قاموا وكل وحده منهم تسوي زعلانه
نهى:انا عندي فكره..اسمعوني يا اخوات(تقصد امها ومره عمها)
ام محمد:قولي وش عندك؟؟
تكلمت نهى شوي شوي وهي خايفه يردوها:توعدونا..بكره..نجتمع؟؟؟؟
ام سعود:نفكر
مسكت جود يد امها بترجي:عفيه يمه قولي ايه..الدنيا اجازه وش نجلس نسوي بالبيت
ام محمد جاتهم بالخبر المنقد:خلاص..ياحنانات..بس وين بتروحوا؟؟
ميعاد بعد تفكير:امممممممممم نروح الراشد
ام سعود:لا ياغناتي..ذا كله شباب مافيه تروحوا لوحدكم
ضربت الاء رجلها بالارض:ياربي..اجل وين نروح؟؟؟
ام سعود:تروحوا بس نروح معكم وبشرط
ميعاد بفرحه:موافقين على جميع الشروط
ام سعود:ما تطولوا؟؟
نهى:خلاص..اهم شي نروح
جاهم صوت ابو محمد:يالله يابنات على السياره
ابوسعود بمعارضه:لالا اول يروحوا الحمام(الله يكرمكم)ويغسلوا يديهم ورجلولهم..مابي وحده تركب السياره بحبه رمل
بعد ما غسلوا..وقفوا بين السيارتين
نهى بأبتسامه:موعدنا بكره
جود:اوكي..انا اسمع صوت توأمك ينادي(وائل..ونهى..توأم..بس كل واحد له شكل يختلف نهائي عن الثاني..بحيث من النادر الحكم عليهم أنهم توم)
التفت نهى..ولقته وماسك جوالها..ارتفعت ضربات قلبها..وازدادت مع جريها
وائل:شوي وشوي..وش فيك تسرعي؟؟
نهى بارتباك:ها..ولا شي..بس قلت يمكن تبيني بشي ضروري
مد جوالها:جوالك سمعته يرن..شكلك نسيتيه
اخذته من يده:مشكور..بس ما كملت كلمتها الا التلفون يرجع يهتز بين يديها..ناظرت في الشاشه وبلعت ريقها..ورجعت ناظرت في وائل
وائل بشك:وش فيك.. ردي؟؟
نهى بأبتسامه:هذي صديقتي تلقها بس تبي تتفلسف
صرفها وهو يقول:طيب يالله روحي السياره كلهم ركبوا
راحت السياره مبوزه وتكلم نفسها:ااااااااف..كذا يا وائل..راحت جود بدون ما اسلم عليها
نبهها ابوها يستعجلها..ركبت السياره بصمت واسندت راسها على النافده ونامت
ابو محمد يلتف وراه:خخخخخ ياحبي لهم وهم ساكتين ونايمين خخخخخخ
ام محمد:من التعب ناموا لو رنا مو تعبانه كان شفت هواشها
خفض السرعه:ياريتهم كل مره كذا
تقريبا كان نفس الوضع في سياره ابو سعود..الا من جود اللي ما تحب تفوت منظر قدامها..مهما كان..يمكن ما تلفهتها الشوارع ولا تركز فيها..بس افكارها تاخذها وتجيبها
اما في سياره الشباب السوالف ماخذه دورها
سعود ماسك ضحكته:اقول محمد متى ناوي تعرس؟؟
ضحك محمد بصوت عالي..حتى خاف فراس:هي هي انتبه قدامك..ترى ارواحنا غاليه
محمد:ووووووويه..شوف اخوك وش يقول..قال ايش قال اعرس..شكله ناوي(يغمز)ويبي يحط السالفه فيني
وائل:جد يا سعود..والله صرت رجال خخخخخخخخ
سعود بعصبيه:اقول انت وهو ضبوا لسانكم
فراس:والله انت اللي جبت الكلام لنفسك
............................