احلام صـــموووود،،،

[فرح]

صمود..تنتظر خلود وابرار وجالسه بالصاله


واذا بجرس الباب ..فتحت الباب


واذا خلود وابرار بلسان واحدصمودووه خوفتينا عليك وعيشتينا بقلق لوتريدين شوفين غلاتك عدنا


تتطمني غاليه


صمود..ليش بنظل نتكلم عندالباب اتفضلووحياكم


الام..هلابالحبايب كيفكم وكيف الدراسه معاكم وامهاتكم انشاء الله بخيرسلموو عليهم


خلود وابرار..هلابخالتي بخير والحمدلله يبلغ انشاء الله


صمود..عن اذنك يمه بندخل غرفتي


الام..تريدون شي


صمود..لايمه يعطيك العافيه مجهزه خفايف وعصيرات الحين ادخله


خلود..صمودووه بصراحه وجهك واضح عليك التعب والحزن لوشكلك مريضه


ابرار..تكلمي انتِ الآن امام المحكمه والقضاه اثنين هههههه


ابرار..تعرفيني اشويه واصيح


خلود..حشى الدمعه الساكبه


صمود..تنهدت


ولااول مره يشوفون صديقتهم بعد وفاة ابوها حزينه مثل الحين


انا تعبانه واتمنى القى الراحه معاكم اريد ابوح ليكم بشي شاغل خاطري


خلودوابرار..يطالعن بعض باستغراب

خلود..اوقفت امام صمود وضمتها الى صدرها واذرفت صمود الدموع وهذا ماكانت تحتاج اليه انها تريد من يفهم شعورها


صمود..بعد ان هدات ..فيه موضوع واريداخذ رايكم فيه بصراحه انا في هالفتره فيه عريس


متقدم لي


خلود وابرار..ههههههههه الف مبروك والله وليش الحزن


خلود ..لوانا مكانك اكون سعيده موحزينه


ابرار..لحظه خلودووه اركدي اشويه حتى نفهم الموضوع وتركيها تكمل


صمود..العريس مومن منطقتنا من ...القطيف


وبعدمن ذوي الاحتياجات الخاصه


ابرار..هااا كيف يعني


صمود..مايتكلم ولايسمع


خلود..وانتِ اعتراضك على العريس نفسه او على الزواج ككل


او على انه من ذوي الاحتياجات الخاصه


وضحي اكثر وكوني صريحه ياصمودحتى ترتاحين


صمود..بصراحه خايفه اوافق واظلم نفسي واظلمه معاي تعرفون الزواج مسؤليه مولعبه


وبعدين ماافهم لغته والاشاره ما اعرفها ،،


واحلامي وامنياتي راح تتبخر وتصبح سراب


وهل يستطيع ان يسعدني مثل الرجل السليم

ابرار..صمودحبيبتي انا راح اعطيك راي وانت فكري زين


الكل يعرف ان اخوي مثل العريس المتقدم لك


وماشاء الله عليه تزوج زوجه تحبه وتفهم عليه ويفهم عليها وعندهم اولادماشاء الله عليهم اذكياء


وعايشين مثل كل الازواج يعني مايفرقون عنا بشي


وسفر وطلعات وباستطاعتهم يديرون اعمالهم


اهم شي تكونِ مقتنعه من جواتك موبس كلام


خلود..انا مع ابرار ،،


ابرار..شنهو راي امك واخوانك


صمود..موافقين وينتظرو ردي الااخوي عادل


رافض


ابرار..ليش عادل رافض


صمود..لانه مايتكلم


خلود وابرار..تعودي من الشيطان وكثري من الصلاة على محمد وآله الطيبين الطاهرين

صمود..تعرفون ان كلامكم ريحني


ابرار..يعني فيه امل


خلود..نقول مبروك كلووووووش وبنفرح فيك ياصمووودوكبرتي واصبحتين عروسه هههههه تقلد النسوان لكبار


صمود..ابرارووه خلودووه اسكتوواخوي سمير موجود بالبيت نايم لانه جاي من العمل ولزووم ينام اويريح ساعه ..

