ذكريات من جيلي ..

[Princess]

مرحبا..
يعطيكم الف عافيه..

ياحبي للذكريات القديمه..
فتحت هالمتصفح واتمنى تشاركوني ذكرياتكم او تعليقاتكم..

خبركم الجيل = تقريبا 30 سنه...

طبعا الذكريات مسموح يحط العضو ذكرياته اذا كان من جيلي << تحيز
يعني من مواليد 1407 فما اقل ..
اكثر من هيك..
يعلق و اكون له شاكره..

طبعا الذكريات بتكون في كل شي..
اجهزه _ اكل _ اغراض _ كراتين_ العاب _ مسلسلات... اييي شييييي قديم ... ابدي وياكم اول الذكريات...

--------------------------
فلم كرتوووني المفضل
توووم سوووير خفيف هالدم

--------------------------

سنانوه فقيل هالدم ههههههههههه يعل قلبي كل يوم نفس القصه صخله ضايعه امها تيس يدور على ابوه .. انا لله وتاليتها.. !!

--------------------------

ههااااي الحصن.. << افادي اروح وياهم والعب..

--------------------------

فلووونه الحلووه.. يقولو الحين يجيبوها في سبيس تون..

--------------------------

مسلسل علاء الدين القديم...

--------------------------

النينجا كبامارو

--------------------------

شاركوني ولي رجعه مع ذكريات بشكل اخر..

دمتم بخير
وبحفظ الرحمن

[أُخرىْ]

بما اني المفروض ازعل..حرام ارتفعي شوي..
قولي مواليد 1408 هـ يسدحوا الذكريات..
مو تحبطيني..
الصراحه موضوع خطير..بس توقعتك
تجيبين طاري هايدي..>>احبها لاني
بين السهول والتلال.. تحت النجوم والهلال..عبر الطبيعه والجمال..حكايه تشابه الخيال..حكايه بنت اسمها هايدي ...
>> استرجعت الاغنيه على طول ماصدقت
..المهم..مشكوره عالموضوع
وإن شاء الله نشوف ذكريات الاعضاء.. وإن شاء الله مايحسروني
على شي ماعاصرته...اتحسر وازعل بعدين ..
تحيااااااااااتي

[آخر شقآوهـ ..~]

أحم صحيح أن أني من موآليــد 1412هـ
بس ديلين متآبعتنهم ..
لكن بحترم شرطك لآنك تستآهلين الأحترآم فديييتك
سنآن أني أحبه .. وسنــآن يآسنآن
عآد تصدقي أميــروه من كم يوم بس الصبآح كنآ جآلسين أني وأختي وأمي وأبوي وأخويي أبو شرين
الموهم .. أبويي كآن يغير يبغى يحط الجزيره العفنه وهوه يفرفر أمي أنتبهت إلى كرآتين
مآشوفها الا هيه تضحك وتقوول فلوونه حط الكرآتين بنشآهده وتخليني أمووت ضحك
فلونه أم حوآجب ..<<مآسميها الا كده
والحصن ليه دكريآت بعد ..
أدكر أقعد من النووم الصبح من صبآح الله خير تقولي منبهه على رزقي بس عشآن أشآهده <<<وتفآعل بعد وياهم
^
^
هدرة مخلوقه توهآ جآلسه من النوم هع
ننتظر ذكـــريآتك حبيبتي ..
تسلمين قلبو ع الموضوع الحلو
ربي يعطيك الف عآفيه
لآعدمنآ جديدك يآرب
تحيآتي..ضحكوه البطه

[الــــنـــاري]

موضوع حلوة خيتو
وفكرة احلى طبعاً
بس الشرط يبي له تخفيض
يعني 1408
سنة وحدة ماتفرق
ونشاء الله بعد كم يوم بس نغير الاتصال راح احط ليكم حاجات قديمة
حتى لو من في نفس هذا الموضوع
بالمختصر اغاني الكراتين القديمة
بحاول اني ارفعها ليكم

>> يلا انشب وبلا هدرة
<< زين زين يلا باي
الى اللقاء

[Princess]

مرحبا
ههههههههههههه ويلي عليكم
بسومه لا تستعجلي مشوارنا طويل و اكيد لهايدي و بيتر نصيب ...
ضحوكه فديتش وفديت هالذوووق نورتي يالغلا .. هههههههه ابو شرين ضحكتيني لا يكون ابو المرح ابو جمال والحين شرين مصيبه ههههههههه ,,<< ويش عليش انتين
النااااري بنتظار اغاني الكراتين لا خلا ولا عدم والله تسلم.. هههههههه كلكم تبغو تخفيض .. اوكي..
المشكله مابغى اخفض وايد
طيب باقول من 1410 ونازل
بشرط يذكر المشترك سنة ولادته..
يللا وروني تفاعلكم...
.
.
.
.

