بسم الله الرحمن الرحيم
اللهم صل على محمد وآل محمد الطيبين الطاهرين
قعدت من الصبح .........
قمت للصلاة ..اللهم صل على محمد وآل محمد
سويت ليي كاس قهوه ....
لبست فيابي ..
طلعت شغلت السياره ...وأنا احارسها تصخن
فتحت باب الكراج
السلام عليكم ياجار.....صباح الخير جار
قواك الله جار
هذولا جيراني من الصبح التقي وياهم وقريب المغرب التقي وياهم
بيننا السلام وعليكم السلام
والود والإحترام
اوووهوه هذا جارنا الغفيف
الجار :- سلام يا جار
أنا:- عليكم السلام
الجار :-ويش با اقول
أنا:- تفضل
الجار :-عندي بس هالمعاملة ما تقدر تشوفها ليي ( وقام يشرح لي عنها ...قاطعته )
أنا:- جيب الاوراق واللي فيه الخير بيكتبه ربي
وأنا في نفسي أقول ياله صباح خير وياك يا جار
وركبت سيارتي بسرعه قبل لا يعطيني شي فاني
مشيت وعلى ربي توكلت
في الطريق هذا يضرب لك هرن ...هذا يتجاوز بسرعه عااااااليه
هذا يحاول بس يصير قدامك علشان يجننك
يرتفع مؤسر الضغط عندك
تقول ما عليه ....طول بالك
بس ما يفيد ...المؤشر من الصفر وصل للعشرين على طول
توصل العمل ....السلام عليكم
يرد عليك الرئيس من خشمه ....عليكم السلام >>>>وقع وتعال
تروح اله ....
الرئيس :- شوف اليوم ابغاك تخلص لي موضوع البرنامج
أنا:- بس هذي بيانات يبغى ليها تدقيق علشان لا نظلم احد
الرئيس :- اقول لك اليوم تخلص الشغل ، ما اقدر اتأخر اكثر من كده
أنا:- وانا ويش ذنبي ، هذي البيانات عند ......من اسبوع
الرئيس :-وانا ويش اسوي له ما خلصها
أنا:-يعني انا اللي اقدر اخلصها ....على الاقل يومين
الرئيس :-اليوم انت تفرغ ليها ماامباك تشتغل بشي فاني ابد
أنا:-اذا كده مو مشكله با احاول
الرئيس :- وشوف التقرير مال امس رسله اليي
أنا:- التقرير انت قلت ليي رسله الى ........من اول امس
الرئيس :- ايه ايه عدل ...خلاص
أنا:-زين يا ابو ....... ويش على التقييم ان شاء الله السنه ممتازين
الرئيس :- يصير خير انت بس خلص شغلك
أنا:- الله يعين
ورحت مكتبي وقعدت اشتغل على التقرير ، وبدوا الشباب يوصلوا
السلام عليكم
عليكم السلام
وهلم جرا
وبدأت سلسلة اتصالات ترد على تلفوني
- هذا الرقم بش يهدر ما با أرد عليه
- هذاالرقم ما اعرفه
- الوووو >>>>>هذره طويله بدون فايده
- الرئيس ...أمباك ترسل ليي تقرير اليوم الفلاني معليش خذ لك عشر دقايق
- الرئيس ....شوف لي هالموضوع ...هذا لواحد عزيز علينا
- المدير ....هذا موضوع ما يخلصه الا انت
واحنا جالسين .>>>
الزميل :- انا اليوم با استأذن ممكن تغطي محلي
أنا:- والله اليوم عندي ضغط عمل
الزميل :- يصير خير
وراح للرئيس وبكل برود اتصل الرئيس :- غطي محل ........عنده ظرف طارئ
أنا:-أجل التقرير ما بيخلص اليوم
الرئيس :- ليش ما يخلص ، عمل زميلك مو كثير
أنا:- عنده معاملات الدنيا ، وبيجوه مراجعين بعد الظهر يمكن عشره
الرئيس :- مو مشكله انت قدها وقدود
>>>>ارتفع الضغط الى خمسين
والنفسيه طاحت الى الستين
اشتغلت ......اتصال ....اتصالين ..............عشره <<<كلهم يقولوا ضروري
وقت الصلاة ....تتفاجأ بأن هناك زبون ...عميل ...مشترك ...يراجع وملزوم من الرئيس
انك تخلصه
وتضغط على روحك وتخلصه
وتروح تتمسح بسرعه وتعود تفرش السجادة وتصلي
اثناء الصلاة <<<<<يتصل الرئيس
ما فيه رد ..........يتصل......ما فيه رد <<<<<<أصلي
بعد ما أفرغ من الصلاة أطلع بكاسي با أسوي لي شاي
<<<<لاحظو ان ما فيه وقت للفطور
يتصل الرئيس <<<ما فيه رد
ارجع أشوف فيه اتصالااااااات من الرئيس ........أتصل عليه
الرئيس :-وين كنت تارك مكتبك
أنا:- كنت اصلي
الرئيس :- بس وقت الصلاة خلص من ربع ساعه
أنا:-ايه بس كان فيه عميل وقلت لي خلصه
الرئيس:- ايه ايه تذكرت
أنا:-آمر وتدلل
الرئيس:-با اسئلك خلص التقرير
أنا:-لا
ويعطيك كلام يسم البدن ، كأنك انت الغلطان
يرتفع الضغط الى تسعين
تنزل النفسيه الى عشرين
يخلص الدوام ترجع البيت .............بنختصر الطريق بعد
تمبى وقت راحه
تتغدى ........تتقيلل ..........تتفاجئئ ..........زوار من غير اتصال
يقعدوا على الكبد الى بعد أذان المغرب ...........
