لهم بالليل ما يمدي
ابتسمت بفرح :جد والله وحشني البطه عبود..بس هالطفل من يوم يومه ما يعطي وجه..منغر بجماله الاخ من الصغر ههههههههه
ام فيصل:صلي على محمد ..لا تعطيه عين
..يمه تكفي..قولي الى جود أبيهاا
ضرب راس رغد بالطاوله من كثر الضحك..اما ام فيصل مشت عنه وراحت المطبخ
رغد :جلس العاشق المتيم من النوم..الحمدلله والشكر..الناس تصبح تقول شي..مو تكفي يمه ابيها..جد أنك بزر
قرب منها وسحب شعرها:أذا ما سكتي اخلي شعرك على الصفر..خلك ساكته احسن..وكمل وهو ينادي امه برجاااء(يمـــــــــــــــــــــــــه)
طلعت من المطبخ وراحت الصاله..جلست على الكنب البيج حق شخص واحد:فيصل متى بتعقل قولي متى؟؟
جلس على الكنبه اللي جنبها:يمه الحين اللي بيتزوج..يطلع مجنون
ام فيصل:قلت لك اصبر..البنت لساتها صغيره..وما تبي تزوجك الحين
سحب فانيلته لقدام بقووه:بس ملكه والله بس..تكفي كلميهم
رغد تضرب على صدرها:انا اكلمها..كم اخو عندي..اذا ما خليتها توافق ما كون بنت ابوي
فيصل بأبتسامه:والله يا رغدوه..ان سويتها لعطيك اللي تبي
...............
قدام أحد الشركات الكبار بالمنطقه

حط يده على شعره:ااااااااااح احترق شعري من هالشمس..هذا وانا في الشتاء كيف بالصيف
حمد وبيده الملفات:احمد ربك طلعنا اليوم بنتيجه
تقدم الى السياره بملل:اااااااااااااه من هالنتيجه..الحمدلله..صار لي اسبوووع أدور بين هالشركات..حتى فراش مو راضين يحطوني عندهم..ولما وضفوني قالوا ايش قالوا ألفين ريال
حط حمد يده على كتف ناصر:أحمد ربك غيرك مو لاقيها
ناصر:وش نسوي يا حمد..نشتغل 12 ساعه باليوم واقفين على رجولنا وهلكانين وتاليتها ألفين..من وين الناس بتعيش من وين؟
حمد:ربك ما ينسى عبده يا ناصر
ناصر بتأوه:خلاص يا حمد خلاص
حمد مستغرب كلامه:عن ايش تتكلم
دار المفتاح في السياره وتحرك:عن نهى يا حمد ..في غيرها
حمد:طيب وش ناوي؟؟
مسك الدركسيون بقووه:رح أكلم أمي تخطبها..وتشرح لهم حالنا بالتمام..ان وافقوا أبركها ساعه..وأن لا..على الاقل اترك البنت في حالها
حمد يحك لحيته بتفكير:والله أنك جبتها..زين ما تسوي..على الاقل ما تكون شايل هم..توكل على الله
الفت لها ناصر:أول مره تأيدني بشي
ضحك على كلامه:لاني شايف اللي يصير مو في صالحكم..وهالنقطه يا تفصلكم يا تقربكم
ناصر:بس والله ياخوي خايف..خايف أبوها يرفضني
حمد بأمل:لا ان شاء الله..وبعدين هو يعرفك من المسجد..وانت كل ما شفته تسلم عليه..كأنك تقول هلا عمي زوج مرتي
ضربه على كتفها:بلا نحاسه حمود
حمد يتربع على الكرسي:أي والله ما تروح تسلم الا لمصلحه
ناصر بقرف:أقول نزل رجلك عن الكرسي..السياره مو ناقصه
حمد:وصلني بس البيت وصلني..مقدر اتحملك
مر من الطرق المختصره الى ان وصل بيت حمد..نزله وهو يوصيه يجيب الاخبار من أمه عن اللي بيصير

[جنون الذكريات]

اليوم كنت مطره انزل 3 اجزاء بس بصير كل يوم 2 جزء