جمال وسام لا يعلى عليه..مع أن عمي مو بهذا الجمال..حتى مره عمي>>لا تفكروا غلط..بس ياما عشت معها وجلست بحضنها وأنا صغير..صحيح جميله..بس ما يرتجى تجيب ولد كذا هههههههههه
سويت نفسي بطيح:يذوب شعرك .. أي شامبو تستعمل؟؟
ضربني على راسي :أركد يا مجنون..والحين أي مطعم نروح؟؟
..كنتاكي..ابي كنتاكي
اتجه الى مطعم لبناني وهو يقول:كم مره أقولك أنا ما اشتري من ذا المطاعم..ليش أصرف مالي على شركات مو اسلاميه..وبعدين انا شاك في ذبحه..تبي تروح انت روح..انا سوري
مسكته من كتفه:معك..معك..على السراء والضراء
دخلنا المطعم المزحوم بالشباب..طلبنا..(تبوله..فلافل..ورق عنب..ومشويات)..ووسام بالموت ياكل له لقمه..حطيت في الخبزه تبوله وقدمتها>>اسم اني بأكله
سامر:وخر يدك..شايفني خطيبتك وانا مدري
حطيتها في فمي:لا والله الا خطيبي(وقلد صوت البنات)مو انت اكبر
كان ساكت ..حسسني ان فيه شي تكلمت بجديه..وأنا أدفع الحساب وأقوم:وسام فيك شي
هز راسه بلا.ابتسمت:يالله اجل نروح الكورنيش عند الشباب
وقفني من كتفي:وائل..اقسم بربي..لو شفت فيصل هالدلوع ذا..يتكلم عن بنت عمك..بقتله..تعرف وش يعني اقتله