بسم الله الرحمن الرحيم
الصراحه احس جد جد .. جد جد احس بمعنى كلمة السخف اهاهههاه
ايوه احس كدة وانا ابكتبللكم عن الإستجواب الصغنون اللي سويتوا مع " دانة "
بس انا وعدتكم انو اكتبللكم إجاباتها زي ما هي وبدون أي تعديل أو تغيير مني
بس يعني امكن بالنهاية حرام علي اقول كلمة سخيف
عشانو يعني كدة هرجهم الأطفال اهاههاه
بس الصراحه كتمت ضحكات قويه كانت بداخلي
وانا بكلمها
واول ما قفلت السماعة وانهيت المكالمه انفجرت ضحك
وضحكت اكتر واكتر وانا اتخيل انو اكتبللكم الكلام هنا
طيب اتصلت انا عليهم هناك بالمدينة وكانت هي اللي ردت علي نفسها " دانة الصغيرة "
نسوي " كت " للكلام اللي اول خمس دقايق بسألها عن حالها وعن المدرسه
ملاحظة الكلام بين علامات الإقتباس هو كلامي أنا حبيت أفصله عن كلامها هي
وكمان راعيت أنو أحط نقاط " ... " تعبير عن لحظات الصمت اللي كانت تصمتها هي ..
وكل ما كان عدد النقط اكبر كل مان الصمت أطول
=======================
الأسئلة :
1/ وشو تسوي إذا صرت/ي فآضي / هـ ؟
أسوي أي شيء ... لو دحين أنتي خلاص خلصتي معي أسوي أي شيء ... أشاهد مدري ايش اسوي اي شيء
إذا خلصت المذاكرة
" مسكينه - والكلام لي دحين - تفتكر بعقلها الطفولي انو خلاص هادا هو السؤال وكل شيء وماكان ببالها انو راح نطول ونطول ونطول "
2 / لو فزت/ي بـ 1000ريآل وش تسوي فيها ؟
إذا فزت ... " طلعت منها نغمه طفولية ياعيني عليها تجنن والله مره "
بعدها قالت : امممم " اصبروا راح تطلع كتير الـ ممم هادي " .. " وسكتت شويا " ...وقالت : اشتريللي أشياء حقي " هاهاهاهاه "
3 / وين ودك تسآفر/ي في الاجازه؟
في الإجازة ؟ " كدة تكرر سؤالي وبلهجتها الطفوليه الممطوطه الحلوووه "
في الإجازة ... أبغى .. أبغى .. ابغى اروح لمكه أو سوريا .. " سكتت شويا " .. أو ايران ...
4 / لو صرت/ي مدير/ة مدرسة وش بتسوي ؟
" أو ل شيء قالت " : ايش " بعدين قالت " مديرة مدرسة ؟ طبعا اتعودوا انتوا منها خلاص انها دايما تكرر سؤالي وبطريقتها هي ، وياحليلها صوتها الطفولي بيجنن وهي تقولها "
" وبعدين قالت بعد ما فكرت وكل شوي تقول : ممممممم
قالت : مدري إسأليني هادا السؤال آخر سؤال قولي كل الأسئلة وبعدين أجاوبك عليه بالأخير ها ؟! مديره
5 / تحبني يآ........ ؟ طيب ليش؟؟
ايوه ... بحبك ِ .. لأنو .. لأنو .. لأنو فيكي أشياء كتيرة بحبها .. لأنو أنتي بتقوليلي حكايات وقصص كتيره إذا جيتي عندنا .. ولانو تخليني أشوف توم وجيري ... ممممممم....مممممممم....ندري .....مابغى ...استحي مابغى أقول
" كدة بالضبط جاوبتني "
6 / وش تعرف/ي عن :
الأنسولين:
ها ؟ ! إيش أنسولين ....... مابعرف يعني ايش انسولين
" جلست اشرحللها "
فقالت : أنا يعني إذا كنت مريضه أروح للمستشفى ويدولي " يعني يعطوني " إبرة إش أستفيد من المستشفى .. ها ؟ .. ها ؟ يعني كدة ؟
هنا حسيت انو صوتها مره واضح في أذني عشانها قربت السماعه من فمها
وسألتني : أنتي ايش جالسه بتكتبي .. " أكيد سمعت صوت الكتابة لأنو كنت مجهزة قلم وورقة وبكتب كل كلماتها زي ما هي بالضبط
الإنترنت :
عن الإرترنت ! ... " هههاه كدة نطقتها "
بعدين قالت : مممممم 
...... دقيقة ..... مدري ... دقيقة
" جلست تفكر وتفكر بعدين طلع منها صوت زي النعاس من التفكير والله سمعته هذا الصوت بوضوح في أذني في السماعه وبغيت اضحك بقوه بس ربنا ستر وقدرت انو اكتم ضحكتي 
"
والمهم أنا إنتقلت للسؤال اللي بعدو
مجلس الشورى :
مممممم..... يعني ايش مجلس الشورى ؟
....مممم...ها ! ... ايش .... مابعرفوا
الإتيكيت :
ايش هو الاتيكيت ....!!!
" قلت لها دانة أنا اللي بتسألك ِ دحين وأنتي اللي مفروض تجاوبيني مش تسأليني "
جلست تردد الكلمة بعدها قالت : مابعرف ايش يعني الاتيكيت
التعليم العالي :
التعليم العالي ؟ " دايما ً تردد السؤال بطريقتها "
" بعدين سكوت طويل .. ولا إجابه
.. ماعندها شيء تقولوا يعني "
الماركة :
الماركة ؟ 
.... ايش يعني .... " انتظرتها دقيتين كاملتين " ... ايش يعني ... مممم .... دقيقه ........ مممممم
الجوال :
الجوال ؟ ... اعرف منها ... ممممم ... دقيقه .. اعرف أشغل ... لا لا ... دقيقه ... ايش اعرف من الجوال ؟ اللي داخلو ؟ في موسيقات وأرقام ... اعرف منو أتصل
" ايش قلتي : موسيقات ؟ " كدة سألتها
فقالت : ايوه موسيقات 
بيحطوللنا هي إذا أشتريناه وفي أشياء كتيره ..................
وأقدر أكتب وارسل ... وأقدر أغير الشاشة مدري ايش اسمو .... ايوه وإذا في بلوتوث اقدر بسرعه ...ايوه ها ! " هاهاهاهاه ماكملت "
" صوت مامتها بتناديها : دانة ... دانة ... أنتي فين ؟ وي ! مين جالسة بتهرجي معو ؟
الستلايت :
معرف ايش معنى الستلايت ....... معرف عنو شيء
===========
هذا كان كلام " دانة " صـمـمـت أكتبللكم هو كلمه كلمه زي ما قالتو بدون تغيير مني
وعن جد آسفة على إزعاجكم
تقبلي تحيتي كروزه وأعذرني على التأخير
التأخير ببساطه لأنو نسيت من بعد ما قفلت الصفحه اول مره نسيت كل شيء عن الموضوع
وتحيه كذلك لكل اللي شاركوا بالموضوع وتمت دعوتهم
ولكل المتابعين
ايوه واتذكرت شيء .. انو لازم أختار حد بعدي
طيب انا اختار معلمتي الحبيبة عفاف
بس شكلكم طبعا استضفتوها
طيب اختار همووووووووس
همس الصمت
رد مع اقتباسالمشاركة الأصلية كتبت بواسطة فرح
الله ..اللههههههه
- - -
معلمتي
فروحه هنا 
يلا بانتظارك هموووس ِ 
وتستاهلي التقييم على قبولك ِ التوريطه الكبيره
المفضلات