كلااااام سليم وكلام ذهب.. كلووو لطافه وعقل و أدب
والى اللقاء يا اصدقاائي
تابعو معنا قصتنا
مع هايدي حبيبتنا..
هايدي الجميله
هايدي الأمينه مدري ويه هههههه
هايدي اليتيمه.. << اغنية النهايه..
هههههههههه عن نفسي ما اميل للكراتين البناتيه وايد
زي ليدي و سالي وغيرهم .. احسهم دلاليع <<

ريمي الولد..

عدنااان ولينا... << احبه وااااايد

كرتون الفاهمين الشاطرين العاقلين هههههههههه لبيبه..(( اسألو لبيبة))

يللا ابغى تفاعل ولي رجعه..
الموضوع متجدد..

دمتم بخير
وبحفظ الرحمن

[ارسم العشق]

ا قديمك نديمك اني من مواليد 1407 طبعا من عمرك

[RamSia]

الحمد لله انه طلعت من القديمين هههه
انا من مواليد 1405 بشهر ذو الحجة تحديدا << اوبس والله و كبرنا ( نعد الليالي والليالي تعدنا ... العمر يمضي والليالي بزايدِ)

جني هذرت وايد
عاد انا عندي ملف اسمه قديمك نديمك يذكرني بأيام اول






هاي صورة وبس يصلح النت العربي المحترم راح احاول احمل كم صورة بعد

[مريم المقدسة]

دكرتينا بالايام الحلوة واحلى ايام حياتى
كنا نستنا عند التلفزيون لما يطلعوا ايام
احلى من كراتين الحين البايخة
احين من شفت الصور ما تحملت ما ارد لكن اناشاء اللة ادور لكى صور واحطهم
تحياتى

[عوامية صفوانية]

اهلين اميرة

اول ما شفت الموضوع قلت هالبنت حط صور رحلتها للمدينة المنورة

وبعد ما قريت قلت ...
اشوى اني شملني العرض قصدي من الجيل اللي طلبتيه

احم احم اني من مواليد 1401 هـ يا قديمة كح كح جبت ليكم الغبرة هههههه

واني قاعده اتذكر ذكرياتي القديمة المغبرة وشان اقول احط اليهم صورة اسنكرز قلت لا لا لا هذا مو قديم
قلت احط ليكم صورة كندر الغالي قلت لا وألف لا هذا جديد مو قديم

وتالي بعد التفكير (( يا زعم تفكيري خخخخ ))
احط لكم صورة قديمة مغبرة والله يساعدكم على السعله اللي بجيكم خخخخ



وما اتوقع ما حد ضاقه

البسكويت اللي قمنا اناكله عشان انجمع صوره هههههه





ان شاء الله يعجبش خيتو هههه

[أُخرىْ]

بما ان عطونا التصريح في الكتابهـ... << ماصدقت..
قبل كم يوم كنت اسولف انا وصديقتي عن بعض الالعاب..ههههه قعدنا نسترجع بس طبعاً نسترجع
ذكريات نااقصهـ.. كأننا كبار مررهـ..نسينا بسرعهـ..
بس بذكر لكم كم لعبهـ..

فيه لعبهـ كان اسمها ( يافاطمهـ ياعائشهـ ) هع هع...
كنا نجتمع كلنا البنات ونمسك بعض ونسوي شكل نصف دائره..C واللي عالاطراف وحده منهم عائشه والثانيه فاطمهـ..<<طبعاً انا ماارضى الا اكون فاطمه
ويبدأ الحوار بين اللي في الطرفين
عائشه: يافاطمه
فاطمه : ياعائشه
عائشه: ايش تشربي
فاطمه: ماء الهنا
عائشه: ايش تاكلي
فاطمه: حبة ذره
عائشه: عندك عروسه
فاطمه: ايه عندي
عائشه: ايش اسمها
فاطمه: ( .....) اي بنت
وهالعروس نلفها يعني تعطينا ظهرها وايدها ملفوفه يعني يمينها في ايد البنت اللي واقفه عاليسار..ويسارها في ايد اللي عاليمين>> فهمتوا علي..
..ونعيد الاغنيه لين الكل يلف حتى فاطمه وعائشه.. وبعدين اذا لفوا عائشه وفاطمه يمسكوا ايد بعض..
>>> تعبت وانا استرجع الذكريات.. وشكلها ذكريات ناقصه بعد تعرفون من الزمان الاغبر..
...
وفيهـ الخِـطهـ.. لاحد يقول مايعرفها.. عاد مو عارفه اشرحها
بس عشان لايصير لبس عند احد.. اقصد اللي نرسم عالارض بالطبشور ونسوي 3 مربعات عموديه
وفوقهم مستطيلين افقيين وبعدين فوق المستطيلين مربع واحد وبعده مستطيلين..ونرمي ( الحِلْ)..* الحجر اللي نستخدمه في اللعبه*.. ونرقم المربعات ونرمي الحِل وننط.. واهم شي الحجر ينرمي في مكانه المطلوب ومايلامس حدود المربع.. ولو غلطنا للي يلعب معنا يجي دوره...