تابع

[فرح]

سمير ..يمه صمودوينكم

صمود..نعم سموووري

الام ..خير ياولدي ويش فيك تنادي تخرعني

سمير..اسم الله عليك بل بل لهدرجه صوتي يخرع

هذه بنت الناس بعدين بترفضني هههههه

صمود..صج سمووري بتزوج

سمير ..هااصموودي عندك لي عروس

صمووود..ايييه انت مين مايريدك ياحلووو انت

سمير..لاني اخوك تقولين كذا

الام..ربي يبلغني فيكم وافرح فيكم واحمل اولادكم

سمير..ياااااااارب ياحجه هههههه

صمود..قلب سمووري

سمير..ماعلينا من هالكلام السابق لااونه وخلونا في موضوع صمووود هااا يمه ماردينا ع الناس جواب الى متى

الام ..هذه اختك وياك واسئلها

سمير..هاصمووودي شنهو ردك الحين

صمود..الاتشوفه

سمير ..لااريد جواب اكيد يانعم اولا

صمود..موافقه تقولها بخجل وراسها منزلته بالارض

بس عندي شروط..؟!

سمير..انتِ تآمري وتدللي كم صمودعدنا

صمود..زاد الخجل اكثر ،اكمل دراستي وبعدين اكمل جامعه ..تعرف حلمي يا سمير اني اتمنى بالمستقبل اكون دكتوره

وبعد شقه تكون لي يعني مو مع اهله

سمير..انشاء الله اوصل الكلام الى ابوه بعد فيه شي ثاني

صمود..لاخلاص

سمير ..اتصل ع ابو ضياء

سمير..السلام عليكم ورحمة الله وبركاته

والدضياء..وعليكم السلام والرحمه

سمير..موجود ابو ضياء

ابو ضياء نعم انا مين معاي

سمير..اناسمير محمدآل.....

ابو ضياء..ياهلا بــ سمير كيف الحال والصحه واخبار الاهل

سمير..بخير والحمدلله

ابو ضياء..هاا شو الاخبار

سمير..الحمدلله تمت الموافقه

ابو ضياء ..خير انشاء الله ونقول مبروك ويشرفنا نسبكم ،،المهم يااولدي لازم نعمل لكم زياره حتى نتفق والحريم يشوفون العروسه ويشوفون طلابتكم

الليله يناسب

سمير ..على خيروالبيت بيتك

ابوضياء..يناسب الساعه الثامنه

سمير..تم وانشاء الله بالانتظار

ابو ضياء ..يخبر زوجته ان العروسه واهلها وافقووا

وسئل على ضياء وينه مااشوفه ..

ام ضياء ..من شوي جت له رساله سئلته ممن قال من صديقه وجى له وطلع معاه

ابو ضياء ..طيب انا راح ارسل له حتى يكون عنده خبر ويستعد حتى يشوفوه على الطبيعه

ونص الرساله ..ضياء وينك فيه انا في البيت

واتصل اخو العروسه وافقو والليله انشاء الله

بنذهب اليهم وانت معانا ..انتظرك

مع السلامه

ضياء ..قرا الرساله وسئله صديقه ليش سعيد

وخبره ان العروس وافقت وهذا ابوه راسل له رساله يخبره

ضياء يكتب الرساله..

