جود:ها نهى صرتي تمام؟؟
نهى:ايه الحمدلله..احس بشويه نغزات..بس احسن
جاتهم ميعاد من ورهم وهي تتنفس بقوم من الركض:ياللي ما تستحوا..كيف تتركوني وتروحوا
ناظرت جود عباة ميعاد المغبره..صار لونها ابيض بدل الاسواد الفاحم:هههههههههههه..وش صاير لك؟؟
ميعاد بعد ما توسطتهم:اااااااااه منكم..ما تقولوا وين راحت البنت..افترضوا خطفوني
جود بثقه:لالا تخافي لو خطفوك..ماشاء الله صوتك يساعد نسمعك من بعد امتار..تصلحي تصيري مؤذن وبدون مقرفون بعد
ميعاد ولساتها تحاول تنظف عباتها من الغبار:سكتي بس والله ركبتي تألمني حيل من الطيحه..اقول ساعديني على هالغبار
جود:ولا يهمك(وصارت تضرب ظهرها بقوووه..تسوي نفسها تنظف الغبار)
قرصتها ميعاد بقووه:ياسخيفه..وانا اقول مو لله..لكن اوريك
نهى اللي بوادي ثاني..حطت يدها على فمها:يارررررررربي وش اسوي الحين
ميعاد:على ايش؟؟
نهى تطلع جوالها من جيبها:جبت جوال الكيمرا..الحين كيف ادخل
ميعاد بهبل:عادي ياختي..حطيه بشرابك ولا من شاف ولا من درى..انتي لا مصوره ولاشي
نهى بخوف:اخاف يكشفوني
ميعاد تأشر:لا هذي اللي تفتش..طيوبه بس تلمس من فوق ههههه ما توصل لين شرابك
ضربتها جود على راسها:حرام عليك..كذا الطيب يستغلوه..ماعليك منها..امشي بسرعه ..شفتي وين ابوك..روحي وعطيه
نهى بفرحه:صح..كذا الافكار والله بلاش..قال ايش قال شراب..خلي هالافكار حقك ست ميعاد
طلعت ميعاد لها لسانها:جزاتي اساعدك..لكن اوريك اخر مره اقترح عليك اقتراحات(وتأشر على جود)انتي بعد
دخلوا الحرم..بلفحه برد ..قشعرت جسمهم..سموا بس الله..وجلسوا كل وحده تقرأ قرأن لين يحين وقت الاذان..انسدحت نهى على السجاد متجاهله انظار الناس الرايحه والجايه..جاء لها عبود.وهي بوسط سرحانها تتأمل هالتصاميم الرائعه..والقبب المزخرفه بشكل يبهر..وطاح على بطنها وهو يضحك..صرخت نهى بخلعه..مسكته وجلست..وقلبها ينبض بقوووه:عبود ليش تسوي كذا..عيب..ألمنتي
قام من حظنها وكأنه ما سمع شي..وراح ركض الى امه
التفت لها امها:الحين لما نطلع نروح المستشفى
نهى بلامبالاه:لا.مابي اروح..وبعدين خلاص خف..اذا اوجعني ثاني رحت
دارت عيونها بالمكان تدور جود بس مالقتها:الاء وين جود؟؟
الاء التفت وراها..واشرت على مكان ماكانت جود..جالسه تقرا دعاء..وسانده ظهرها للجدار..راحت لها وجلست جنبها بهدوء..ضمت رجلينها ..ودفت راسها بينهم..تسمع صوت الجود العذب..وطريقتها في اخراج الحروف..تخلي الواحد غصب عنه يخشع ..بدأت دموعها تنزل من عيونها بصمت..الى متى هذي الدموع بتلازمني..الى متى ببقى عند ربي مذنبه..الى متى بسيطر على قلبي..كانت دموعها تتوسل جود..تسكت شوي..تترك لها نفس ترتاح..نفسها تعذبها..وقلبها يعذبها..ياجود نهى تحتاجك..تضحك وهي مليانه جروح..حست ان جود صار لها فتره سكتت..طلعت منديل من جيبها ومسحت دموعها..وهي على نفس وضعيتها..رفعت راسها والتقت عيونها بجود اللي تناظرها..ابتسمت لها:وش فيك تناظريني؟؟
بعدت عيونها عنها وكتفيت بسكوت
نهى:امممممم..عارفه تبيني اتكلم مو؟؟
هزت جود راسها وكملت نهى:حسيت اني متضايقه شوي عشان كذا بكيت وبس..جود ممكن اسألك؟؟
حطت يديها على خصرها:قولي بعد وش عنك؟؟
نهى:مين نهى في حياتك؟؟
حركت شفايفها بتفكير:امممممم..نهى بصراحه..نقطه اخر السطر.اذا شالوها ما يأثر ههههههههههههههههههه
عصبت نهى وقامت بدون ما تعلق..اما جود ما تصورت هالشي يضايق..رجعت كملت دعاءها..ونست الموضوع كليا
لما طلعوا من الحرم..وبين شوارع المدينه المزدحمه بالناس.من جميع الاجناس..صاروا يتسوقوا من المحلات اللي على طريق الفندق
الاء بدون نفس:دريتوا بالخبر يابنات
ام محمد:اااااااش يا الاء خليهم في احلامهم
الاء:لالا..هم يعيشوا احلامهم..وانا ..مابي خل نتأزر كلنا
ميعاد فصلتهم وصارت بالوسط:يالله الاء قولي وش السالفه
تلمست كتفها بألم:ألمتيني حشى مو كتف اللي عليك
ميعاد:بسم الله على عمري..لا تحسديني بس..يالله قولي وشو؟؟
الاء:ماقول..غير ارجعوا الفندق وكل وحده تلم اغراضها
تفاجات نهى بكلمها وتكلمت بصوت مرتفع:هي هي انتي وش تقولي..اي اغراض أي خرابيط؟؟