امثال خليجيه قديمه بس بتحبوها

[ارسم العشق]

امثال خليجيه :
· · أبو طبيع ما يجوز من طبعه
· · إذا بغيت صاحبك دوم حاسبه كل يوم
· · إذا حبتك عيني ما ضامك الدهر
· · إذا صار رفيجك حلو لا تاكله كله
· · إذا طاح الجمل كثرت سكاكينه
· · إذا طبع دوس على تريجه
· · إسأل مجرب ولا تسأل طبيب
· · إش حادك يا مسمار ؟ قال المطرقه
· · إصرف ما في الجيب يأتيك ما في الغيب
· · أضبط من ساعة الملا
· · اقبض من دبش
· · أقضب مجنونك لا يجيك أجن منه
· · إكل اللي يعجبك وإلبس اللي يعجب الناس
· · إما طلعه ولا طبعه
· · إنطر يا حمار لما يجيك الربيع
· · إنفخ يا شريم قال ماكو برطم
· · الباب اللي يجيك منه الريح سده وإستريح
· · بات مظلوم ولا تبات ظالم
· · بغاها طرب صارت نشب
· · بغى يكحلها عماها
· · تجيك التهايم وإنت نايم
· · ثوب أطول منك يعتك
· · جارك ثم دارك
· · حاميها حراميها
· · خبز خبزتيه يا الرفله إكليه
· · دابة الله بأرض الله
· · شبعونا طراقات وشبعناهم شتايم
· · طارت الطيور بأرزاقها
· · عومه مأكوله ومذمومه
· · فال الله ولا فالك
· · قراقيع صيف
· · كثر الدق يفك اللحام
· · اللي بالجدر يطلعه الملاس
· · اللي ما يستحي منك لا تستحي منه
· · اللي ما يطول العنب يقول حامض
· · اللي ما يطيع يضيع
· · اللي ما يعرف الصقر يشويه
· · اللي ماله أول ماله تالي
· · اللي مو على دينك ما يعينك
· · اللي هذا أوله ينعاف تاليه
· · اللي يجي من الله حياه الله
· · ما تعينك إلا يمينك
· · مخروش طاح بكروش
· · نصيبك يصيبك
· · الوجه من الوجه أبيض
· يمدح السوق من ربح فيه

نتمنى انها عجبتكم

[أبو سلطان]

الأخت ارسم العشق السلام عليكم

الحقيقة أمثال و لا أحلى و أكثر ما حبيت فيهم (أبو اطبيع ما يجوز من طبعه)

تشكري