خلاص انا يعرف شكرا انايجي بعد قليل

الحين مع صديقي

تسلم يالغالي

ابوضياء..وصلت الرساله له وقراها وظل يدعي الى ولده ان ربي يوفقه ويسعده في حياته

وخبر زوجته تقول الى هدى وناديه ولايتأخروو

قولي ليهم من العصر يجو البيت اعرفهم بناتك

انا ماتعدلت وهالصبغات والله حاله هالنسوان

مافيه علينا البس ثوبك واشماغك وتعطر واطلع

خلكم يالحريم يلعبون عليكم بهالاصباغ المضره

ام ضياء..ياحبك للهدره زين مومعاك ضياء كان

الحين ضحك ومزح ولعب علينا معاك

سمير ..خبرامه واخته بالموعد وقال ليهم ان ابو ضياء مواعيده مضبوطه بالدقيقه

صمود... جهزت الضيافه مع امها

سمير..هاكل شي جاهز عشر دقائق والجماعه واصلين

الام..يللا يابتي تجهزي لانك بتكوني موجوده معانا امه وخواته يريدو يشوفونك

صمود..انشاء الله يمه

جرس الباب ..

سمير طلع فتح الباب ودخلو الحريم

الام كانت بستقبالهم هلا تفضلو

سمير ..تفضل ابو ضياء حي الله من جانا

ضياء ..سلم على سمير ومنير وعادل

والدضياء ..خلنا ندخل بالموضوع المهر كالمعتاد واذا عندكم شروط من اعيوني

سمير..البنت تريد تكمل دراستهاموبس الثانويه وحتى الجامعه وهذا شرطها الاساسي والاهم

والد ضياء..تسلم ولايهمها وانا اشجعها على الدراسه

ضياء ..ابوه يشرح له شرط صمودوبالاشارة اليد اليسرى تكون مبسوطه واليد اليمنى مثل صفحة الكتاب عند تحريكها

ووافق عليه وماعنده مانع

سمير..وشرطها الثاني تكون في شقه

والدضياء..وهذه هم ماعدنا مانع بس الشقه بتكون في البيت .

والعقد انشاء الله لليلة الجمعه واذا كنتوتريدو حفله كبيره صغيره هذا يعود ليكم

سمير..اترك هذه الاشياء الى الحريم

ام ضياء..انشاء الله ياام سمير..ماراح نختلف اهم شي سعادة الاولاد

هدى وناديه ..خالتي وين عروستنا ماشفناها

ام سمير..انشاء الله الحين تجي طلعت ونادت على صمود

صمود ..نعم يمه

الام ..الجماعه يبون يشوفونك

صمود..لازم يعني

الام ..هههههه ليش جاين لي انا

صمود ..دخلت وهي من الخجل الوجه محمر ومستحيه على الاخر

ام ضياء..من شافت صمودصلت على محمد وآله الاطهار

هلايمه تعالي تبارك الرحمن

صمود..سلمت وباست راس ام ضياء

ام ضياء ..ضمت صمود الى صدرها واحضنتها

مبروك يابنتي وربي يكمل بخير

هدى وناديه..يمه خلاص البنت مستحيه واحنا ماسلمنا عليها

هدى وناديه ..سلموو على صمود وبالصدفه ناديه معلمه في نفس مدرسة صمود

بس ناديه ماتدرس صمود تدرس ثالث ثانوي

ناديه تعرف صمود عليهم

وهذه هدى اختي الكبيره وهدى معلمة ابتدائي

وعدنا بعد اخت ثالثه بس صغيره في رابع ابتدائي

واخواني لؤي يدرس في جده وهالسنه يتخرج

ونادر يدرس في امريكا هذا احنا سته وضياء صار له سنه من تخرج وتوظف

هدى ..صمود موتستحين منا واعتبرينا مثل خواتك واي شي تريديه دقي علينا

وهذا رقم جوالي .

ناديه ..وهذا رقم جوالي ..وهذا رقم بيت ابوي

هدى ..صمود عندك جوال

صمود..ايييه عندي يللا دقي علينا حتى نسجله

ناديه ..حبت تتعيلف بــ صمود بس اكيد جوال الابيهديك اياه ضياء احلى

صمود..زاد الخجل اكثر ولاردت ونكست راسها حياء منهم

ونلتقي غدا انشاء الله