الحب كاذب يعني الشوق خشران

[جنون الذكريات]

.....................................
بالمستشفى وتحديدا في غرفه ناصر
فتح ناصر عيونه..ولقى حمد حوله..يناظر بالشباك..همس له وهو يحس الصداع يزيد :حمد....حمد
ألتفت له حمد وجاء له بلهفه:الحمدلله على السلامه
هز ناصر راسه:حمد؟؟هذا المستشفى حكومي؟؟
تردد حمد في جوابه بس مايقدر يخبي عليه:لا هذا مستشفى خاص
ناصر:حمد بالله عليك ترجعني البيت..احنا مافينا عالمصاريف
حمد بحزن:ماعليك..خل كل شي علي..اهم شي سلامتك
رفع ناصر راسه من المخده بشويش:حمد..انا عارف حالك زين..اذا انا عندي ريال انت مستحيل عندك اثنين..وبعدين اناالحمدلله بخير
حمد:الحمدلله..بس تحتاج عنايه يا ناصر
غمز له ناصر:خلي هالمصاريف للعرس
لوى حمد شفايفه:يتهيأ لي لو كل الناس عرسوا..احنا بنعنس خخخخ
أشر له ناصر بصبعه:ماسمح لك..اذا انت مابتعرس..انا في ناس تنتظرني
رفع حمد يده:ربي يوفقك وينولك ما تتمناه
ارخى ناصر جسمه وهو يتأوه:ايه ياخوك اكثر من هالادعيه
حمد يجلس على السرير:صحيح نهى دقت علي
ابتسم ناصر ومد يده لجواله:جد..ياعمري نهوي والله..محد يذكرني غيرها
حمد:احم احم
سحب البطانيه وغطى جسمه:مقدر على الغيرانين
حمد:بتكلمها؟؟
ناصر:اكيد..بس اذا طسيت عن وجهي
حمد يتربع على السرير:ههههههههه...شوف لك غيرها..انا اليوم مو متزحزح من هنا
ناصر:حلوووووو باااارد على قلبي
حمد يتذكر:صحيح امي تسلم عليك..ورح تجي مع امك بكره العصر
ناصر:اولا انا بكره الصبح رح اطلع..ولاتشارعني لاني مستحيل اجلس..وثاني شي الله يسلمهم..فديت خالتي من زمان ما شفتها
حمد:تصدق للحين مو ناسيه يوم تخرعها في المطبخ..مسكينه امي طاح قلبها
ناصر:ههههههههههههههههههه>>محد قال لها تتغطى مني...انا حسبت ولدها..مالقيت طريقه غير هذي
حمد:حسبي الله على ابليسك..كأنك تتألم مو؟؟؟
ناصر يحس راسه:ايه والله..جد كسرني اللي صدمني..تقول اعمى
حمد يطفي النور اللي فوق راس ناصر:زين نام لك شوي..وانا بشوف اذا اقدر اطلعك

[جنون الذكريات]

ناصر يطير له بوسه:ربي لا يخليني منك
حمد بخجل:خلي البوسات الى زوجة المستقبل(وطلع)
فتح ناصر جواله ولقى الساعه ثلاث الفجر..اكيد نهى نامت الحين..اممممم رح اجرب مو خسران..رن التلفون ومن ثاني رنه رفعت نهى:هلاااااااا
غمض ناصر عيونه:اااااااااااااااااه نهوي..تعالي شوفيني كسروني..ماخلوا شي فيني صاحي
بعد تفكير ردت نهى:ياريت اللي فيك فيني..يألمك؟؟
ناصر بدلع:كثثثثثثثثثثثير
نهى:وين طيب رجلك والله يدك والله وين؟؟؟؟
ناصر:هنااااااااااا
نهى:بلا استظراف ناصر وش هناا..اللي يسمعك يقول اشوف الحين
ناصر بحسره:ياليت عندي الجيل الثالث..بس حسااااافه
نهى ترجع للموضوع:اقول لا تغير الموضوع ما قلت لي وش يوجعك؟؟
ناصر بتردد:قلبي يانهى قلبي
نهى متخرعه:بسم الله عليك..طيب علمت الطبيب
ناصر:ايه علمته
نهى بلهفه:طيب وش قال؟؟؟
ناصر يغايضهاا:سوى اشعه للقلب..وقال قلبك مبتلي بوحده اسمها نهى
نهى بجراءتها المعتاده:انا بلوه..لكن كله مني مصدقتك
فتح ناصر عيونه وهو يشوف حمد واقف قباله:احلى بلوى وربي
همس له حمد:الله يعينك بس
نهى تحك شعرها:اسمع صوت من عندك؟؟؟
سووا له مالت وهو يقول:واحد اذيه..ربي بلشني فيه..كل ما قلت ماحبك ياشيخ..وهو لازق
قرب له حمد وضربه على كتفه:اوكي يانصور ان ماوريتك..ما كون حمد
ناصر:نهى..نهى..نهى وين رحتي
ردت بخوف:اممممم هنا..بس اسمع صوت شكل احد جلس..بعدين اكلمك
قفلت التلفون.وصوت الخطوات يقترب منها..وعشان محد يشك..دقت على جود
ردت على جوالها الاء السهرانه على فلمها الهندي:هلا نهى
استغربت نهى الصوت:اممممم الاء..وين جود اجل؟؟

