الحب كاذب يعني الشوق خشران

[جنون الذكريات]

جمال وسام لا يعلى عليه..مع أن عمي مو بهذا الجمال..حتى مره عمي>>لا تفكروا غلط..بس ياما عشت معها وجلست بحضنها وأنا صغير..صحيح جميله..بس ما يرتجى تجيب ولد كذا هههههههههه
سويت نفسي بطيح:يذوب شعرك .. أي شامبو تستعمل؟؟
ضربني على راسي :أركد يا مجنون..والحين أي مطعم نروح؟؟
..كنتاكي..ابي كنتاكي
اتجه الى مطعم لبناني وهو يقول:كم مره أقولك أنا ما اشتري من ذا المطاعم..ليش أصرف مالي على شركات مو اسلاميه..وبعدين انا شاك في ذبحه..تبي تروح انت روح..انا سوري
مسكته من كتفه:معك..معك..على السراء والضراء
دخلنا المطعم المزحوم بالشباب..طلبنا..(تبوله..فلافل..ورق عنب..ومشويات)..ووسام بالموت ياكل له لقمه..حطيت في الخبزه تبوله وقدمتها>>اسم اني بأكله
سامر:وخر يدك..شايفني خطيبتك وانا مدري
حطيتها في فمي:لا والله الا خطيبي(وقلد صوت البنات)مو انت اكبر
كان ساكت ..حسسني ان فيه شي تكلمت بجديه..وأنا أدفع الحساب وأقوم:وسام فيك شي
هز راسه بلا.ابتسمت:يالله اجل نروح الكورنيش عند الشباب
وقفني من كتفي:وائل..اقسم بربي..لو شفت فيصل هالدلوع ذا..يتكلم عن بنت عمك..بقتله..تعرف وش يعني اقتله

[جنون الذكريات]

رحت السياره وخليته يركب معي..على الاقل أهديه:وسام..وش فيك؟؟ احنا متعودين عليه من زمان كذا..وش تغير يعني؟؟
حط راسه على الكبوت:الامس شفته..يتكلم عنها تقول زوجته..ما يستحي على وجه ويقول ولد عمها قدامي ولاشي..كنت ناوي أقول لسعود
..بس يا وسام..هي كذا كذا رح تصير زوجته..و اولا وأخيرا هي بنت خالته..يعني وش نسوي له؟؟
رفع راسه وناظرني:بس أنا لا يمكن أخلي بنت عمي..تزوج هالفيصل
..وسام..أكسر الشر..وما لك في هالمواضيع..اذا ابوها وأخوانها راضين..نجي أحنا أولاد عمها نوقف ضد الموضوع
قاطعني:بس احنا شايفين غير هاللي هم شايفينه
..وسام لا تفكر..تسوي فتنه بين الاهل..الفتنه أشد من القتل
زفر بقوه:مو انا اللي أسوي كذا..بس الايام جايه ورح تشوف وش أسوي
ما رديت عليه..اااااه لو تدري يا وسام..اني اتقطع أكثر منك..ما قلت هالكلام لي..وما حاولت تذكر قلبي شي ناسيه..سمعت صوت الباب يتسكر..التفت الا هو نزل..حركت السياره على الكورنيش
..........

[جنون الذكريات]

