عادل...ليش انا اجرمت لو عملت شي حرام
اعتقد ان هذا حق من احقوقي الشرعيه
ابومحمد...قلتها لك من قبل حقك اذا زوجتك وفي بيتك ذيك الساعه مااحد يسئلك ثلث الثلاثه كم بس بنتي لحد الحين بيتي
عادل..والله هذا كله شكليات وما اشوف ليها داعي
وتقاليد قديمه وراح تندثر
محمد...السلام عليكم
سمير ..وعليكم السلام
محمد...قدم الشاي
سمير..شكرا
محمد...العفو مافيه شي من واجبكم ،،،ويأشر الى عادل انه يهدي اعصابه
ابو محمد..وينها فيه بنتي الحين
سمير..في البيت مع الوالده
ابومحمد...محمد يبى اوصل لعند اختك ورجعها البيت
عادل...ليش والله شايفني حيوا ن او مجنون قدامك
اجيبها ليك حتى تقتلها
ابومحمد..ليش انت احن عليها من ابوها لعلمك
انا آخر ماافكر فيه الضرب والرجال ايده مايرفعها
على بنته او زوجته
سمير..ياجماعه صلوووا على محمدوآله الاطهار
وكلامك ياعمي عين الصواب
ابومحمد...تسلم ياولدي،،بس يعدوول اتأسف اني وافقت عليك
زوج لبنتي طلعت موكفوووا ولاانت رجال وموقد المسؤوليه
عادل...عصب ووقف تراني احترمتك بمافيه الكفايه
شايفني اتاجر في الممنوعات لاسمح الله
ابومحمد..موعاجبنك كلامي بنتي تجيبها ويادارمادخلك شر وبصريح العباره طلق بنتي
عادل..ليش هيه الدنيا فوضه وخلود زوجتي
وانت بأسلوبك تزيد فيني لعناد اكثر وياك
سمير...عدول خلاص
عادل...ماتسمعه ويش يقول
ابومحمد...اطلع عن بيتي مايشرفني واحد مثلك
ونتقابل في المحكمه بكره
عادل...وهو طالع نشوف مين يضحك بالآخر
سمير...اسمح لي عمي وخلي تفاهمك وياي
انت وياه معصبين واتركوا الامور تهدا اشويه وامسحها بوجهي وحقك على راسي وان شاء الله خلود قبل الليل هي في بيتك ،،بس عندي طلب
ابومحمد..تفضل
سمير...ماتاذي خلود
ابومحمد...يصير خير بس لعتاب لابد منه حتى
تشعر بغلطها
سمير...والله انها متأثره ،،،وان شاءالله النفوس تهدا
وماصار الاالخير ،،،وتعرف ياعمي شباب الحين
الافي راسه يمشيه ولايعترف بغلطه
ابومحمد...والله ياولدي موكل الشباب ليش انت مومن هالشباب
سمير...الحياه تعلم وانا علمتني حياتي وانت عارف بهالامور وكيف ان الوالد الله يرحمه حملني المسؤوليه
بعدوفاته،،
ابومحمد..اسمح لي ياولدي والله انك تنحط على الجرح يبرى
ربي يكملك بعقلك
سمير...انت الااسمح لينا وانت ابو الجميع ،،،
صمود...جالسه مع ابوها ويشرح ليها بعض كلمات موفاهمتها بالانجليزي
ابوضياء...ماشاء الله عليك ياصمووودي قرائتك سليمه
ونصيحه خذيها مني وانا ابوك موتعتمدي على كتب المدرسه بس حاولي تقراي اكثر وتتحدثي في البيت
وانا معاكِ نتكلم بالانجليزي ونقهر بعض ناس هههههه
وبعدتابعي اشياء بالتلفزيون حتى تتقوي اكثر وبعد ماشاء
الله عليكم يالبنات تحبون القصص ،،واذاماعرفتِ شي
هاالشيبه موجود
ام ضياء..زين تعترف انك كبرت
ابوضياء...في بعض الاوقات اكون كبير بس
وقت الحاجه ارجع بالعشرين ،،هههههههه لاتقوليها
هذا انتوا يالرجال هههههههه حفظت الدرس
بس ياعمري انتِ بظلين بنظري حلوووه مثل اول مره شفتك فيها ،،بصوت واطي والله انك كبرتِ بس تظلين متربعه بقلبي
وام اولادي يالغاليه
صمود...هههههه تسلم يبى وماتقصرورحم الله والديك وقبلته براسه ،، وتعبتك معاي
ابوضياء...اذا تعيدين هالكلام مره ثانيه بتجربين كيف يكون زعل ابوضياء
ام ضياء...اذا مزحت ماحد جابك واذا زعلت المجنون يبعد عنك
صمود...هههههه اكيد جربتي يمه زعله
عادل..جالس ينتظر اخوه بالسياره ومتوتره اعصابه
محمد...لاتزعل عدول وهدي اعصابك والكل متوقع هالشي واكثر من الوالدهذا وانت تعرفه وتعرف اطباعه
عادل...حمووود خلاص لاتتكلم بهالموضوع اعصابي مومتحمله اكثر ،،تعرف ان اختك حاولت انها تشرب حبوب وتموت نفسها
محمد...بذهووول هااا وكيف هذا ،،بس اسمح لي
هذا منك ولااعرف افكارك لوين بتودينا
سمير...ركب السياره وهو ساكت
عادل...يللا حمود مع السلامه
محمد..سلم وانتبه لختي
عادل..سموووور لاتحقرني وتجاهل وجودي وفي نفس الوقت لاتلومني
سمير...ياعادل بسواياك وافكارك حطيتنا بموقف
التوسل يااخوي الحياه موبالعبه كل شي بالتفاهم والموده يصير صحيح ان عمك اطباعه صعبه بس بعد بالكلمه الطيبه تكسبه ،،
ونصيحه يالغالي غير اسلوبك وياه والله ترى حتى زوجتك بالآخير راح تخسرها هي الثانيه
واللهِ كنت بقول له الحقيقه الرجال مسكين منهاره اعصابه بس قلت تجي منك انت وكافي لاتصغرفي نظر
عمك اكثر من كذا وخلك رجال وانا وعدته
الليله بوصل خلودبيتهم
عادل...مجنون انت لو صاحي تريده يذبحها
سمير..انت ماتحب البنت اكثر من ابوها
وصلوووو البيت
ام سمير..ياابنتي قطعتي قلبي بصياحك خلاص
ان شاء الله ماراح يصير الاالخير
يتبع
المشاركة الأصلية كتبت بواسطة أمل الظهور
يوه يوه وربي استخف رسمي
رد مع اقتباس
المفضلات