[جنون الذكريات]

عصبت الاء وزفرت:اقول اول سلمي..وبعدين الساعه ثلاث وشوي ليش متصله الحين؟؟
نهى تتريق:ههههههههه وش حشرك انتي..عطيني جود بس
هدت الاء وطفت التلفزيون من حبه الريموت:جود مدري اش فيها من طلعتوا..حست بصداع.خذت بندول ونامت
نهى بخوف..ليش تحس ان كل اللي حولها بيختفي..جود تعبانه..ناصر بالمستشفى:الاء بليز روحي صحيهااا..ابيها ضروري
الاء تناظر الدرج يعني رح اقطع كل هالمشوار:مابي..ملانه اركب..وبعدين لو هي تبي تكلم ماخلت جوالها تحت وركبت
نهى:بذبحك ياهبله ..خلاص انا بدق على غرفتها..سلااام
قفلت بسرعه..ودقت على تلفون الغرفه بثواني..رن لما فصل..ورجعت دقت ثانيه
ردت جود متنرفزه مو كافي الصداع اللي جاء بدون سبب:ألووووو
نهى:هلاااااااا جود..اش فيك ياعمري
عدلت جلستها واتسندت على المخده:ابد..ليش احد قال فيني شي
نهى برتياح:الاء تقول مصدعه مدري وشو
جود:ايه والله.بس خفيت الحمدلله
نهى بفضول:متى طلعت من عندك رغد؟؟
تثاوبت بنعس:اممممممم على الساعه 12 ونص جاها فيصل
نهى:صحـــــــــــــيح..انا هبله كيف نسيت..ماقلتي وش سالفه فيصل؟؟
صحصت جود على هالطاري:ياااااااربي..مافيه سالفه ولاشي
غلظت صوتها تأكد:بس كلام رغد يقول فيه شي؟؟؟؟
رفعت جود كتوفها..وكنها قدام نهى:والله مدري..يمكن هم عندهم شي..بس انا ولاشي
نهى تسحب منها الكلام:ايه ايه اعترفي..طيب وش الشي اللي عندهم ومو عندك

[جنون الذكريات]

جود:وانتي داقه على وجه الصبح..عشان تكلميني في ذي السالفه
نهى:ااااااااش لا تغيري الموضوع ياقلبي..تكلمي؟؟
كانت جود..مستحيل تخبي على نهى شي..وهذا شي متبادل بينهم..الا هذي السالفه كانت تحسها جود..رح توقف مصيرهااا..او يمكن تفكير الناس فيهاا..دايم تحاول تظهر البنت الكامله..اللي ياخذها الواحد له بجداره..تكون قلبه وروحه وكيانه..مالها ماضي يعكر هالصوره...في نفس الوقت لقت ان نهى..هي الوحيده اللي ممكن تخبرها بأي شي بدون ما تخاف على هذي الاشياء..او على نفسهاااا
ردت بدون تردد:بصراحه كذا..جات خالتي وخطبتني قبل مده..ولان امي مستحيل ترد اختها..ومستحيل تغصب بنتها..قالت لهم ينتظروا كم شهر..لاني مو مستعده..على ما اقتنع بالفكره..وبس
نهى تصفر:احلى يعني يحبك(سكتت تستوعب)جود ياخايسه..وانا اخر من يعلم يعني؟؟
جود تعتذر:لا وربي مو كذا..بس ماجات فرصه اقول لك
دخلت ام محمد على نهى.ونهى من خلعتها..قفلت التلفون في وجه جود
ام محمد تفتح انوار الغرفه:من جالسه تكلمي هالوقت؟؟
كان صدرها يرتفع وينزل من الخلعه:جود بنت عمي
ام محمد تأشر لها بيدها بتهديد:شوفي يانهى..صحيح احنا عاطينك راحتك..بس عليك هالايام حركات غريبه..خليك عاقله..وخلينا كذا حلوين
جود في الناحيه الثانيه ..مستغربه اللي صار..ليش قفلته في وجهي..وش صار لها..رفعت السماعه من جديد..وضغطت الارقام بسرعه..رن كذا مره ..بس محد رفع..ياربي وش صار لك يانهى؟؟اخيرا ردت ام محمد تصطنع الهدوء

[جنون الذكريات]