بعد يومين على باب بيت أبو محمد

دفه حمد بقوه:أذيتني تراك..بينام الرجال..وانت واقف تشاور نفسك أدخل والله لا
ناصر يفرك عيونه:حمد أدخل معاي..يرضيك كذا أدخل لوحدي..بلا أبو..ولا أخو
حمد بصرامه:لا تسوي فيها مسكين..انا أبيك تدخل لوحدك عشان تشرح ظروفك زين
دخل المجلس..وجلس على أحد الكنبات ..وهو يدعي من قلب..حتى نهى ما قال لها..حب أن يوصلها الموضوع من أهلها..وما يكون محرج معها..في حال لو رفض أبوها
وقف لما شاف أبو محمد يدخل ويسكر الباب وراه..باسه على راسه وهو يتلعثم:هلا أبو محمد..معك ناصر ال.....
أبو محمد:حياك أجلس
دخلو محمد ووائل لما عرفوا بقدوم شخص غريب.وأخذتوا معهم القهوه والتمر..أول ما دخل محمد سلم وجلس..اما وائل فمن شاف ناصر أستانس وضمه:هلا والله..كذا سنين ما نشوفك
أبتسم ناصر:ظروف ..أن شاء الله الجايات اكثر
وجلسوا جنب بعض
أبو محمد:أنتوا تعرفوا بعض؟؟
وائل بحماس حاط يده على كتف ناصر:هذا كان معي من أيام متوسط..صحيح أكبر مني..بس دايم نشوف بعض في تجمعات الشباب
أبو محمد:زين يا ناصر..عندك شي تبي تقوله(كان مواعد أبو سعود يزوروا رجال مريض..ومستعجل)
نزل ناصر عيونه الى الارض..وهو يفرك رجلينه ببعض:أنا جاي أحكي لك قصتي يأبو محمد(وخفض صوته)..من فتره كنت أدور على وظيفه..وما لقيت..تدري الوظيفه صعبه..وانا ما عندي شهاده جامعيه تسندني

[جنون الذكريات]

قاطعه أبو محمد:ليش ما درست مثل باقي الشباب
حس ناصر أن أبو محمد شديد معه..على عكس كلام نهى..مافي اهدى ولا اطيب منه..بلع ريقه:أبوي طلق أمي وقتها..وترك البيت بمافيه..وما صار يسأل أو يجيب لنا مصروف..عشان كذا انا اللي لازم اتكفل بأمي..أشتغلت بمبلغ الحمدلله يسدنا..بس بعدها طردوني..لانهم لقوا اللي كفوا لهذا المكان أكثر مني..صرت أدور بعدها فما لقيت..غير أني أشتغل في سوق الخضار..مع عم أحد الشباب الله يجزيه خير..شغلني براتب ألفين ريال بشهر
وائل:الله يكون بعونك..كذا الحياه يا نصور(ورفع ذقنه)بس أنت ابتسم
أبو محمد:صح يا ناصر..الدنيا فانيه..والله يعوضك بأشياء أفضل من المال
بدت يديني ناصر ترتجف:أبو محمد..بعد ما عرفت ضروفي..يحق لك..ترفضني..لو أكون نسيبك على سنه الله ورسوله..أنا أبي نهى
أبو محمد:بس على حسب كلامك..يعني ما عندك بيت تسكن فيه بنتي..ولا حتى مهر..كيف تزوج؟؟
ناصر:أنا جيتك عشان أوضح لك كل شي..والموضوع راجع لكم..انا بيت لها مقدر أفتح..لان زوجتي رح تسكن معي ومع أمي..واذا على المهر..كل شي بالتيسير يأبو محمد
محمد بتسائل:بس أنت من وين تعرف أختي؟؟
حس ناصر بأرتباك معقوله كشفه(لالا..بس مجرد سؤال):أنا أكيد معرف البنت بذاتها..بس أعرف أهلها..ويشرفني تكون زوجتي منهم..وأختي الكبيره..شافتها مره وعجبتها
قاطعه وائل:مع عليك يا ناصر..انت بس أعطيني رقمك..والله يكتب اللي فيه الخير
عطاه الرقم..وسلم عليهم..وطلع..على أمل يرجع هالبيت مع زوجته..يكون هذا البيت ..بيت عمه..حط يده في جيوبه وتوجه الى حمد بالسياره
........