لعبة نط الحبل ( شبرا امرا)
من الاسم معروفه.. وكل الشعب يلعبها.. عاد انا كنت اموت عليها بس العبها بطريقتي الخاصه
كنت ارفع رجول قبل الثانيه بس كنت انط المهم..
يعني امسك الحبل وانط واقول ( شبرا امرا شمس نجوم كواكب هوا لعب استوا )
او كنا نلعب جماعه 2 يمسكون الحبل من الاطراف ووحده تنط واحنا نغني


جاااااري إسترجاع ذكرياتنا ترى صج صايره انسى..
انا حتى الاونو نسيت كيف يلعبونها.. لعبت مع بنات خالتو..وكل شوي اسئل وش اسوي..!!
...
أتمنى فهمتوا شي من ذكرياتي القديمهـ
اميروا.. انا ذكرت سنة ولادتي بس عادي اعيده,, واستنى الهديه بعد..
وللمره المليون انا من مواليد 1408.. بالتحديد 10\ ربيع اول\1408هـ كل يوم عيد ميلادي

[آخر شقآوهـ ..~]

يــــــــــــــــآآي ونآآآسه بآلقـــوهـ..
ذكـــريآتكم فلته
بسمه.. دكرتيني بأيآم إبتـــدآئي كنت ألعبها أني وخويـــآتي هع هع هع..
بس ليها تكمله ..
بعدين البنآت الثنتين (فآطمة وعآئشه) يقومو وحده منهم تفلص البنات والثانيه تضرب
ويسألو البنآت إذآ جآوبو صح يدخلو الجنه واللي تجآوب غلط تدخل النآر<<<الله المعين

بانتـــظآر ذكــريآتكم ..
ربي يعطيكم الف عافيه
تحيآتون..ضحكوه البطه

[sweetsoul]

ياي وناسة ذكريات الاولى اشوه اني من المشمولين لا اتحسر
يعني من مواليد 1408
اذكر ايام الاجازة نقعد من صباح الله تقعد ننتظر ديك الكراتين في البحرين ونستمل واحنا نتتظر وقمة القهر عاااااااااد اذا قطعوا الكرتون علشان اخبار ( زي السعودية مثلاً)
بس مافي احلى من ايام الاولى مو زي الحين الكراتين بايخة ومدلعين بعد في كل الاوقات كراتين حتى في الليل
واكل الاولى لديذذذذذذذذذ
اخليكم وي الصور <<<<< اتحسروا شوي

هدا الجلو طبعا الى الحين موجود ( يمي يمي اموت فيه الى الحين وساعات اجمده بعد)

عااااااد هذا الايسكريم نروح البقالة البعيدة عن بيتنا علشان بس نشتريه

وهذا الحلاوه مررررررررره كشخة احلى شي لكن الوردي والاحمر
اني ما احب الموز اخلي الموز بعدين اعطي اي واحد من اخواتي ياكلوه

وهدي لعبة العائلة ما انساها الا جمعت خرجيتي علشان اشتريها
اذكر كانت 120 قيمتها
جمعت 100 ريال كنت عفر في ثالث ابتدائي وطبعا بالنسبة الينا في داك الوقت 100 واجد
وبقى عليي 20 ريال
قام اخويي قال اليي ويش رايك اشترك وياك
طبعا هو دفع 20 ريال واني 100 لعب عليي مو <<<< مستعجلة البنية تمبى تشتريها لان
ولايفوتكم بعد كان هو اكثر مني يلعب

بس وناسة ان انتين نشتري شي من مصروفش
وكان احلى لعبة بالنسبة اليي ماريو وميكي ماوس

ما ريوووووووووو ......
فله الفطره
بس من جد كنا نوصل فيه لين الأميرة .. وكنا لما نوصل للعلم نحاول ننط من فوقه كننا فنانين

واعفن لعبة كانت الكابتن ماجد لان اخويي كان كل يلعبه وعاد اني اقعد انتظر لين يجي دوري وما افهم في شي

بس خلاص واجد عليي اخلي الباقي الى الاعضاء
ماقصرتي صراحة اميرةالمرح على الفكرة الكشخه

تحياتي sweet soul

[Princess]

هههههههههههههههههه
حركتااات بركااات ياعيني عالذكريات..