..السلام عليكم..هلا مره عمي
ام محمد بدون مقدمات:جود وش مجلسك لين ذا الوقت؟؟
ارتعبت جود من اسلوبها وردت بخوف :ماجاني النوم..قلت اتسلى واكلم نهى
ام محمد تناظر نهى بتوعد:زين شوي ودقي
وش السالفه..وش صحى مره عمي ذا الوقت؟؟وليش معصبه؟؟معقوله عرفت شي؟؟>>لالالالا ياربي..ياربي استر على نهى..وعلمها الصح من الغلط يارب
مارجعت دقت مره ثانيه..خوف ان ام محمد ترد عليها..ونامت بوساوسها
.....................
يوم الاربعاء..في الطائره
استقرت الطائره في الجو..وفك الركاب احزمتهم..كانت ميعاد جالسه جنب وائل ونهى..في الوسط..وجود وفراس جنب النافده ووراهم محمد وسعود..وعبود يراكض في ممرات الطائره
وائل يكلم فراس:اقول امسك اخوك..فشلتونا
فراس بلا مبالاه:وش حارك خل يتأمل المناظر الطبيعيه
فسخ نظارته الطبيه وحطها في جيب قميصه:الحمدلله والشكر(التفت الى ميعاد تنغزه):اووووووهوو اذيتيني.وش تبي؟؟
زمت شفايفها:ابي اجلس عند النافده..ملل..قهر..طفش
وائل:هذا هي اختك جالسه ما شفتها تكلمت
سوت على نهى مالت:وش علي منها هذي..تلقاها وصلت المريخ
وائل وهو يأشر على بنت في الصفوف الاماميه:شوفي ميعادوه..وش حلاتها..مو انتي مع وجهك مافيك ذره جمال
فتحت عيونها بأستغراب:انا مافيني ذره جمال..اجل وش تقول عن نفسك.. وضغطت على عيونه بصبعها..غض البصر اقول
ضربها على يدها:وجع..هي شوفيها تقول تعالوا ناظروني وش اسوي لها
ميعاد بملل:وائل وربي مالي خلق هذرتك البايخه.ابي النافده..شوف جود..اااااه ياقلبي ابي اشوف مثلها
طلع لسانه لها:وش تشوفي مغير غيوم..والله تدري الحين اجيب جود مكانك..على الاقل ما تحن مثلك
ميعاد بحماس:يالله يالله..بسرعه قول لها
نغز وائل فراس وقال له..وتبادلوا الاماكن..ناظر وائل اخته وهي لازقه وجها في النافده:شوف الهبله..تقول مو شايفه خير
جود:هههههه..ماسمح لك هذي ميعادتي
رفع حواجبه بستنكار:وش وش قلتي..وش ذي ميعادتي هههههههههههههه
جود تغايضه:والله من حقها اذا ملت منك..انت تملل اللي ما يتملل
غمز لها:انا املل يابنت العم..اجل فصول الهبيل يونس مو؟؟
حطت جود يدها على فمها.بصدمه:وش دخل فيصل في الموضوع؟؟
سند راسه على الكرسي بينام:لا بس جاء على بالي وذكرته
جود بشك:متأكد؟؟؟
التفت لها وهمس:ايه متاكد انه يحبك..بس الظاهر انتي شايفه لك شوفه
جود:وائل وش هالكلام..وبعدين من قال لك؟؟
حك شعره وهو يناظر نهى..كأنه يتأكد من صحه نومها
جود:رد علي وش فيك؟؟

[جنون الذكريات]

وائل يرفع ياقته:احم احم اذا انا مادريت من يدري
سندت ظهرها على الكرسي وغمضت عيونها..اااااااااااه حتى انت ياوائل تدري؟؟بس متاكده ان اهم شي ماتدري فيه..ماتدري ان جود>>قطع تفكيرها صوت عبود اللي جاء لها:حملته وباسته:عبودي اجلس الناس نايمين شوف
رد ببرائه:بس وائل نايم
ضحكت جود على افكارها..طيب خل يقوم من النوم..اضربه بكس قوووي..قام وائل من غفوه يتأوه:وووووووجع وش ذا؟؟
جود تسوي بريئه:عبود يلعب معك
ناظر فيها بغضب:عبود والله اخته..تراني اكره ازعاج الاطفال يانتي تروحي ياتخليه يروح
جود بتلقائيه:انت وش تبي؟؟؟؟
هديت ملامحه..ورجع اسند راسه بدون مايرد..وبعد اكثر من خمس دقايق فتح عيونه:لا عاد يجي بنام
جود:لذي الدرجه ماتحب الاطفال
وائل:اممم..مو هم ماحب ازعاجهم..بس اذا اولادي طبعا رح احب كل شي فيهم صح والله لا؟؟
هزت راسها..بتأيد..وش فيك ياجود اليوم وش هالاسئله البايخه..بس هو اخوي؟؟يعني مثل فراس؟؟ولا ليش يجاوب علي..يقول اولادي..اممممم..معقوله في يوم من الايام يكونوا نفسهم اولادي..ضحكت على هبالتها..لان هالامر مستحيل..خصوصا بشعور الاخوه اللي يربطه فيها..اااااااااااااااه وبعد بوجود فيصل.وبعدين انا ماحبه حب يوصل لزواج..اووووه شكل الشيطان لاعب بعقلي
وائل:وش تفكري فيه..لا يكون بس في فصولك
جود:وائل ماحب هالطاري..وبعدين وش هالكلام..مو عيب؟؟
وائل:لا من قال الحب عيب؟؟
جود بعصبيه:بس انا ماحب
وائل:اوكي اوكي لا تعصبي
جود تبي تفتك منه ومن افكارها:وش رايك تروح عند فراس وتخلي ميعاد تجي
وائل(يطلع لسانه لها)وهو يأشر على الكرسي:هذا الكرسي حقي مو متزحزح منه
جود:يالله عاد..وائل لا تعاند
وائل بعد تفكير:بسألك سؤال وبعدين اقوم؟؟>>بس تجاوبي"؟؟
جود بفرحه:اوكي اسأل اللي تبي؟؟؟؟؟؟
وائل بهدوء وصوت شبه واطي:تقدري ما تعرسي لبعد ثلاث سنين؟؟
جود بمسخره:ههههههههههه..مو بكيفك..وغيضه لك اسبوع الجاي بعرس
وائل يحس بحراره شديده بجسمه:جوووووود اتكلم جد
جود قابضه يدينها:ليش..لبعد ثلاث سنين..تدري هذا الشي بيد ربي..وبعدين اذا قدرت سنه مرح اقدر ثلاث
وائل بتفحص:يعني لا؟؟
رفعت حاجبها:وشو اللي لا؟؟
وائل:ما تقدري؟؟؟؟؟؟
ضربته على كتفه..اقول قووووم خل ميعاد تجي مللتني
...........................