[جنون الذكريات]

مابقى من الاجازه غير اسبوعين..ويبدأ روتين الدراسه من جديد..ميعاد لحد الأن متأزمه..سجلت في كذا جامعه..وامتحنت..بس في الاغلب ما تجاوزت المقابله..وجود..خايفه من دخولها ثالث ثانوي..كانوا على البحر مثل عادتهم أي خميس يمر
ميعاد تلعب بالماء والرمل بعصبيه:الحين أتعب 12 سنه..واجيب نسبه عاليه..وبعدين..أجلس بالبيت
الاء:أنا صراحه جاني أحباط..مو مذاكره ولاشي..واذا رحت ثالث..كل يوم بغيب..اتعب نفسي بعدين أجلس بالبيت والله حاله
جود:هي أنتوا وش هالكلام هذا..وان شاء الله ما يجي موعد الدراسه الا أنتي مقبوله في جامعه..لسى في جامعات تسجلي فيهم تفاءلي
ميعاد بحزن أنسدحت على الرمل وحطت يدينها تحت راسها:خلاص..انا بسافر..لبنان
نهى ضربتها على راسها:قومي..ما تشوفي الرجال اللي تمر
لفت ميعاد راسها يمين وشمال..تسوي عمرها ما تشوف:مافيه أحد ..وماني قايمه
رنا:هي أنتي..من قال أن أبوي رح يرضى تروحي لبنان
ميعاد رفعت صوتها:مالكم فيني..أنا رح أقنعه
جود:بس تدري أن الوضع في لبنان مو ذاك الزود..وبعدين في اشياء كثير نختلف معهم فيها
جلست ميعاد:أجل اللي يروحو ا أمريكا وش تقولي عنهم
نهى:ياربي انتي هبله..لا تناظري الناس ناظري نفسك وبس
ميعاد بصرامه:بس أنا بروح لبنان..وبدرس طب أسنان..وأي واحد يدخل وحطم حلمي..مرح أسامحه
جاء عبود يركض..وطاح في حضن ايمان:قوموا كلوا
ميعاد مسكت بطنها:من القهر..صايره هالايام كله أكل..وما شبع
الاء:صحيح مبين..خدودك زادوا
لسمت خدودها:صحيح؟؟خلاص خلاص ما عاد أكل..بس ريحة المشوي تشهي
رنا:يعني بتاكلي ههههههههه

[جنون الذكريات]

نهى:مين اللي سواه؟؟
ايمان:سعود ومحمد..لذيذ صار تعالي كولي
نهى:جود خذي لك..وتعالي نجلس عالبحر
جود تغرف لها سلطه:وانتي؟؟تبي احط لك؟؟
نهى:لا شبعانه مابي
أخذت جود عشاها وراحت مكان ما كانوا جالسين من شوي..الليله بدايت الشهر..عشان كذا القمر مو باين..والموج هادي
نهى تناظر في جود وهي تاكل:ييييع..حاطه كاتشب ولحم
جود تغايظها:يمي لذيذ مره ذوقي
نهى:شكرا..قرفتيني
جود:عيب عليك..نعمة ربك..بس لا تناظريني..قولي وش عندك؟؟
رفعت رجولها وحطت راسها عليها:وش يدريك أن عندي شي
جود:خلصيني تكلمي..وأنا باكل..لا تخليني أغص
نهى:بسم الله..وش فيك مشفوحه..كلي كلي..يمكن تزيدي كم كيلو..المهم بس كنت بقولك..وقفي أكل عشان لا تغصي..ناصر خطبني
جود فتحت عيونها على وسعها:جد(وخفضت صوتها)مبروك
قامت نهى بدون ما ترد عليها..وصارت جود تناجي البحر:معقووله..معقوووله نهى كانت تكلم ناصر..عشان يتزوجها
عقلها يقول:أجل ايش يا جود..تمزح معه..حسيت انها سخيفه..تكلم الرجال عشان يتزوجها..اااااااااف يا جود وش هالافكار..المهم أنه خطبها.وتحقق اللي ببالها..في هاللحظه بس تذكرت عمتها هدى..جاء في بالها تدق عليها..بس علاقتها بعمتها مو ذاك الزود..وبعدين جود خجوله..وما تعرف تفتح سيره
........

