بسلامتك يابعد ابوي
سمير...يسلمك ويحفظك..يطالع الساعه
صمود...يللا سمووور لااتأخر
سمير..انا بالخدمه يللا يييييييمه وقبل راس عمته
في آمان الله
ام سلمان..مستعجلين ماشبعنا منكم
ام سمير..ان شاء الله الايام جايه ،،مع السلامه
في السياره..
سمير...هاااصمود الشقه لو بيتنا
صمود..لاالبيت بالاول بشوف خلووود كاسره خاطري الصراحه عدووول ماتصورته بهالاسلوب
سمير..على خير
صمود...بس كيف منووور بنقووول له خطوووبة فاتن
سمير...انا اريد وانت تريد والله يفعلُ مايريد
ومنووور عاقل ويعرف ان هذه قسمه ونصيب
عادل..جالس بالصاله ويشاهد ويدخن واعصابه متوتره
وصلووو البيت ..
سمير...هاااعدووول بعد وصلت الى التدخين
صج انك استغفر الله
عادل..سموور وحق الاخلقك لاتكمل الناقص
ترى واصاله معاي
ام سمير...ليش هذه اول مره تشوفه يدخن كذا مره
انظف غرفته والاقي عنده بدولابه علب سجاير ولاعه
عادل...هذا الواحد مايقدر يسوي شي بحياته
كل شي ممنوع
صمود...مسكت عادل هدي اعصابك ،،وينها فيه خلود
عادل...في الغرفه وكأنها في جنازه جالسه تحن
صمود...طق ,,طق ممكن انفضل وفتحت الباب
خلود ...من شافت صديقتها حضنتها وبقووه
صمود...خلود الااعرفه عنك قويه تعودي من ابليس ،
وصلي على محمدوعلى آل محمد
خلود..خلاص صمود مابيه قولي له يطلقني اذا الحين
يعاملني بهذه المعامله كيف بعدين
عادل...دخل هذا وانا محدرنك من هالكلمه
صمود...تطالع في اخوها
عادل...صموداطلعي برا
خلود..ماسكه صمودارجوك لاتتركيني معاه
عادل...يضحك ليش انا شبح لو اسد مفترس لو يمكن في يدي سيف .
خلاص خلود الحين بيوصلك سمير بيتكم
وهذا جوالك ،،بس بكلمك بكلام بالاول
صمود...طلعت وبالصاله تتكلم مع سمير
ليش عدوووول متغير واجدحرام البنت بتتعب منه
اعرف خلوداذا تصر على شي تنفده ،،قالت تريد الطلاق
سمير...اتوقعت هالشي ومن البدايه اذا مومنها من ابوها
وهذا الحين اثنينهم نفس الطلب ،،الله بستر
منير...السلام عليكم،،
صمود..وعليكم السلام ،،هلامنووور
منير...ليش زعلانين وليش الله يستر
سمير...الله يستر عشان عدول وزوجته
منير...طيب هذه وعرفناها وموضوعي ويش صار عليه
سمير...وصلنا متأخرين يالغالي ،،فيه واحد متقدم اليها
وهي موافقه عليه
منير..ربي يوفقها ويسعدهابس في خاطره ليش ؟!
صمود..تطالع اخوها والدمعه في اعيونه وبان عليه الزعل
منير..عن اذنكم تعبان اشوي
صمود...لحظه منووور ،،اول شي انا بكلمك
وبعدين ليش تمشي وتتركني وعندي لك رساله وهذا الكلام عن لسان فاتن
تقول حتى لو مافيه احد متقدم اليها ماراح توافق
منير...ليش فيني شي
صمود...ماتفضل زواج الاقارب واهم الاسباب
الامراض الوراثيه ..وانت دكتور وتعرف في هذه الاشياء ،،وهي تتمنى لك السعاده
مع من تسعدك وتستاهلها ،،وتعتبركم مثل اخوانها
وتقول ربي عوضني بخوان ينحطوا على الجرح يطيب
منير...عندها حق وبالذات في القطيف امراض الدم
بسبب زواج الاقارب ،،والحمدلله على كل شي
انا اريد وانت تريد والله يفعلُ مايريد
ربي يوفقها ،، وان شاء الله نكون اخوان ليهم
ومن المتقدم اليها
سمير...تعرف نذير الاكان يجي لي ايام ثانوي ونراجع
جميع هذا اخووه هم
منير...ايييييه عرفته وبعد الااعرفه انه يطلب العلم
في ايران صار له ثلاث اسنين يجي في الاجازات
اخلاق وطيب
سمير...عليك نور حتى اخوانه عندهم روح المرح والدعابه ربي يسعدهم ويبارك فيهم واليهم ،،وعمتي وصتني حتى تكون معاي ليلة الاثنين
بيجون اهله رسمي للخطوبه
منير...ان شاء الله واكيد بكون معاك وهذه بنت
عمتي وبمقام اختي
سمير...صمودنادي على خلود حتى اوصلها بالاول وبعدين اوصلك انتِ
صمود...عدووول معصب ومااحب اشوفه يمكن اتكلم اليه
سمير...عدوووول ،،عدووووول ليش ماتسمع الصووووت
عادل...نعم اسمع ليش اصمخ قالوا لك
سمير...يللا قول لزوجتك تجهز حتى اوصلها مع اختك
عادل..تسمعك مايحتاج انا اتكلم
سمير..اريدك بكلمه لحظه
عادل..نعم فيه محاضره جديده
سمير...معقول انت كذا بهالاسلوب يااخي زوجتك
منهاره المفروض تكون معاها احسن انت الاوضعتها بهالموقف الزفت
عادل...موهي تُمبى الطلاق خلاص انا ماراح اطلق
راح اتركها لاهي مزوجه ولاهي مطلقه
سمير..ياحسافه على الرجال الاانت منهم
لو سمحت كلم محمدوقول ليه ينتظر اخته عند الباب
على الاقل يكون اخوها معاها بهالموقف
عادل...اخدجواله واتصل في محمد
عادل..السلام عليكم
محمد..وعليكم السلام
عادل..وينك فيه الحين
محمد...بالبيت فيه شي
عادل..اختك بتوصل الحين ومعاها سمير ،،الاابوك موجودلولا
محمد..احمممم اهااااا
عادل...وكيف النفسيه عنده فاهم عليك انه موجود
محمد..عااادي
عادل..مااوصيك هااا
محمد...مايحتاج هالكلام وبصوت واطي في عيوني والله
عادل .. يللا في آمان لله،،
اقول سمووووور ممكن طلب
سمير..يطالعه انت تأمر يللا تكلم وبسرعه
عادل...قبل خلود ماتدخل بيتهم كلم ابوها
سمير...ايييييه خلك رجال وتعال معاي وتفاهم مع عمك
عادل........
ولنا لقاء ان شاء الله
توقعاتكم احبتي ...
هل عادل..بيسمع كلام اخوه وبيوصل لعندعمه وبيتم الموضوع ع خير
ام بيسوء وبيطور الى شيء اكبر ...
تعليقاتكم