[جنون الذكريات]

...........................
وصلوا المدينه وتوزعوا >>ميعاد وجود بغرفه..ونهى ورنا والاء وايمان بغرفه..والشباب فراس ووائل بغرفه..ومحمد وسعود بغرفه
اول ما وصولوا كلهم ناموا..وعلى صوت اذان الفجر يصدع في ارجاء البقعه الطاهره..جلست ميعاد تردد الاذان مع المؤذن..استرغبت طول الفتره اللي ناموها..ولا احد جاء يصحيهم..ناظرت في ملابسها..حتى انا اللي مستحيل انام غير ببجامه نمت بملابس الطلعه..مددت يديها..ورجعت ضمتهم..لفت على جود لقتها نايمه مو باين منها أي شي..كيف ما تختنق مدري..نادها بهمس:جود..جود..جود..جود..جود
جود تضرب برجولها السرير:وش فيك علقتي على جود..الحين قايمه
ضحكت ميعاد وهي تكمل:جود..جود..جود..جود
شالت الغطا عن وجهى:وووجع يوجع ابليس..اسكتي(وحطت يدها على اذنها)وميعاد مازالت معلقه..قامت جود ناويه الشر..وسحبت شعرها اللي يوصل لنص اكتافها
التفت لها ميعاد..ومسكت بطنها من كثر الضحك:شكلك يضحك ههههههه..بشعرك الشوشه
راحت جود لمرايه الدولاب الطويله وناظرت نفسها:ياعمري عليك ياجود تهبلي(وطلعت لسانها)الحلوووو حلوو لو جلس من النوم
ميعاد بجديه:تصدقي عاد..صحيح صاير شكلك غير شكل حلووووو
جود:وش قصدك يعني انا مو حلوووووه
ميعاد :اقول بلا غرور لنا(وناظرت الساعه)بسرعه قبل تطلع الشمس يالله نصلي

[جنون الذكريات]