[جنون الذكريات]

الجزء الرابع ان شاء الله غذاً

او احتمال في المغرب

[جنون الذكريات]

هل ما زال الحب يتجدد؟؟

في بيت أبو محمد
فتحت نهى الظرف اللي بيدها بشوق
أقتطف من بساتين قلبي..ورود..بل أحمل هذا البستان بما فيه..وأضعه بين يديك..سحقا لاي ظروف تبعدنا..وهنيئا لنا في اخوه بعضنا..لا اتمنى..بل أدعي..الواحد الاحد..ان يهنئك في من اختاره قلبك..وجمعك الله معه على أفضل حال ((أختك:كل الحب))
قفلت الظرف وأبتسمت له وكانه كائن حي قدامها..عسى الله يا لا يفرقنا يا كل الحب..((ايه أنا..انا اللي سميت جود بهذا الاسم..كل الحب..انتوا ما تتصوروا قد ايش جود غاليه على قلبي))
دخلت ميعاد عليها الغرفه:ياااااااااي هالهديه من عند مين
الحين بس أنتبهت لها..كان شغلي الشاغل وش مكتوب بالظرف:هذا من جودو
ميعاد:والله تجنن..ذوقها شي..الا قستي فستانك؟؟
..ايه قسته..ضابط..بس شوي طويل..اخاف بكره أطيح قدام خلق الله
جلست ميعاد على الكرسي اللي جنب السرير..وأخذت الشبس اللي على الكومدينه..تاكله:كل العروسات يخافوا يطيحوا..بس شكل مرح تطيح فيهم الا أنا
نهى وهي تطلع لها بجامه..عشان تاخذ شاور:اذا طحتي محد رح يلومك..من مشيتك العدله
قامت ميعاد لها..بس نهى راحت سحبت فوطتها من على الشماعه ودخلت الحمام
وقفت ميعاد على باب الحمام:نهى..متى بكره رح تروحي الكوافير؟؟
نهى :الساعه ثنتين الظهر..وترى باخذ معي جود
طلعت ميعاد من الغرفه بدون ما تقول شي..وما شافت لها شي تسويه..غير أنها تجلس عالنت
تبوا تتعرفوا علي؟؟؟

[جنون الذكريات]

انا ميعاد..صديقي الصدوق كمبيوتري ..وطول الوقت أعيش بين المنتديات..أسخر وأضحك..وأحاول اخرب المنتدى غصب..وكل القوانين الممنوعه أسويها..يمكن من الفراغ اللي أعيشه..بس خلاص هذا الشي صار جزء مني ما أقدر أستغني عنه..بس كل اللوم أحطه على نهى..ايه أختي وحبيبتي نهى..أخر حدث ممكن أتذكره..وهالشي بالنسبه لنا كان كبير..وكان رح يفرق بينا..مره من المرات..كنا مجتمعين أنا وبنات عمي..أنا ما تعودت اكون بلا جود..حتى صرت ما اعرف أروح مكان أو اسوي اي شي بدونها..في ذاك اليوم حسيت بالفراغ..لان جود لاهيه بنهى..نهى أيش تبي منها؟؟ما أعرف..دايم تجلس معها..مع ان فيه أحد في عمرها..ويهتم بأهتماماتها..بس شلكها تبيني أعيش لوحدي..وتاخذ جود
في ذيك الليله رجعت البيت..ورحت الى نهى في غرفتها..واللي زاد الطين بله..انها كمان تكلم جود
ميعاد:لو سمحتي قفلي السماعه أبي أتكلم معك
قفلت السماعه بملل..وحطت يدها على خدها بمعنى وش تبي..انا هنا ما قدرت امنع دمعتي أنها تنزل وصرخت فيها:أنتي وش تبي من جود..ليش تحرميني منها..أنا ما عندي غيرها..وانتي عندك كثير..ليش تحرميني من احلى شي في حياتي
ردت علي ببرود:ههههههههههه..من أخذها منك..هذا هي عندك
مسحت دموعي بكفي:أنتي ما تحسي..انا كيف أعيش..من لي؟؟..انتي ليش دايم تاخذي كل شي احبه
..والله هذي بنت عمي..مثل مو هي بنت عمك..واذا تبيها قولي لها..أنا مالي دخل