اليهال يمبو يطلعوا <<<<<<وهذا حقهم
البيت يمبى اله أغراض <<<<وهذا واجب
المهم
ما يجي آخر اليوم الا الضغط مليووووووووووون
والنفسيه ...مليون تحت الصفر
يعني بالمختصر المفيد ............كأن الواحد فضى طاقته النفسيه كلللللللللها في يوم واحد هذا
فما بالك في كم يوم
لكن الأمل بالله كبير
والتوكل على الله يصير
الكهرباء لازم تعود للروح
ولازم ندفع فاتورة الحياة ..........يومياً ........إسبوعياً ..........شهرياً ........حتى سنوياً
وتستمر الحياة
ونعيد الشحن من جديد
ونعيد ونقول
تحت لطف الحكيم الخبير
لا شيء يبقى على حال
خالص التحيات
فمان الكريم
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
طرح رووعهـ ..
وكلآم ملمووووس جدآ ...
بالأعمآل والمدآآرس والجآمعآت ..
كل شخص يفكر بنفسهـ ويرمي بلآهـ على غيرهـ ...
والمطلوب .. التنفيذ وعدم التأخير وأهم أهم شي الدقه ولآ يصير فيه ربع غلط ..! ترى نتحآآسب ..
بس يلآ هذي الدنيآ ..
نتوكل على آلله ....
والله المعين ان شآلله ..
سلمتـ أخي على الطرح الرووعـهـ ..
وربي يعينك ويعين المؤمنين ..
يعطيكـ ربي ألف عـآفيه على الطرح ..
لآعدمـ ..
ـكبريآء
وكآن أرق العآلم بأسره ..أستوطن عينآي!
السلام عليكم ورحمة الله وبركآته
اللهم صلِ على محمد وآل محمد
خيوو وآحد فاضي تسلم ع الطرح كلام وآقعي جداً ،،
مطلووب منآ الضغط ـعلى نفسنآ نخلص أشيااء مو مفروض نسويهآ
بسبب ـأشخآص مايهتموو وآجد بالمطلووب منهم ..!
ولازم نتوكل على ربنآ والله يعيننآ إن شاء الله ،،
مميز طرحكـ خيوو الله يعينك ويعين جميع المؤمنين والمؤمنآت ،،
وإن شاء الله قدهآ وقدود ..
وكل شخص مآهمهـ إلا نفسه ياليت كل وآحد يفكر بغيرهـ يعني
لو كل وآحد فكر إن مثل مآهو عندهـ ظرف طآرئ غيرهـ عندهـ ظرووف طآرئه
عنده بيت ووو وإلخ بس دائماً للأسف التفكير محدود بالنفس ..!
ربي يعطيك ألف عافيه
لاعدمنآ الجديد
تحيآتي
" آمن يجيب المضطر إذا دعاه ويكشف السوء "
النفس تبكي على الدنيا وقد علمت *** ان السعادة فيها ترك ما فيهالا دار للمرء بعد الموت يسكــــنها *** الا التي كان قبل الموت يبنيهااموالنا لذوي الميراث نجمعها *** ودورنـــا لخراب الدهر نبنيها
أين الملوك التي كانت مسلطنة *** حتى سقاها بكأس الموت ساقيها
كلامك واقعي أخي أبو زين
مسلسل الحياة هذا لا يجري على الموظفين فحسب بل حتى على الطلاب
ولكن ماعساني إلا أن أقول إلى الله أشكو ,,,
موضوعك اللي طرحته توني متكلمة فيه يوم الأربعاء
أقول حنا طالبات الكليات نجلس في الكلية أكثر من أنحنا نجلس في بيوتنا
ونقابل امورنا من تنظيف وغسيل وطبخ وراحه
نوصل البيت الساعة 3 العصر متى يمديني أطبخ !! وأغسل و .. و .. و ..
لكن صج والله ماعندهم رحمة
ما أقول الا الله يعين الطالبات اللي عندهم أطفال بالخصوص الرضع منهم
أشكرك أخي عالطرح
موفق
اللهم صلي وسلم على محمد وآل محمد
وعجل فرجهم وفرجنا بهم ياكريم..
يقال ..أن دوام الحال من المُحال..
وسبحان الباقي على حال الكمال..
ضغوط جسمية ونفسية وعقلية ..
كلها في يوم واحد تجتمع...
...
أخي الكريم..
كان الله في عونكم...
فهو ارحم الراحمين..
طرح موفق جداً...
وأسلوب تشويق كبير..
ولكن اثناء قراءتي كنت اتوقع أن في النهاية ستعلن لنا أنك
لست انت من تتحدث عن يومك...
اي انك تتحدث على لسان أحدهم...
على اي حال طرح من لُب الواقع مصدره..
يعطيك العافية ..
موفق لكل خير إن شاء الله تعالى..
دمت بعين المولى الجليل..
عندما نذرتُ قلبي للحسين
وبقيتُ على قيد الهوىهنالك حييتْ
ياطبيب دمعة .!
والله صدقت بالي قلته اخوك
فعلا مشاغل الحياة اتاخذنا يمين وشمال
بس اتظل هناك واجبات ومسؤليات رغما عن
كل البلاوي المنيله لازم نقوم فيها
عشان سفيتنتنا اتظل بالطريق الصحيح وتوصل الى المرسى بسلام
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات