ام محمد تهون عليها:لا مافيك الا الخير..بس يمكن شويه برد
دخلت عليهم جود:أي برد ..قولي دلع..مو نهى؟؟
لفت نهى وجها الاتجاه المخالف الى جود..وهالحركه حزت في خاطر جود كثير..قربت من السرير اللي يتوسط سرير الاء ورنا..وجلست جنبها:ما تشوفين شر
استغربت ام محمد سكوت نهى:نهى ليش ساكته ردي على جود
طاحت دمعه على خدها..زادت شكوك جود..وش سويت لك انا..كانت تصرخ بداخلها..ردي علي..بعد اكثر من عشر دقايق..طلعت ام محمد تسوي الى نهى شي تاكله..فنتهزت جود الفرصه..ومسكت دقنها..وتكلمت بصرامه:نهى ناظري فيني..وش فيك علي؟؟قولي لي؟؟
رفعت ظهرها من على السرير وضمتها..وزادت بكاها..ابعدتها جود وعلامه الاستفهام تكبر:نهى وش فيك؟؟وربي بستخف..تكلمي
ولما ما شافت منها رد..ابتسمت لها وضمتها:سوري اذا ضايقتك..انتي بقلبي بس انا لازم اكون حولها..نهى افهميني بليز..ما لازم ابين لها انها مو شي عندي..وهي شي كبير..مثل ما ابغها حولي..تبغاني حولها
تركتها ورجعت رمت راسها على المخده:بصراحه افتقدتك كثير..ولاني كنت حاطه في بالي..ان طول ماحنا بالمدينه تكوني معاي..بعدين اشوفك مع ميعاد(ومسكت بطنها اااااااي)
مسكت يدها بخوف:وش فيك؟؟
نهى بوجع:ااااي مدري بطني احسه بينفجر
حركت لها حواجبها:من الحب هههههههههه
ضربتها على ظهرها:اقول بلا ضرافه قومي بس خليني انام
طلعت لها لسانها:من قال بجلس معك بروح الى ميعادي
نهى:معليه..لو مو انا تعبانه وريتك شغلك يا سخيفه
طفت الانوار الصفراء..وقفلت الباب وهي تسوي لها باي..تنهدت ورجعت شعرها على ورى..ليش يا نهى تعاتبيني..بس لاني بنام مع اختك في نفس الغرفه..وربي خايفه ان يصير بينهم مشاكل والسبب انا..ضحكت وهي تتخيل نفسها..رجال متزوج مرتين..وجالس على نارين..على صلاه العشاء..كلهم راحوا الحرم
وهم بالتوسعه