[جنون الذكريات]

ميعاد:شلون أقول لها..وهي كل ما جت تجلس معي أخذتيها..حتى ما تقولي تعالي معنا..كرهت اطلع من بيتنا منكم..أكرهكم كلكم
مسكتني من يدي..وطلعتني من الغرفه ببرود:شكرا..كلامك خليه لك..مو محتاجه له
سكرت الباب بوجهي..حسيت بغصه..جلست عند الباب وتربعت..وكأني مو لاقيه لي ملجأ..حطيت راسي عند الباب ودموعي تنزل بهدوء:هذي مو أختي..وما أبيها تكون اختي
هالكلام مو انا اللي قلته..هذي نهى..شكلها تكلم جود:ليش يا نهى تقولي عني كذا ليش؟؟دايم تجرحيني داااااااااااايم
فتحت الباب بقوه..ورحت عند نهى..سحبت الجوال من أذنها:تحبيها أكثر مني مو؟؟
جود :ميعاد غناتي وش فيك..أنا احبكم كلكم مثل بعض..وما أفرق بينكم في شي
رديت عليها بصراخ:بس أنا اللي أشوفه غير..تركتيني وانتي تدري ما اعرف أحد..وصرتي مع نهى مع انها أكبر منك بكذا سنه
حسيت ان جود تبكي:صدقيني..وغلاتكم عندي..أنكم نفس الشي..بس يمكن الظروف صارت كذا
هذاك اليوم.بسبب ضيقتي..امي حست فيني..كنا نشاهد تلفزيون وقتها:ميعاد وش جايك هالايام صايره هاديه..على غير الازم
ساعتها ما قدرت أخبي..اصلا ما عندي احد أشكي له..غير أمي..قلت لها كل الموضوع وبتفصيل الممل
..ووش رايكم ابعدها عنكم ثنتينكم..أنا بعد ما ارضى بناتي..يختلفوا مع بعض..وتصير علاقتهم كذا..عشان احد
..لا يمه ما عليك..وقت بس وبنسى الموضوع
أصلا ادري أن كلام أمي من ورى قلبها..لانها تحب جود وتعزها..بس ما تبي بناتها يصير فيهم شي عشان أي أحد..عشان كذا خلت الموضوع يمر وكأن شي لم يكن
ومع الوقت جود رجعت تتقرب مني..بس بعد كان النصيب لكبير الى نهى..فعشان كذا..اخذت الشاشه والكيبورد..صديق وحبيب لي..أعيش معه..وما يزعلني..لا تفهموني غلط..فأنا اعرف حدودي زين.وأبد ما فكرت اسوي شي مو مضبوط

[جنون الذكريات]