جود:لا ابي اصلي بالروضه
ميعاد:مرح يمدي بتطلع الشمس..خل نصلي وبعدين نروح
ميعاد سبقت جود على الحمام(الله يكرمكم)وصلوا صلاه الفجر
جود وهي تسبح:ماشفنا وش تطلع النافده عليه
ميعاد تسوي ذكيه:احنا قريب من الحرم يعني على ايش رح تطل
فتحت جود الستائر..كانت النافده تطل على الاسواق>>يعني الجهه الخلفيه من الفندق
جود:تعالي شوفي كشخه..من هنا اختاري اللي تبي وبعدين انزلي اشتريه
رفعت يدها بحماااس:الله كشخه..ياريت بيتنا يطل على سوق كذا
جود:عز الله فلس عمي ههههههههههههههههههههه
تأملوا المحلات وهم مبسوطين..جذب ميعاد واحد يشرب زجاير تحت النافده على طول..ويطلع الدخان بفن
لعت كبدها:قرف يقرف الدخان شوفيه شلون يطلع الدخان
جود:والله حركات عليهم هالشباب
ميعاد تخطط:عندي فكره(وراحت الثلاجه..وجابت علبه مويه):افتحي النافده؟؟
فهمت عليها جود وصدت عنها النافده:مافيه ترشي خلق الله حرام عليك بارد
ميعاد بتوعد:ترى ارشك
استسلمت وبعدت عنها..فتحت معياد النافده وكبت المويه على راسه
ميعاد جاتها حاله من الهستيريه:هههههههههههههههههههه..(وطاحت على السرير)ااااااااي بطني شوفيه شلون ينتفض من البرد هههههههههههههههه
جود بخوف:وش سويتي ياهبله ان شاء الله الحين يركب ويعلم ابوك
سكت من ضحكها:يوووووووه..لالا ما يسويها
جود معتمده ترعبها:الا يسويها انتي الغلطانه
في هالوقت دق جرس الشقه
ميعاد:يمممممممممه جاء(وراحت تغطت بالبطانيه على سريرها)
جود :جاك الموت ياتارك الصلاه
سمعوا صوت سعود ..هدت ميعاد:اااااااااااااااااااه والله ارتعبت
جود:ههههههه..تستاهلي ليش تسوي شي انتي مو قده
ميعاد تسمع اصوات اللي بالصاله:شكل كل الشباب عندنا..قومي البسي عباتك بروح الحرم
بعد مالبسوا طلعوا ولقوا قدامهم سعود ووائل طالعين..فراحوا معهم
طلعوا من الفندق متوجهين الى الحرم
جود بهبل:تدري ميعادوه جوعانه..حتى اسمعي اصوات بطني
لفت عليهم سعود يضحك:اذا طلعنا نشري لك فطور بس اسكتي لا تفضحينا
حطت يدها على فمها:يوووووووه..يعني صوتي عالي
ميعاد تقهقه:لا والله الا اصوات بطنك
جود فتحت عيونها على وسعهم:حلفي؟؟ياشلاخه..لا تتبلي علي
دخلوا المسجد بفرحه من القلب..ومن يروح هالمكان وما يشعر بالسعاده حوله..منظر الناس المتوافده الى البوابات..يحسسك بالراحه..يارب انتصر اهل الاسلام على اهل الشرك والكفر والنفاق
جود تفسخ جزمتها:نجلس مع امك وامي لو نجلس لوحدنا؟؟
ميعاد:وين نلقاهم الحين..لا تضيعي الوقت..اي مكان زين
دخلوا وكل منهم تدعي..ان ربها..ان تكون من اهل الجنه..ويبعدها عن النار واهلها..وتكون تحت رحمته ولا رحمه احد من عباده..جلسوا على احد السجاد وصلوا ركعتين تحيه المسجد..من بعدها فتحوا المصاحف وجلسوا يقروا القران بخشوع..ما يدروا كم مضى من الوقت على هذه الحاله..بين سجود ودعاء..الراحه النفسيه اللي يعيشها كل انسان في هذا المكان..يتمنى ما تنزاح وتملي يومه وحياته..رن جوال جود.لقته سعود..اشرت الى ميعاد يطلعوا..صحيح ان هم ما شبعوا من الجلسه..بس الجوع سيطر على جود..صار لها اكثر من اربع ساعه جالسه من النوم وماكلت شي..طلعوا الى المكان اللي اتفقوا يلتقوا فيه مع الشباب..وما لقوا الا وائل

[جنون الذكريات]

التفت جود تدوره:وائل وين سعود؟؟
كان يحمي عيونه من اشعه الشمس الحاره في هذا الوقت من السنه:شافكم تأخروا..فراح الشقه
مشوا ورى وائل اللي غير مساره عن الفندق
ميعاد:وائل هنا الفندق ..وين بطول المسافه علينا
شدها من يدها لعنده:تكلمي بشويش فضحتينا عند خلق الله..وبعدين مو انتوا جوعانين بنشري لكم فطوووور
حطت يدها على بطنها:ايه والله بموووت جوع
وائل:طيب من وين تبوا؟؟
ميعاد:انا ابي من بيت الدونت..ها جود وش رايك؟؟
جود مستحيه..لانها كانت متوقعه ان سعود يشتري لها..التفتت على المحلات وشافت باسكن >>يمي يمي هههههههه
قالت بتردد:ابي ايس كريم من باسكن
وائل معارضها:وش ايس كريم من الصباح..الحين هذا اللي يشبعك
ميعاد بترجي:انا بعد ابي عفيه وائل اشتري لنا
..يالله تعالوا اختاروا
جود متحمسه للايس كريم..في نفس الوقت تذكرت نهى:وائل بعد حق نهى؟؟
..ما عليك منها..اذا طلعت تشتري لها
جود:لالا..الحين نشري لها
..والله ابتلشت فيكم..يالله خلصوا..لو اتركم واروح الشقه
..........................

