اليوم الثاني

جات ميعاد السياره تركض..وطلت من النافده:يعني جد امكم ما جات؟؟
فتحت الاء لها الباب وهي تقول:لا عبود فيه زكام..مو رايحه فيه
..لالا سكري الباب..بروح اقول لامي تجلس مكانها وش له تروح معنا
فتحت جود النقاب:هههههه وش عليك منها يمكن تبي تتمشى
ميعاد تهز راسها:ممنوع العجز يروحوا مع الشباب
ضربتها جود على كتفها:اااه ياقليله الادب..الحين امك عجوز ..والله لعلمها
طارت ميعاد تقول لامها..وجات رنا ونهى..وهم يحمدوا ربهم
رنا بستنكار:اش فيها هذي تركض بالشارع؟؟
ايمان بلقافتها الدايمه:امي ما جات معنا عشان كذا راحت تقول لامك تجلس بالبيت
صمتوا ثواني..واستوعبت جود ..ان نهى ساكته..حتى ما سلمت..مو من عوايدها..مدت يدها وقرصتها:اش فيك نهويه؟؟
استغربت سكوتها حيل فسألت رنا:وش فيها اختك؟؟
رفعت رنا كتوفها بمعنى ماتدري..اممممم اولا واخيرا رح تدري..عشان كذا سكت..مشت السياره في شوارع المدينه..اخترق هالصمت صوت جوال جود
جود بحماس:هلااااااا رغوده
رغد:وين انتي يا حوله
جود بتوعد:انا حوله يا عوره اوريك
رغد:اقول جود انا على باب بيتكم انزلي لي
شهقت جود:حلفي؟؟
رغد:بسم الله عليك وش فيك..اقولك يالله انزلي
وطت جود صوتها:بس انا مو بالبيت..انا بالسياره مع بنات عمي رايحين الراشد
ضغظت رغد على الجوال:اوهوووو..وين اروح يعني..مللتوني
جود:ليش من مللك غيري؟؟؟؟؟
رغد:راحت غلا وامي المستشفى حق اسنانها..ومليت بالبيت لوحدي مافيه الا فيصل شفته طالع قلت يوصلني عندكم
كسرت خاطرها:امممم..خلاص الحين ارجع البيت كم رغوده عندنا
رغد بأبتسامه:جد؟؟
قفلت جود السماعه..وهي خايفه تقول لهم..لان اكيد بيعصبوا..بس مافيه وقت لازم تخبرهم
جود:اقول بنات..وش رايكم ترجعوني البيت وتروحوا لوحدكم؟؟
الاء بصوت عالي:لا والله..احنا متفقين من امس
جود تهديها:ااااااااش..لاعاد تصرخي..اذوني ألمتني..وبعدين انا ماقلت شي..قلت رجعوني وروحوا انتوا
رنا بقهر:اااااااااااااف منكم خلاص ارجعي فكه منك
غمزت لها جود:شكرا ياقلبي
همست نهى وهي تسند راسها على النافده:انا بعد تعبانه..بنزل معك
ميعاد:يااااااااااااربي يعني مافيه طلعه..دايم كذا تخربوا الطلعات..بس يالله بمشيها هالمره عشان خاطر رغد
رغد(بنت خالة جود عمرها 18 سنه يعني اكبر من جود بسنه..اختها غلا عمرها 20 سنه..واخوهم فيصل 23 سنه يدرس هندسه)
رجعوا البيت..ولقوا رغد جالسه مع ام سعود بالصاله..دخلوا كلهم وسلموا
ام سعود:زين ما سوت فيكم رغوده خلتكم ترجعوا البيت
جود وهي تفك الحجاب:انا بروح احط عباتي واجي
رغد توقف:وانا بعد بشيلها
راحت رغد مع جود غرفتها..شالت رغد عباتها ووقفت قدام المرايه تستعرض..كانت لابسه تنوره جلد بني لين الركب..مع بلوزه بأكمام طويله:وش رايك؟؟
مسكتها جود ولفتها:ووووع مش حلوووووووه
سوت رغد نفسها تبكي:ادري اصلا حلوه غصب عليك بس غيرانه(وطلعت لسانها)