.........................
عنك اذا سألوني تفضحني بيك عيوني
الى اليوم واحنا بالسوق..والله تعبت:يالله يا امي..والله تعبت من كثر ما الف في السوق
أم ناصر وهي تأشر:بس هالمحل..يالله امشي
ضحكت..معقوله بعدين نهى بتسوي فيني كذا:يمه اخر محل زين..بكره الحفله..أبي أنام زين
رفعت أم ناصر يدها بين الخلق الرايحه والجايه:يارب أسمع دعاي..يارب أشوفهم مع بعض مثل الكناري..وتسعدهم ياربي
ابتسمت على كلامها..ودخلنا المحل..ومن بعدها رحنا مطعم..بس على حسب امي هههههههه..تقول ما تبي تشوفني بكره نهى مثل العصا..مع ان جسمي حلو..لا وعضلات..بس اللي مضايقني..بشرتي شوي سمرت..بسبب ظروف العمل..اللي تتطلب الوقوف تحت شمس الصيف المحرقه
أم ناصر وهي ماسكه الملعقه:الحين بس نطلع من المطعم..تروح الحلاق وتضبط عمرك
ناصر بمزح:ول ول يا امي..لدي الدرجه خايفه البنت تهرب من شكلي
أم ناصر:ويه بسم الله على ولدي..تحمد ربها شافت بحلاتك..والله مين يوقف جنبك
طلعنا من الطعام..واخذت أمي للبيب..وانا رحت صالون الحلاقه..لما كان الحلاق يخفف دقني مرت صور كثيره علي..واخرها صورت نهى بيوم التحليل(الفحص)
طولها حلو بس تميل شوي للقصر..وجسمها ضعيف مره..أحلى شي جذبني فيها حجابها..كان مرتب ومحتشم..والله اني ما دققت النظر>>خفت تفكروا فيني تفكير مو زين
بس كنت اسرق النظر شوي بس شوي والله..بس الحين أتوقع انه عادي..اتعزل أتوصف..وش اللي أبي أسوي..خلاص بكره نهى رح تصير زوجتي
في ذاك اليوم تمنيت يعطوني الأبره بدلها..لان سمعت من أبو محمد(أبوها)أنها من صغرها تخاف من شي أسمه أبره..بس يالله لازم تصير شجعها..وراها دنيا..وزوج وأولاد..ما وعيت الا على صوت الحلاق:نعيما
حطيت الفلوس على الطاوله وطلعت..يالله وين وداني تفكيري..ياخوفي بس ما يجيني نوم
...................

[جنون الذكريات]

في بيت أبو سعود
جات معهم هدى..بطلب من اخوها..أنها تغير جو..وخصوصا من بعد ما قست عليها الجده..وخلت أمور المطبخ والطبخ لها..أحسن من جلستها في الغرفه بدون شغله..يمكن الجده تبي مصلحتها..بس هذا الشي كسر خاطر أبو سعود
هدى:تدري يا الاء أني كل يوم أقطع البصل اللي ما أحبه..لين تدمع عيوني..ويدوخ راسي..والله الطبخ مسلي..بس البصل شي لا يطاق أبدا
الاء مبسوطه على عمتها..اللي صارت تحكي معهم أكثر:طيب..وش تعرفي تطبخي
هدى بفخر:كل اللي تبي أسوي..كبسه..برياني..كل شي
الاء:زين عمه..ممكن أسأل شي يدور في بالي دووم؟؟
هدى حست أن هالموضوع.شي ما تقدر تتكلم عنه..عشان كذا لا أرادي صرخت فيها:لا مو ممكن..ولا أشوفك مره ثانيه تحاولي تسألي شي زي كذا
راحت هدى على منامها الارضي ..الي تنام عليه عادة لما تجي هنا..في غرفه جود
جود على لاب توبها أبتسمت الى عمتها:نعستي؟؟
انسدحت هدى على المنام..وغطت وجها بين يديها..ورجعت شالتهم بتنهيده:لا والله بس مليت شوي..انتي وش تسوي على هالاب
جاوبتها جود من بين انغمسها في فكره القصه اللي تكتبها:أبدا..بس أكتب روايه..وأعرضها في احد المنتديات(ورفعت كتوفها)يعني..انمي موهبتي
جاها رد عمتها مفاجأ وأبد ما توقعته:انتي غامضه..أنسان مخفيه وراء أسوار كثيره..سمعت من نهى..ان مافيه احد مثلك..وشخصيتك بالمره حلوه..بس أنا ما أشوف منها غير الهدوء
قفلت ملف الورد بعد ما حفظ اللي كتبته..وسكرت الاب:أنا مافيه أوضح مني..شفتي(وهي تأشر على شكلها بالمراه)هذي جود..كلها..مافيه شي مخفي

[جنون الذكريات]

