مرحبا ملايين
وياهلا وغلا
سويت اليوم حلى السنكرز انما ايه اذا ذقتوه بتكرهو السنكرز مال السوق
المقادير :
باكيت ونصف بسكوت اولكر
بيضتين
ربع كوب حليب محلى نستله
ربع كوب سكر بني
50 جم زبده غير مملحه
فنجانين زبدة فول سوداني
300 جرام لوح شوكولاته
الطريقه
الطبقه الاولى
باكيت ونص بسكوت اولكر+ملعقتين بودرة كاكاو
زبده سايحه كميه تكفي لعمل عجينه من البسكوت المطحون ..
نطحن البسكوت ونخلطه مع الزبده السايحه+الكاكاو ونكون عجينه نقدر نمدها في قالب..
نحضر قالب ونمد عليه ورق شمع او ورق زبده عشان ماتلزق العجينه ونقدر نطلعها بسهوله ..
نمدها في قالب ..وندخلها الثلاجه ونحضر الطبقه الثانيه..
الطبقه الثانيه
نجيب وعاء ونحط السكرالبني+الزبده ونخفق بالخفاق لين يندمج السكر مع الزبده
وهذا بعد مااندمج
وبعدها نضيف الحليب المحلى+زبدة الفول السوداني+البيض وملعقة فانيليا
نخفقهم زين لين يستوي جذيه
ونصبه على الطبقه الاولى وندخلها الفرن 15 دقيقه او لين يحمر الوجه
وهذي صورتها بعد ماطلعناها من الفرن
ونخليها تبرد تمااااااااما
والحين نحضر الطبقه الاخيره ..
كوب كريمه +300 غرام لوح شوكولاته مبشور او مقطع قطع صغير كالتالي
هذا نوع الكريمه اللي استخدمتها وايد حلوه وممتااااااااااازه للحلويات ونباتيه بس لذيييذه يم يم
نسخن الكريمه عالنار ويوم تسخن نضيف الشوكولاته ونخلط لين تذوب ويكثف نطفي النار
ونخليها تبرد
وهذا بعد ماذابت الشوكولا يم يم
ونخليها لين تبرد شوي
ونصبها فوق الطبقه الثانيه كطبقه اخيره وندخلها الثلاجه عالاقل ساعتين او 3 لين تجمد طبقة الشوكولاته تماما عشان نقدر نقطعها
وبعد ماتبرد تماما نطلعها من الثلاجه ونطلعها من القالب ..نمسك اطراف الورق الشمعي ونطلع الحلى ونحطه في صينيه كبيره عشان نقطعه
وهذا شكلها بعد ماطلعتها من القالب
والحين نقطعها قطع متساويه او على حسب ذوقج
شكلها وطعمها روعه
وبعد التقطيع رجعنها في الثلاجه لمده 10 دقايق او 15 دقيقه قبل التقديم احلى بارده
وبألف عآفيه ع قلوبكم
.............................................
ان شآء الله عجبكم
تحيآتي
منقول لعيونكم
رد مع اقتباس
المفضلات