[جنون الذكريات]

..........................
في مكان يضج بصوت الموسيقى العاليه..كانت غلا واقفه عند المرايا..تتدرب على الرقصه اللي رح تنفدها في زوج صديقتها القريب..دخلت عليها رغد تتكلم..بس لارتفاع صوت المسجل ما كانت غلا تسمعها:غلاااااااااااااااااااااااا
راحت رغد الى المسجل وفصلته:اااااااااف..وش هالازعاج من صباح ربي
قربت غلا من المسجل وهي تكمل رقص ورجعت السلك
رغد بعصبيه:بقووووولك شي ياهبله
غلا:اوووووه وهذا احنا قصرنا على الصوت تكلمي
رغد خايفه تفشلها:عندي لك خطه..وش رايك ننفدهااا
غلا:وش خطته؟؟؟
جلست رغد على السرير وضمت يديها في بعض:جايتني فكررررره..تعرفي انتي فيصل وثقل نوومه..نروح له..ونقص شعره
راحت غلا الى الباب اللي جزء منه مفتوح وقفلته:تتكلمي جد؟؟
هزت راسها بتأيد:جد الجد بعد..تدري اني حاسه ان جود ما بغته على شعره اللي لين اكتافه..خل نقصه له
غلا بعد تفكير:هو مو مشكله على القص..بس الخوووف من رده فعله
رغد بدون اهتمام:وش رح يسوي يعني..خلاص شعره وقصينه..مرح يقدر يسوي شي
غلااا:والله فكره خطيره يأم الافكار..بس بشرط انا اللي اقصه..واذا سأل بعدين تقولي انتي اللي قصيتيه
رغد :ولا يهمك..اسوي أي شي اهم شي..توافق جود
اخذت غلا معها المقص..واتجهت الى غرفه فيصل..فتحت رغد الباب وهي تسوي حركات يابانيه
غلا بضحك:ههههههه..اجرااااااااااااام
حطت رغد يدها على فم غلا وهمست:اااااااااااااش لا يسمعك
تقربوا منه..اشرت رغد بيدها قريب من وجه تتأكد من نومه..وتوكلوا على الله وووووووووو
قصووووووووه
اخذت رغد الشعر في يدها وطلعوا من الغرفه ركض الى امهم يعلموها بجريمتهم النكراء
بعد ما علمت رغد وغلا امهم السالفه
ام فيصل:يا ويلي عليك ياولدي..اجرموا فيك ذول البنات..اقول بس وخروا عني هناك..وان سووا لكم شي..مو مدافعه
قربت رغد منها:لالالالالا يعني احنا مو بناتك
ام فيصل بسخريه:لالا مو بناتي ولا اعرفكم..اجل هذي سوت ياللي ما تستحون
حطت غلا يدها على خصرها:اجل هو اللي يستحي مخلي شعره لين رجوله
ام فيصل:بس هو دايم يلبس شماغ يعني ما يبان..انتوا بس تبوا تتهاوشون
رغد وحست بالخوف:يمه خبيني اخااف يجلس وبالعقال على ظهرناا
ضحكت عليهم ام فيصل..وهي تحس بهول اللي سووه بناتها
ام فيصل:ربي يهديكم بس...............


في البارت الجاي..موقف فيصل ومزيد من الاحداث

[جنون الذكريات]

ابي اشوف تفاعل لو سمحتوا تغيروا اسم الموضوع

( الحب كاذب يعني الشوق خسران ) غلطت في كلمة خسران كتبت خشران

[جنون الذكريات]

بصرااحة انتوا ما منكم فايده بس مطره اكمل الروايه بالسرعة

اترككم مع الجزء الثالث

[جنون الذكريات]

الجزء الثالث

ولاده الحب الصادق في قلبي(1)



حست بصداع فضيع..والدنيا تدور من حولها...تمسكت بيد محمد الواقف جنبها..وغمضت عينها وهي تتنفس بسرعه:محمد رجعني البيت
ماكان مستوعب اللي يحصل الى اخته..الغطا كان خافي ملامح التعب اللي تسكن وجه نهى رد ببرود:مو انتي اللي من الصبح تبي تطلعي السوق..وهذا السوق ليش بترجعني
انحناء جسمها الهزيل عليه..ساعتها حس ان اخته تعبانه..توجه الى اقرب كرسي لقاه في الممر..كان مزدوح بالبنات اللي تعشق شي اسمه سوق..افتشل يقومهم من مكانهم..بس ما عنده حل غير كذا..والحمدلله الاستجابه كان سريعه من قبل البنت اللي مشيت في طريقها تتحلطم على هالناس الي مثل محمد..واللي يحبون انفسهم..مفكرين السوق سوق ابوهم..ما اهتم محمد الى شي..فتح غطا نهى..وشاف حبات العرق على جبينها..ورعشه ايدها البارده..حرانه بردانه..ما كان فاهم اللي يحصل لها
محمد:نهى فتحي عيونك؟؟
ازعاج الناس يحسسها بالغثيان..وكثرتهم سووا تشويش بعيونها وما عاد تميزهم:مقدر راسي بالحيل يدور
تركها وراح مسرع الى السوبر الماركت الصغير اللي يتوسط المجمع..وشرى علبه مويه..طول هالوقت وهو يناظر فيها..وعاجز انه يفسر أي شي يحصل..كذا مره وحده تتعب..ماطول في تفكيره..شرب اخته ..ورش على وجهى:ها نهى تقدري تمشي؟؟
هزت راسها بمعنى ايه..تمسكت في يده..ومشوا الى خارج المجمع..الحمدلله كان المجمع قريب من الفندق عشان كذا ما احتاجوا سياره..وصولوا الى الاصنصير ركبوا..وتسكر الباب اللي يحمل داخله خمس اشخاص..مسكت بطنها تحاول تقاوم الألم..بس ما قدرت..طلعت منها صرخه لا اراديه:ااااااااااااااااااي بطني
كل اللي موجودين بالاصنصير يناظروا فيها والمرايا تعكس شكلها المتألم كذا مره..سندها محمد:شوي ونوصل الشقه..اتحملي
قال هالكلمتين بصدمه..ونفس الوقت من الفشله..الكل يناظر في هذا المكان يناظرهم..حمد ربه ان دورهم مو بعيد..طلعوا من الاصنصير وتوجهوا الى الشقه ..دق محمد الجري كذا مره بشكل متواصل ..مما ازعج الاء..وجات تركض له..فتحت الباب..ومرت منه نهى بسرعه البرق الى الحمام(اكرمكم الله)..محمد من ورى الباب:روحي بسرعه شوفيها ..تعبانه
خافت الاء..وراحت لها..دقت الباب كذا مره بس مافتحت لها..بعد فتره سمعت صوتها ترجع وهي تنادي امها..راحت الاء ركض الى ام محمد وعلمتها..بعد ما سمعت نهى صوت امها فتحت الباب..وارتمت في حضنها..زاد خوف ام محمد..تو طالعه مافيه شي وتضحك..وش صار لها..اخذتها على سريرها وقريت عليها:يمه نهى وش فيك؟؟
كان سؤال صعب على نهى..لانها ما تعرف وش فيها:مدري..بس بطني بقوه يالمني