جلست هدى متربعه على السرير وكأنها تحمست لطرح الاسئله على جود:زين بسألك سؤال..وردي علي بصراحه؟؟أنتي ما تحبي؟؟؟
فهمت جود قصدها بس جاوبت بطريقه فكاهيه متعلمتها من صديقاتها بالمدرسه:الا..احب ماما وبابا واخواتي وعمتي هدى القمر
هدى:جود انا جد اتكلم
راحت جود الى سريرها ونامت على بطنها:طيب لاني ما أحب الف وأدور رح أقولك ..جد..جد..جد..انا ما في قلبي أنسان بمعنى الحب اللي تقولي عنه..هههههههههههه..تدري من أول ..لما كنا صغار..كنت أنا وميعاد هبلان بجد..كانت هي تقول تحب وسام..وأنا أحب وائل..بس صدقيني ..الحين ما نكن لهم غير شعور الاخوه..أما الحب اللي تقصديه أبد..مو في بالي
لفت هدى على الجنب اللي منه ما تشوف جود:مافيه أنسان ما يمر في هذي المرحله..وانا أعرف مين تحبي..ممكن تطفي النور..بنام
قامت جود من سريرها بأستغراب..هو الانسان لازم يحب..لو يكون كذاب..أنا أتكلم بجد..مو ضروري البنت والولد يحبوا..يمكن يكون في حياتهم أشخاص..وأهل..يخلوا هذا النوع من الحب بعيد..لانهم حاصلين على حب كبير..وحياتهم مليانه..بناس مافيه أحلى منهم
طفت النور وطلعت من الغرفه..شافت الاء قدامها على الدرج
جود بهمس:عمتي..الحمدلله والشكر مدري وش جايها!!!!
الاء وهي تأشر على أحد الدرجات:جلسي بس..حتى انا أكلمها الا هبت فيني بدون سبب
جود:أنا ايش تقولي..تقولي تحبي..وأنا أعرف منو
وصلهم صوت صراخ ايمان..الاء بملل:ما عليك منها.روحي بس فكي عبود من ايمان..لا يقوم أبوي من نومه
جود:ما علي منهم..خل يتذابحوا
طلع سعود من غرفته..وشكله جالس من النوم على صراخهم..شعره مبهذل..وعيون مفتحه وثانيه مسكره..وجه لهم الكلام بعصبيه:هي أنتوا يالتحف..كل هالصراخ وما تسمعوا..عساكم الصنج..انتوا وهم
جود بقهر:وأحنا وش لنا دخل..روح لهم هم وصرخ..والله أبتلشنا
رجع الغرفه بعد ما هدأ الصوت..الا من أنين عبود:مالت على اللي يكلمكم..كل ما كبروا خرفوا هالبنات
الاء تهمس:أنا ابي متى يتزوج ..عشان أسم مرته بالكلام..اللي دايم يسمنا فيه
وقفت جود وهي تنزل بلوزتها الرماديه:قومي بس..خل نروح ننظف المطبخ..الشغاله صار لها يومين مسخنه..لا يجينا بعد تهزئ من أمي
سحبت الاء يد جود بترجي:جود انا أحبك..خلي كل شي علي..بس أنتي نظفي المواعين
سحبت جود يدها ونزلت الدرج بسرعه:يصير خير
........................

[جنون الذكريات]

