سمير...جاته كتمه بصدره تعودمن الشيطان
وصلى على محمدوآله الطاهرين
جرت دموعه على خده وفي خاطره هذا الانسان كيف يظلم ويتكبر ويعصي ربه وبالاخير
نهايته اعودبالله من الشيطان
ام سلمان ...جالسه جنب ولدها وتصيح بقلب
مكسور ،،من شافت ولد اخوها وقفت له
سمير يابعد ابوي شفت كيف ولد عمتك حالته
وهي حاضنته شبابه ضاع وبيحسرني عليه
سمير..عمه خلاص تعودي من ابليس
وكثري من الصلاة على محمدوآله الاطهار
يمسح دمع عمته ويقبل راسها وربك ارحم بعباده
سلمان...انتبه لوجود سمير وحاول انه يتكلم
سمير..مسك يد سلمان الف لاباس عليك اجر وعافيه يالغالي
سلمان...انا مااستاهل منك هالطيب
وانا الالومارحمة رب العالمين كان الحين انت
من الاموات
سمير...الافات مات واحنا اولاد اليوم ومهما كان احنا اخوان
سلمان...سامحني وابري دمتي ياولدخالي نهايتي قربت
سمير...ربي يسامحك دنياوآخره وتقوم بالسلامه ونفرح فيك
ولاتتكلم وهّدي نفسك وخليك رجال
سلمان...شفت كيف الدنيا سلمانووه الاول
الااذامشى بالارض تخاف الناس منه
والحين لو تجي النمله على يده مايقدر يبعدها عنه
وباقي رهينه الى المهدائات ولايفيد الالم ياولدخالي
يقطعني وايامي معدوده بالدنيا
شفت كيف عذابي بالدنيا
سمير...تعودمن الشيطان واذكر ربك
وهذا امتحان من ربك
والرب اذا حب عبده ابتلاه
سلمان...بعد الاعنده هالمرض يقوم بالسلامه
ومسك بيد سمير وبشده اسمع ياولدخالي هذه وصيتي
وانت الااتمنه على امي وخواتي امانه عندك
ام سلمان...ليت يومي قبل يومك ياولدي
سلمان...سامحيني يمه ماكنت الولد الايرفع الراس
كل ام تتمنى آمال بولدها وانا خيبت آمالك سامحيني
يالغاليه الشيطان ومعاشرة اولاد ابليس ابعدتني
عنكم سامحوني وفجئه توقف قلبه عن النبض
والجهاز يرن والدكاتره تجمعت عنده
وطلعو سمير وام سلمان برا
ام سلمان ...ولدي بموت ياااااااااعلي يازهراء بنت النبي احضري له
ليتني بقبري ولااسمع بخبرموتك يااولدي
هذا وانا اتمنى ازفك ويجوني الناس يهنوني بعرسك،،واحمل بيدي اولادك اثاري الناس بيجوا يعزوني ماحسبت احساب ياولدي
اتمنيتك تنزلني بالحدي
آآآآآآه قلبي تفطر وين الاماني الاتمنيتهاياولدي
عظم الله اجرك يازهراء يابتول
الدكاتره طلعوووا
سمير...دكتور لو سمحت
الدكتور...البئيه بحياتك
ام سلمان...لالاتقولوا المعرس ماااااااااات
ياااااااااعلي وهيه تصيح وتنوح على ولدها وصوتها
يقطع قلب من يسمعه
سمير...مذهول الموقف كبير عليه ماسك عمته وحاضننها ويمسح ادموعه
اتصل في عادل..
سمير...السلام عليكم
عادل..وعليكم السلام ،،سمور صوتك فيك شي
لاتقول سلمان
سمير...اييييييه اعطاك عمره ،،خبر منير وامك ودوها بيت عمتك واعمل الازم
عادل..ان شاء الله
انالله وانا اليه راجعون
ماتجوزعلى الميت الاالرحمه
ام سمير..عدول من المتصل ومن هو الميت
عادل...يمه ولدعمتي تعيشي انتِ
ام سمير..انالله وانااليه راجعون
يللا ولدي وصلني بيت عمتك
ونادي على اخوك منير في غرفته واخذه معاك
عمتكم ماليها الاانتوووا الله يساعد قلبها
وربي يرحمه برحمته
سمير...مسك عمته بيرجعها البيت وبيرجع مع اخوانه
المستشفى الى استلام ولد عمته حتى يباشر
في مراسيم الدفن والفاتحه
ام سلمان...كيف اطلع عن ولدي
سمير غناتي قول ليهم يمكن مغمي عليه
كان يتكلم ويايي ويذكر طفولته الحين يقولوا لي مات
سمير...عمه اطلبي له الرحمه وعظمي اجر الزهراء واهل البيت عليهم السلام
وركبها بالسياره اصياح عمته اثر فيه وموعارف كيف
يسليها عنده مجموعه من اشرطه الكاسيت اخذواحد
وبصدفه شغله و كان على القاسم عليه السلام
والخطيب يقرأمأجور سيدي بأي حال
جابه لخيمته ويجري دمع عينه
وقعدمابين شبله الاكبروبينه
نده زينب الحنونه وي رمله وسكينه
قومن وشوفن الغالي ويش جرى له
ساعد الله قلبك سيدي يااباعبدلله
أي مصاب تتحمل سيدي هذا شباب ومعرس
وموت الشباب يفجع القلب
فرت بنات الهاشميه من خدرها
هذه تلطم الهامه وهذه تلطم صدرها
ورمله تنعي على الولدودق صدرها
ياولدي انتحل جسمي يجاسم من ونينك
مواالي محب الحسين،، الام ماتتحمل تشوف ولدها منجرح جرح بسيط كيف بكِ
سيدتي وانتِ تنظري ولدك موزع بضرب السيوف
ذوبت قلبي لاتصدليه بعينك
عريس ياولدي وللمقابرزافينك
من شفت عمك لبسك تفصيل لكفان
يتبع