[جنون الذكريات]

ام محمد تهون عليها:لا مافيك الا الخير..بس يمكن شويه برد
دخلت عليهم جود:أي برد ..قولي دلع..مو نهى؟؟
لفت نهى وجها الاتجاه المخالف الى جود..وهالحركه حزت في خاطر جود كثير..قربت من السرير اللي يتوسط سرير الاء ورنا..وجلست جنبها:ما تشوفين شر
استغربت ام محمد سكوت نهى:نهى ليش ساكته ردي على جود
طاحت دمعه على خدها..زادت شكوك جود..وش سويت لك انا..كانت تصرخ بداخلها..ردي علي..بعد اكثر من عشر دقايق..طلعت ام محمد تسوي الى نهى شي تاكله..فنتهزت جود الفرصه..ومسكت دقنها..وتكلمت بصرامه:نهى ناظري فيني..وش فيك علي؟؟قولي لي؟؟
رفعت ظهرها من على السرير وضمتها..وزادت بكاها..ابعدتها جود وعلامه الاستفهام تكبر:نهى وش فيك؟؟وربي بستخف..تكلمي
ولما ما شافت منها رد..ابتسمت لها وضمتها:سوري اذا ضايقتك..انتي بقلبي بس انا لازم اكون حولها..نهى افهميني بليز..ما لازم ابين لها انها مو شي عندي..وهي شي كبير..مثل ما ابغها حولي..تبغاني حولها
تركتها ورجعت رمت راسها على المخده:بصراحه افتقدتك كثير..ولاني كنت حاطه في بالي..ان طول ماحنا بالمدينه تكوني معاي..بعدين اشوفك مع ميعاد(ومسكت بطنها اااااااي)
مسكت يدها بخوف:وش فيك؟؟
نهى بوجع:ااااي مدري بطني احسه بينفجر
حركت لها حواجبها:من الحب هههههههههه
ضربتها على ظهرها:اقول بلا ضرافه قومي بس خليني انام
طلعت لها لسانها:من قال بجلس معك بروح الى ميعادي
نهى:معليه..لو مو انا تعبانه وريتك شغلك يا سخيفه
طفت الانوار الصفراء..وقفلت الباب وهي تسوي لها باي..تنهدت ورجعت شعرها على ورى..ليش يا نهى تعاتبيني..بس لاني بنام مع اختك في نفس الغرفه..وربي خايفه ان يصير بينهم مشاكل والسبب انا..ضحكت وهي تتخيل نفسها..رجال متزوج مرتين..وجالس على نارين..على صلاه العشاء..كلهم راحوا الحرم
وهم بالتوسعه

[جنون الذكريات]