في بيت أبو وسام
وين ما كان وسام وفراس ووائل ومحمد متجمعين..في ذاك المجلس الفخم بأثاثه..النور طافي..وصحون المكسرات والببسي حوالينهم..العيون كلها تناظر المشاهد من الفلم المرعب على شاشه البلازما
وائل وهو مشغول بصحن المكسرات اللي على حضنه:ااااااااف غيروا الفلم..كم مره قلت لكم ماحب المرعب
لف سامر وجه:وش تبينا يعني نحط(وقال وهو يقلد صوته)رومنسي مثلا
وائل بقرف..يبعد صحن المكسرات:مالت عليك زين كذا..والا شوف ذا(يقصد فراس)أحد يشاهد فلم مرعب وينام
محمد بمسخره:أقول يا سمووور..غير الفلم..اخاف الولد(يقصد وائل)من الخوف ما عاد ينام الليله..عاد البارح دخلت عليه الغرفه وهو مسكين يبكي من الخوف..عاد انا نيمته وطلعت
دقت ورد(الشغاله)الباب
وسام:تعالي ورد وش تبي
فتحت ورد الباب وهي منزله عيونها للارض>>تسوي مستحيه هههه:أم محمد أتصل تلفون..يقول لازم محمد وائل روح ركب انوار
طق محمد جبهته:يوووووووه شلون نسيت انا..الله يغربلك يا سمور انت وأفلامك..قومو قومو بس يا شباب نروح نركب أنوار حق بكره
وسام يأشر الى ورد تطلع:ليش ما تخلوها للعرس أزين
وائل يوقف ويشغل أنوار المجلس:أبوي يقول هذي أول فرحه له..يبي البيت ينور
راح وسام عند فراس المنسدح في نص المجلس:فراس..فراس..فراس(ضربه على جبهته)قوم يابو الهول
أبعده فراس:اااااااااف منك..انت ما تعرف تصحي بطريقه أزين من كذا
تقرب له وسام مره ثانيه:وهذي بوسه بعد..يالله قوم..بروح بيت عمي نركب الانوار
فرك عيونه وقام بعدهم
في الصاله..أبو سامر ومرته
جالسين حول القهوه والشاهي..وفجر تاكل دانت بالشكولاته
فجر ومهي متالذذه بالطعم:يبه متى بتزوج وسام؟؟ابي عرس في بيتنا
أبو وسام يسخر:عرسي أنتي..ويصير عندنا عرس
أم وسام بجديه:لا والله خلها بعد كم سنه معاي..مقدر تروح عني..وتخليني بالبيت لوحدي
أبو وسام يغمز:وين رحت انا..واذا يعني ما عجبتك..أن شاء الله نزوج وسام ويصير معك

[جنون الذكريات]

أم وسام:أن شاء الله..الا فجر كلمتي بنت عمك..شفتي وش محتاجه
فجر بحماس تركت اللي بيدها..وصارت تتكلم وهي تحرك يدينها>>هذي عادتها:ايه كلمتها..مو محتاجه شي..وبكره بتاخذ معها الكوافير اختها وجود
أبو وسام من بين تثاؤبه:الله يوفقها ان شاء الله..يالله أنا اسئذن ..تصبحوا على خير
أم وسام وفجر في وقت واحد:وأنت من أهل الخير
قربت فجر من امها وحطت يدها على فخذ امها:يمه ههههههههه..شلون بكره زوج نهى رح يشوفها..وهو قد شاف وائل من قبل
ام وسام شالت يد فجر:والله أن عظامك يألم..وبعدين وش يصير اذا شاف وائل
فجر بضحك:لا أقصد على انهم توم..بفكر أنه وائل ملبسينه ههههههههههههه
ام سامر:يا مسخك..(وحطت صبعها على خدها بتفكير).. اصلا مو مره يتشابهون..ميعاد كم عمرها؟؟
وقفت فجر وهي تسمع جوالها يرن في الصاله الثانيه:ليش؟؟توها متخرجه..يعني 18 يمكن
أشرت لها أم وسام تجلس:خليه لبعدين.جلسي بقولك..وش رأيك نخطب ميعاد لوسام..صراحه أبوك ما وده نطلع براا العائله..وانا أشوف ميعاد نعومه وحلوه
هزت فجر رأسها بالنفي:يمه ما تصلح له..الاثنين طبعهم غير
ام وسام:والله على أيامنا ما قالوا لنا طبع ولا هالخرابيط..جابوني على عماي..لين ما تأقلمنا على بعض
رجعت فجر وقف:يمه انا بروح أشوف من يدق..وبعدين وقتنا غير وقتكم..شيلي هالفكره من راسك
..............................