ارسم العشق .. ماني قادره على جحا وحماره ,, ليدي ما احبهاا سبحان الله.. ترفع ضغطي مادري لويه.. تسلمي ..

Ramsia تسلمي على هالذكرى.. للحين متواجده .. يدور راسي ريحته.. ما نسميه الا علوش ابو قطو..

مريم المقدسه. الله يحلي ايامش خيه ويخليش . صدقتي .. وع على كراتين الحين.. خرررطي... ننتظر مشاركاتش ..

عواميه صفوانيه.. فديييييت لولو وبسكوت لولو .. لذيييييذ
من كم يوم اقول لوحده من خوياتي باموت افادي فيه.. ههههههههه اكلت من وراه دست ايام الطفوله.. الصق طبعاته على سريري وطبعا اذا قبعتيها يظل الأثر .,, ويللا عاد فركي ونظفي..
تسلمي ولا خلا ولا عدم..

بسمه.. ياهلا وغلا.. ودوم ربي يبرد قلبش.. ههههههههههه يافاطمه ياعائشه.. والله ذكريات.. والخطه بلهجتنا نسميها التخته.. و شبرا امرا.. والله العاااب..

لا تنسي فتحي يااااااورده...

و الأونو.. احم اني بعد ترى نسيت كيف يلعبوها..
تسلمي ...

ضحوكه.. دووم هالضحكه غناتي .. زورينا كل يوم بس بدون فلاليص.... لا خلا ولا عدم...

sweetsoul هههههههههه خوش اكلات .. عاد الجلو من يوم يومي ما احبه.. الأيس كريم فللللللته.. والحلاوه افلت << ويش افلت بعد..
الأتاري وماريو.. ماكان في احد فن زيي في ماريو هههههههههه لو تعطيني اليده الحين ماعرف العب شي ..
كابتن ماجد .. هههههههههههههههه ويع.. اخر لعبه نفتحها.. اذا جو خوالي بيتنا اقعد مبرطمه يستلمو الأتاري ومافي الا كابتن ماجد زي اخوش هههههههههههه ابو 20 ماني قادره عليه.. تسلمي والله

نورتو وياهلا..

لي رجعه قريبه ان شالله بالجديد من الذكريات

دمتم بخير
وبحفظ الرحمن.

[الــــنـــاري]

زين شملنا العفو
مو زي علي مسكين >> متاثر بالقصة
خخخخخخخخخ

[أُخرىْ]

بومبو..<<كنت اموت فيها.. حتى كنت اتمنى أن سيارتنا تتكلم

عااااد انا اكره الكوره.. بس كنت اموت بكابتن رابح..>> تـصدقون إني كنت أقول أنه زوجــي.. كنت خاطبتنه لي وكابتن ماجد لبنت عمتي..


.. كعبول.. >> ذكرياااات <<


طمطووم...وابطال الروضه الخضراء<< مره عادووه وانا كبيره ورجعت شاهدته


ساسوكي..

روبن هود.. ..هالشهم صج كنت احبه

نوار.. كنت احبها وايد..<< حتى اذا قالوا لي شسمك اقول ... نوار خخخ



جوودي ابوت..(صاحب الظل الطويل).. ياحلاتها.. احلى كرتون..<< فيه وحده معانا في المدرسه نفس الشعر الواقف..مااذكر اني تعرفت على اسمها الحقيقي لاننا كنا نسميها جوودي ابوت
...
ذكريات,, مسلسلات الكرتون صحيح باااقي كثير..
أنا اتذكر مع خواتي,, وأقول الله يرحم ايام قبل
صج ذكريات..

الضحكه البريئه / آآآآآآآآآي ذكرتينا بالفلاليص .. قلت لصديقتي اللعبه تقول كيف نسيتي الفلاليص لهالدرجه ماحسيتي فيهم لما تلعبيها قبل..
مشكوووره لانش كملتي اللعبه الخطيره,, صج كانت لعبة داهيه حتى عائشه وفاطمه والجنه والنار دخلناهم في لعبنا
أميرة المرح..ههههههههههه لامانسيت فتحي ياورده سكري ياورده..هنا ورده.. هنا كيس مليان دبابيس والقصه من قدام والكعكه من ورا ياعيني عالفستان مكشكش من ورا..
حتى انا ماحب سالي مو لانها دلووعه..( بس قلبي رهيف ومااقدر على الظلم)
اما ليدي.. صج ماحبها لانها دلووووووووعه بزياده
الله يسلمك غناتو.. بس تراني كل يوم زايره الصفحه
بتزهقين من شيفتي..