ام ضياء..اذا تبون حفله عوده اوصغيره عادي لايردكم الا السانكم
ام سمير..الصراحه انا مااحب الحفلات بس لزوم البنت تفرح بعد يللا نخليها عائليه وتعزم صديقاتها
هدى وناديه..بعد اذنك خالتي بكره العصر بناخذ صمود معانا السوق حتى تختار لها شبكه
ام سمير على خير
ناديه ..تحب التعيلف بس ابوي بكره مشغول ماعندنا غير ضياء
صمود..تدوروها ماتلقوها الوجه احمررررواستئذنت وطلعت
هدى..ليش ندووي جديه خليتها تطلع فشلتي البنت
ناديه ..تضحك بصراحه احب اشوف العروس وهي مستحيه هههههه
ام ضياء..انشاء الله ليلة الجمعه العقد والحفله
والدضياء..يللا ياسمير بعد اذنك ضياء يريد يشوف العروووسه
سمير ..ايييه من حقهم يشوفون بعض لحظه اخبر الاهل
طلع نادى ع صموووووود..
صموود..سمعت صوت سمير طلعت له نعم وهي مستحيييييه
سمير..نعم الله عليكِ ياعيييني على الحييييييا ايييه بعد الحين انا رجال ولزوم اتكلم مع العروس زين هههههه ضياء يريد يشوفك
صمود..لالا ليييييش؟!!
سمير ..من حقكم اشوفون بعض وانا وياك
سمير ..اعطى اشاره الى ضياء وطلع وكانت صمود واقفه
سمير ..يكلم صموودشفتيه خلاص
صمود..منحرجه ولاحتى طالعت فيه
والد ضياء..ابوه يسأله وياشر له باصبع السبابه ويضعه على عينه وبحركه ثانيه ويضع اصبع الابهام والسبابه على اليد اليمنى
ويحرك الخاتم الافي اصبع البنصر...يعني شفت خطيبتك
ضياء..ياشر الى ابوه بضم اصابعه الاربعه الى داخل الكف والابهام الى اعلى ومره آخرى يضع يده اليمنى الى صدره جهة القلب بميل خفيف الى جهة اليمين قليلا وهذه الاشاره تدل على انه سعيد والعروسه عجبته
والد ضياء..سلم على سمير ومنير وعادل وهم ضياء سلم عليهم
ومنير وضياء كل واحد خذا رقم جوال الثاني
والحريم سلموو على بعض وطلعوو
ابو ضياء ..في السياره يسأل زوجته وبناته هاا عجبوكم الجماعه والعروس
ام ضياء..باين عليهم خوش اوادم واخلاقهم مافي منهم ربي يتمم على خير
سمير..يسأل اخوانه هاا كيف شفتوو المعرس زين
عادل ..مصر على رايه ماعجبني وما افهم عليه ربي يساعد اختنا عليه ما اعتقد تطول معاه
سمير..عادل ويش هالكلام ؟!بس كلامي مو بوقته الليله معاك لي جلسه خاصه معااك زين،،،،
منير ..الحق ينقال رجال واخلاق وحساس بعد من تصرف عادل معاه عرفته
شعر بشي وتأثروهذا كان واضح من نظراته
عادل ..ليش انا ويش سويت..
منير..سلمت وانت موطايق تحط يدك بيده وكلما تجي عينك بعينه بصراحه يااخوي حركاتك مو زينه من رجال جامعي ومتعلم وفاهم الله المعين ويش تركت الى مو فاهمين شي .
وياخووي هذا انسان متعلم وفاهم
على الاقل احترم الرجال في بيتك وبعدين كيف تحكم على الرجال من اول جلسه معاه
ليش انا معاه كأني اعرفه من سنين مو من ساعتين بس
وتراه ذكي وعنده هواية الرسم والخط ويحب الكمبيوتروعمله كله بالكمبيوتر بعد .ويتابع المنتديات بس يصفح ويكتسب معلومات واكثرشي يدخل على منتديات خاصه بذوي الاحتياجات بس مايحب يشارك
عادل ..اييييه وهذا الاحببك فيه لانه مثلك يرد على البنات
وقالبها مسخره تضحك مع العضوه الفلانيه ومع المشرف الفلاني
منير..عصب بس مسك اعصابه وصلى على محمد وآله الطيبين الطاهرين
لاطبعا يافطين الرجال مامنه اخلاق ومثلنا مثله
غير ان ربك اخذ منه وعوضه بشي مو موجود فيك انت
يالسليم ..
وبعدين ويش سالفه ترد على البنات ويش شايفني صايع يعني
احترم نفسك هذا وانا اخوك وعارفني زين وتعرف اني ادرس
بالجامعه بالنهار وبالليل ادرس
عند شيخ يعني مستقبلا راح اصبح شيخ انشاء الله ..
وبعد كل الاارد عليهم محترمهم وهم محترمين نفسهم واعتبرهم مثل اخواني و خواتي وما ارضى عليهم وحتى لو ما اعرف احد فيهم .
بس كل الااقوله العقل زينه يااخوووي ..
سمير..حده مضايق من عادل وتصرفه بس بعد مااريد هدره وصموود متوتره وكتمها في نفسه حتى ماتنزعج اخته في مثل هالليله .
سمير.. طلع من مجلس الرجال وتوجه عند امه و سألها هاا يمه خبري عجبوكم الجماعه
الام ..ايييه ينحطوو على الجرح يطيب اخلاقهم عاليه
وبالصدفه بنتهم معلمه في مدرسة صموود بس ماتعلمها
سمير..حب يسوي جوو مع اخته
صموووودي هاا خبري عجبك ضياء
صموود.. صمت ويتلون وجها
سمير..لاموصمود هذه وحده ثانيه هدوء هههههه
لو ندري كان قلنا لـــ ضياء يخطبك من زمااان هههههه
المهم يصموودي انا جوعاان حدي واريد اكل من يد اختي الغاليه ايييه ندلل الحين وبعد عرووسه حتى انا اعرس بعد ههههههه
اريد سمك وتبوووله وبعد دجاج مشوي وكباب لحم ورق عنب
ووووو
صموود..تطالع فيه ليش انا مطعم كل هالطلبياات
وبعد فيه شي ماطلبته
سمير ..اييييه فيه شي الى اختي الغاليه بمناسبة خطبتها الليله ههههههههه
صموود..انحرجت
سمير..بارك الى اخته وباس راسها وضمها الى صدره وهذا ماتحتاج اليه
صمود.. في هالحظات تذكرت ابوها وتمنته موجود معاها وفي نفس الوقت ماوضحت لان تعرف ان امها بتتعب ويرتفع عندها الضغط كتهمتها في قلبها ..وبعد ماتريد تحرج اخوها وهو الا
مايبي نسمة الهوا تقرب منها وفي قلبها ربي يحفظك يابعد ابوي
ونفرح بزواجك انشاء الله وخليك لينا دخر.
سمير..مصمم الليله على انه يتعيلف بـ صموود..
اقول صموودي
صمود..نعم قووول سمووري
سمير..صحيح ان ضياء بياخذك من عندنا
صمود..وبعدين سمووري بطلع
سمير.ومنير ..هههههههه منير تعرفين صمود ان ضياء مزحه اكثر من سمير
صمود.سكتت ،
تابع
رد مع اقتباس
المفضلات