الجزء الثالث

ولاده الحب الصادق في قلبي(1)



حست بصداع فضيع..والدنيا تدور من حولها...تمسكت بيد محمد الواقف جنبها..وغمضت عينها وهي تتنفس بسرعه:محمد رجعني البيت
ماكان مستوعب اللي يحصل الى اخته..الغطا كان خافي ملامح التعب اللي تسكن وجه نهى رد ببرود:مو انتي اللي من الصبح تبي تطلعي السوق..وهذا السوق ليش بترجعني
انحناء جسمها الهزيل عليه..ساعتها حس ان اخته تعبانه..توجه الى اقرب كرسي لقاه في الممر..كان مزدوح بالبنات اللي تعشق شي اسمه سوق..افتشل يقومهم من مكانهم..بس ما عنده حل غير كذا..والحمدلله الاستجابه كان سريعه من قبل البنت اللي مشيت في طريقها تتحلطم على هالناس الي مثل محمد..واللي يحبون انفسهم..مفكرين السوق سوق ابوهم..ما اهتم محمد الى شي..فتح غطا نهى..وشاف حبات العرق على جبينها..ورعشه ايدها البارده..حرانه بردانه..ما كان فاهم اللي يحصل لها
محمد:نهى فتحي عيونك؟؟
ازعاج الناس يحسسها بالغثيان..وكثرتهم سووا تشويش بعيونها وما عاد تميزهم:مقدر راسي بالحيل يدور
تركها وراح مسرع الى السوبر الماركت الصغير اللي يتوسط المجمع..وشرى علبه مويه..طول هالوقت وهو يناظر فيها..وعاجز انه يفسر أي شي يحصل..كذا مره وحده تتعب..ماطول في تفكيره..شرب اخته ..ورش على وجهى:ها نهى تقدري تمشي؟؟
هزت راسها بمعنى ايه..تمسكت في يده..ومشوا الى خارج المجمع..الحمدلله كان المجمع قريب من الفندق عشان كذا ما احتاجوا سياره..وصولوا الى الاصنصير ركبوا..وتسكر الباب اللي يحمل داخله خمس اشخاص..مسكت بطنها تحاول تقاوم الألم..بس ما قدرت..طلعت منها صرخه لا اراديه:ااااااااااااااااااي بطني
كل اللي موجودين بالاصنصير يناظروا فيها والمرايا تعكس شكلها المتألم كذا مره..سندها محمد:شوي ونوصل الشقه..اتحملي
قال هالكلمتين بصدمه..ونفس الوقت من الفشله..الكل يناظر في هذا المكان يناظرهم..حمد ربه ان دورهم مو بعيد..طلعوا من الاصنصير وتوجهوا الى الشقه ..دق محمد الجري كذا مره بشكل متواصل ..مما ازعج الاء..وجات تركض له..فتحت الباب..ومرت منه نهى بسرعه البرق الى الحمام(اكرمكم الله)..محمد من ورى الباب:روحي بسرعه شوفيها ..تعبانه
خافت الاء..وراحت لها..دقت الباب كذا مره بس مافتحت لها..بعد فتره سمعت صوتها ترجع وهي تنادي امها..راحت الاء ركض الى ام محمد وعلمتها..بعد ما سمعت نهى صوت امها فتحت الباب..وارتمت في حضنها..زاد خوف ام محمد..تو طالعه مافيه شي وتضحك..وش صار لها..اخذتها على سريرها وقريت عليها:يمه نهى وش فيك؟؟
كان سؤال صعب على نهى..لانها ما تعرف وش فيها:مدري..بس بطني بقوه يالمني