الله يرحم اخوكِ ويرحم جميع اموات المؤمنين والمؤمنات وحشرهم مع الرسول الاعظم وآل بيته الطاهرين


ذكرياتي مع والدي المرحوم
والدي متوفي من 8 سنين تقريبا ..الله يرحمه برحمته الواسعة

كان مريض بالسرطان
بس ماكنت متوقعة انه هالمرض راح ياخده منا بدون رجعة
يمكن لأني كنت بعدني مافهم شنو هالمرض لأني كنت اسمع بس كلمة ورم
المهم قبل مايتوفى بيومين
كانا معنا بالبيت وتعب كثير وكان يرتجف وهو يطالع فينا
كنا نشوفه ونصيح ويطالع فينا يودعنا بس احنا ماحسينا انه راح يودعنا
بس اذكر انه لما طلعوه اخواني للمستشفى ركبت ارض فوق ونزلت صورته اللي بالصالة وحظنتها واني اصيح
رحنا له يوم ثاني
ويوم الخميس كنا ناويين نروح له المغرب لأنه كان صيف والمستشفى بعيدة

واحنا نايمين الصبح على الساعة 8 تقريبا
سمعنا صوت صريخ
احد يصفق
ابوكم مات
ابوكم مات
قمنا مفزووووعين مو مستوعبين اللي تقوله امي
مستحييييييييل
احس كنت مو مصدقة
نزلت اسرع تحت إلا عمي ينتظرنا وهو اللي جاب الخبر لأمي
وقفت أسأله صحيح اللي تقوله امي :(
وضمني إليه وحسيت وقتها خلاااااص كل شي رااااح
وبقينا يتامى

صعب اوصف هاليوم..صعــــــــــــــب
اللي فاقد عزيز يحس بهاليوم
الله لا يحرمكم من غالي ان شاء الله ..بس هذة حال الدنيا
هم السابقون ونحن الاحقون
فلنهدي لأروحاهم ثواب الفاتحة مع الصلاة على محمد وآل محمد