جود:ها نهى صرتي تمام؟؟
نهى:ايه الحمدلله..احس بشويه نغزات..بس احسن
جاتهم ميعاد من ورهم وهي تتنفس بقوم من الركض:ياللي ما تستحوا..كيف تتركوني وتروحوا
ناظرت جود عباة ميعاد المغبره..صار لونها ابيض بدل الاسواد الفاحم:هههههههههههه..وش صاير لك؟؟
ميعاد بعد ما توسطتهم:اااااااااه منكم..ما تقولوا وين راحت البنت..افترضوا خطفوني
جود بثقه:لالا تخافي لو خطفوك..ماشاء الله صوتك يساعد نسمعك من بعد امتار..تصلحي تصيري مؤذن وبدون مقرفون بعد
ميعاد ولساتها تحاول تنظف عباتها من الغبار:سكتي بس والله ركبتي تألمني حيل من الطيحه..اقول ساعديني على هالغبار
جود:ولا يهمك(وصارت تضرب ظهرها بقوووه..تسوي نفسها تنظف الغبار)
قرصتها ميعاد بقووه:ياسخيفه..وانا اقول مو لله..لكن اوريك
نهى اللي بوادي ثاني..حطت يدها على فمها:يارررررررربي وش اسوي الحين
ميعاد:على ايش؟؟
نهى تطلع جوالها من جيبها:جبت جوال الكيمرا..الحين كيف ادخل
ميعاد بهبل:عادي ياختي..حطيه بشرابك ولا من شاف ولا من درى..انتي لا مصوره ولاشي
نهى بخوف:اخاف يكشفوني
ميعاد تأشر:لا هذي اللي تفتش..طيوبه بس تلمس من فوق ههههه ما توصل لين شرابك
ضربتها جود على راسها:حرام عليك..كذا الطيب يستغلوه..ماعليك منها..امشي بسرعه ..شفتي وين ابوك..روحي وعطيه
نهى بفرحه:صح..كذا الافكار والله بلاش..قال ايش قال شراب..خلي هالافكار حقك ست ميعاد
طلعت ميعاد لها لسانها:جزاتي اساعدك..لكن اوريك اخر مره اقترح عليك اقتراحات(وتأشر على جود)انتي بعد
دخلوا الحرم..بلفحه برد ..قشعرت جسمهم..سموا بس الله..وجلسوا كل وحده تقرأ قرأن لين يحين وقت الاذان..انسدحت نهى على السجاد متجاهله انظار الناس الرايحه والجايه..جاء لها عبود.وهي بوسط سرحانها تتأمل هالتصاميم الرائعه..والقبب المزخرفه بشكل يبهر..وطاح على بطنها وهو يضحك..صرخت نهى بخلعه..مسكته وجلست..وقلبها ينبض بقوووه:عبود ليش تسوي كذا..عيب..ألمنتي
قام من حظنها وكأنه ما سمع شي..وراح ركض الى امه
التفت لها امها:الحين لما نطلع نروح المستشفى
نهى بلامبالاه:لا.مابي اروح..وبعدين خلاص خف..اذا اوجعني ثاني رحت
دارت عيونها بالمكان تدور جود بس مالقتها:الاء وين جود؟؟
الاء التفت وراها..واشرت على مكان ماكانت جود..جالسه تقرا دعاء..وسانده ظهرها للجدار..راحت لها وجلست جنبها بهدوء..ضمت رجلينها ..ودفت راسها بينهم..تسمع صوت الجود العذب..وطريقتها في اخراج الحروف..تخلي الواحد غصب عنه يخشع ..بدأت دموعها تنزل من عيونها بصمت..الى متى هذي الدموع بتلازمني..الى متى ببقى عند ربي مذنبه..الى متى بسيطر على قلبي..كانت دموعها تتوسل جود..تسكت شوي..تترك لها نفس ترتاح..نفسها تعذبها..وقلبها يعذبها..ياجود نهى تحتاجك..تضحك وهي مليانه جروح..حست ان جود صار لها فتره سكتت..طلعت منديل من جيبها ومسحت دموعها..وهي على نفس وضعيتها..رفعت راسها والتقت عيونها بجود اللي تناظرها..ابتسمت لها:وش فيك تناظريني؟؟
بعدت عيونها عنها وكتفيت بسكوت
نهى:امممممم..عارفه تبيني اتكلم مو؟؟
هزت جود راسها وكملت نهى:حسيت اني متضايقه شوي عشان كذا بكيت وبس..جود ممكن اسألك؟؟
حطت يديها على خصرها:قولي بعد وش عنك؟؟
نهى:مين نهى في حياتك؟؟
حركت شفايفها بتفكير:امممممم..نهى بصراحه..نقطه اخر السطر.اذا شالوها ما يأثر ههههههههههههههههههه
عصبت نهى وقامت بدون ما تعلق..اما جود ما تصورت هالشي يضايق..رجعت كملت دعاءها..ونست الموضوع كليا
لما طلعوا من الحرم..وبين شوارع المدينه المزدحمه بالناس.من جميع الاجناس..صاروا يتسوقوا من المحلات اللي على طريق الفندق
الاء بدون نفس:دريتوا بالخبر يابنات
ام محمد:اااااااش يا الاء خليهم في احلامهم
الاء:لالا..هم يعيشوا احلامهم..وانا ..مابي خل نتأزر كلنا
ميعاد فصلتهم وصارت بالوسط:يالله الاء قولي وش السالفه
تلمست كتفها بألم:ألمتيني حشى مو كتف اللي عليك
ميعاد:بسم الله على عمري..لا تحسديني بس..يالله قولي وشو؟؟
الاء:ماقول..غير ارجعوا الفندق وكل وحده تلم اغراضها
تفاجات نهى بكلمها وتكلمت بصوت مرتفع:هي هي انتي وش تقولي..اي اغراض أي خرابيط؟؟