المشاركة الأصلية كتبت بواسطة فتاةالاحساء
لقيت القصدية مكتوبة ..
ولم أعثر عليها صوت
چلمة تشيب الراس .. احچيها للعباس
.
.
چلمة وتشيب الراس .. احچيها للعباس
ياعم تراني .. يابس لساني
طفلة من الاطفال طلعت شچاية .. تصرخ ياعمي وينك
للخيم روح ادخل ياراعي الراية .. ادخل وشوف بعينك
والوعد حامي الوعد ياوفاية .. بين العيال وبينك
هذا الفرات گبال عينك ماية .. وجودك ياعم بيمينك
وانكتبت بعيناي .. چلمة اريد الماي
تحمل معاني .. يابس لساني
***************************************
للخيمة لمن تدخل شتتوقع .. ياموقف يمر بينة
ويا چلمة من مهجة اطفالك تسمع .. چلمة الموعد وينه
نشرب دمعنا وهالدمع ماينفع .. دمعتنا ماتروينه
ومن العطش حتى الرضيع اليرضع .. لاجت الدمعة بعينه
صب الدمع شيفيد .. ياعمي ماي نريد
ودمعي شكفاني .. يابس لساني
******************************************
كلسا طفل عالگاع يوضع صدره .. يحسب الگاع تنفعه
ومن يشعر بهذا التراب وحرّه .. يبچي ويگوم بسرعة
وثاني طفل يطفي الجمرة .. لو شرب سيل الدمعة
وثالث طفل امه تسيل العبرة .. تريد بدمعها ترضعه
ورابع طفل مشغول .. يبدي العتب ويگول
چم دوب اتاني .. يابس لساني
*************************************
يالواعدتنه بهالوعد وعدك حان .. ونار الگلب متوهجة
ياابالفضل نشفت گلوب الرضعان .. وبالخيم صارت ضجة
بس الدمع يحچي وسكت كل لسان .. ماعدهة حيل ومهجة
بس تنسمع چلمة الماي وعطشان .. وچلمة أمل نترجه
بكل خيمة تسمع صوت .. ياعمي حان الموت
حان ولفاني .. يابس لساني
******************************************
وتركت وسط الخيم اختي سكينة .. تحچي وية عمتي زينب
و تگلها ياعمة الكفلنة وينة .. مايدري گلبي تصوب
مايدري نار العطش ظلت بينة .. تلهب وتطفى وتلهب
مايدري ياحالة التمر علينة .. تحچي وية عمتي وتنحب
تصيح بگلب مجروح .. شيحمل عذاب الروح
جمرة زماني .. يابس لساني
****************************************
احتارت تصبر ذيج وتسكت هاي .. والگلب يسعر ناره
كل العيون اليوم تشبح للماي .. رابي العطش واخباره
كل گلب يصرخ اه يانار ضماي .. وشخلفت اثاره
ياعمي گلبي احتار .. شيطفي هاي النار
جودك ضماني .. يابس لساني
***************************************
تعنتك زينب عمتي يالوالي .. وصاحت بدمع يجري
عباس ماغيرك يصبر حالي .. تعلم بحالي وتدري
نار المصايب تسعر بدلالي .. وجمر العطش ظل يسري
ماادري اشرحلك ام عيالي .. ماادري اشرح امري
چم مهجة تترجاك .. وحتى النهر يتناك
تعلم شجاني .. يابس لساني
تحياتي لك بالتوفيق ..
رد مع اقتباس
المفضلات