ابوضياء..ام ضياء جهزي لنا عشى معاي ضيف
ام ضياء..انشاء الله بس منهوه الضيف هذا
ابوضياء..النسوان مايجوزون من هلاستجواب تقول جالسين بمحكمه سين وجيم ههههههه
ج) ياقاضينا الحبيب الامثل العسل كلامك على قلبي الضيف اخوبنتك صمود
ام ضياء..وانت كله بالاستهزاء والمسخره اذا انت تركت هالعاده أنا بترك السين والجيم
يللا تستاهل صمود والى اخوها احلى عشى ولايصير خاطرك الاطيب يابعد......
ابوضياء..كمليها يابعد ترا أنا احتاج حب وحنان تعرفين كبرنا وبنرجع مثل الشباب هاا اذا ماسمع كلمات الحب وتدلعيني مثل الاول اجيب لك شنهوو وحده ثانيه وتسمعيها تدلعني
ام ضياء..جيبها وشوف والله دلع ومدلعينك وموناقصك شي بس لرجال ماتملي اعيونهم الالتراب
ابوضياء..الله لايجيب هاليوم الانزعل فيه عمرعبدالله ابوضياء لو الف الكون مافيه مثلك يابعد قلبي والكليه هههههه
ام ضياء..خلاص اطلع من المطبخ لاذوبني بكلامك وبعدين مافيه اكل
ابوضياء..موانا ابيك تذوبين وتذوبيني بالحب ياعيوني المركبه
ام ضياء..يؤيؤ بتركب لك بعد اعيون هههههه
اقوول اطلع لاينزل ضوووي وياك
ابوضياء ..قبل لااطلع اريدمنك طلب ؟!
ام ضياء..آمر يابعدقلب ام ضياء موهذا طلبك يللا ذا انت سمعته اطلع برى ههههه
ابوضياء..نسوان آخر زمن مايجون الابكلام الحب الايريح القلب هههههه وينكم ياشباب الحين ماتطلع منكم هالكلمه الابطلوع الروح
عادل..يمه أنا طالع ويمكن اتأخر
الام..على وين وانت كله هايت ماعندك بيت يضمك
عادل ..هذا لو تدعي لي من قلبك مثل اولادك كان توفقت وتوظفت
الام..ليش انت ولد الشغاله ياولد ثمن كلامك زين واحترم امك وانت تكلمني
عادل..اسف يمه وباس راسها اقول يمه شنهو الزيت الاتحطيها براسك
كأنه عطر كمبوووودي هههههه
الام.. وبعد تتمسخر علي هذا جايبنه لي اخوك سمير ربي يوفقه انشاء الله
عادل..الله يوفقه لو عادل مانقالت هالكلمه ههههه
الام..ربي يهديك وترجع مثل قبل وتريح قلبي ،، الاماقلت لي وين رايح
كأنك معرس مشيك على الآخر
عادل.. ربي يسمع منك ونعرس بس خل تجي الوظيفه رايح بيت عبدالله الـــ .....
الام..احترم نفسك تنادي الرجال وعنده اولاد في سنك موعيب
عادل ..تعرفيني ما احب اذكر اسم ولده
الام ..ليش بتروح اليه ويش عندك وياه
عادل ..هو اتصل فيني امس وعزمني بعد على العشى
عادل ...يللا يمه مع السلامه
الام..الله يسلمك ويهديك
صمود..جالسه في غرفتها وموحابه تطلع براوماسكه دفترها وتكتب في خاطره
ليش يااخوي تجرح احساسي ،،
كلامك كأنه اسهام التي اخترقت صميم قلبي ،،
كتمت المي ،،لكني لم استطع ان اتحمل اكثر ،لمن ابوح المي
هذا وانت اخي اين رابط الاخوه عندك ليش هذا النفور
لم اتوقع منك كل هذا الاحتقار لي ،،حتى نظراتك اصبحت وكأنها
نار يحرقني كلما نظرت اليك،،
لكن اسمع مني ،انت تردد ،،انني لازلت صغيره
فسمع من هذه الصغيره ،،
لقد علمتني الحياه معك يااخي ..مراره لم اتخيلها ابدا
وكأنه سم اتجرعه طوال هذه الشهور
وتعلمت من هذا الانسان الذي لاتعترف به كاانسان ..كيف احول بكائي والمي ،،الى سعاده ،،
نعم تعلمت من الحياة معه كيف استبدل مرارتك بالسعادة معه،،
قلبه نقي لايخالطه نفاق ولاكذب ،،
هذا الذي لايعجبك وتخجل بان تعّرفه للناس على انه زوجا الى اختك
هذا الذي تحتقره ..انا اعتز وافتخربه
لااريد احدا ان يحكم له اريدك انت ان تقول لي اين اجد الصواب عندك ام عنده؟!!
عادل..وصل عندباب بيت ابوضياء ضرب الجرس وطلع له
ابوضياء..هلا وغلا تفضل ياحيا الله من جى
عادل..كيف حالك عمي انشاء الله بخير
ابوضياء..بخير انشاء الله وياك تفضل
جلسو وابوضياء صب الشاي
هااا خبر وش اخبار المراكض على هالوظائف
عادل ..والله ياعمي كل مانروح مكان مسدوده الابواب بوجهنا
ابوضياء..الله يكون بعونك انت وهاشباب
الاويش هي دراستك
عادل .. صيدله
ابوضياء..دراستك حلووه ليش ماتقدم حاليا في احد صيدليات البلد لين تلاقي لك وظيفه
عادل..نفس كلام سمير على خير انشاء الله
ابوضياء..ياعادل أنا عندي شوية كلام معاك وانشاء الله تفهم علي
واعتبرني موابوضياء زوج اختك انسان ثاني
واريدك تكون معاي صريح لان أنا بطبعي صريح ولااحب المجاملات
عادل ..انشاء الله عمي
ابوضياء..ليش موعاجبنك ضياء؟
عادل ..تعرف ان صمود صغيره والمستقبل قدامها ومااشوف ضياء يناسب لـــ صمودلانها البنت الوحيده ومتعوده على الدلاعه وطلباتها دووم مجابه وما اتوقع ان ولدك باستطاعته يحقق احلامها
طبعا موقصدي الاشياء المادية عارف ان انتو بخير ونعمه
مابتفهم ولابيفهم عليها وبتتأسف بعدين الحياه الزوجيه مافيها تكافى
ابوضياء..من أي ناحيه مايقدر ويش الاينقصه صحيح انه فاقد السمع والكلام بس الله عوضه باشياء ثانيه
وعنده الحنان والحب والصدق وماعنده لفه ودوره موراعي خرابيط هالزمن وفاهم علي شوف شباب الحين عاطلين عن العمل عفوا موقصدي انت يعني لاتفهمني غلط وكيف كل يوم ومامسكو شله من الشباب الاخموور والا مخدرات و العياذ بالله
وهذا كله موموجوده بــــ ضياء .بحد ذاته حلوو وماعنده بخل
وكل يوم في المسجد وصلاة الجمعه مايفوتها مهما كان لزوم يكون موجود
يتبع