مع او ضد مكالمة او اكثر مع متقدم للخطوبة قبل الموافقة؟

[كاسرالامواج]

السلام عليكم ورحمة الله

موضوع حلو وخُلاصته عندي ان شاء الله

لي صديق يحب وحده من فتره موب قصيره

اهو متزوج وهي مطلقه وفوق هذا اهم اقارب يعني حوسه زوجته وحبيبته يعرفون بعض هههههه

المهم قرر انه يتخذ خطوه للأمام وكلم وحده من اهله يمون عليها عشان تجس نبض حبيبته

كان رد حبيبته مفاجأ(طبعا هي ماتدري انه يحبها)

لانها عصبت وقالت لها شنو شايفتني شاكيه الحال لج ولا قلتلج خطبي لي ولا ايش

وبعدين شفيها زوجته ليش بيتزوج عليها ومن هالكلام وهي معصبه ؟؟؟؟؟؟

طبعا اهو انصدم مسكين وانا شفته وهو منصدمهههههه

بعد ما جا الرد بهالطريقه وعلمني بلي صار جلسنا نفكر ونحلل الموقف

يتبع

المهم خلصنا الى ان البنت ممكن تكون حساسه بسبب وضعها وانها تفاجئة بالموضوع

وعشان كذا انفعلت وجى ردها بهالطريقه

بعد فتره حاول صديقي انه يكلم البنت ويسمع رايها قبل لا يتقدم بشكل رسمي وترفضه ويكون عفس الدنيا بدون فايده

لان الخبر اكيد بيوصل لزوجته

المهم انه كلم البنت بالجوال بدون علم اهله او اهلها وشرح لها الموضوع

وكانت ردة فعل البنت اقل بكثير من المره الاولى وكان فيه تفهم من طرفها وحصل الاتفاق

لاكن بعد اكثر من مكالمه صديقي أعاد النضر في الموضوع كاااامل

لانه قال في نفسه مدامها كلمتنيي وبدون علم اهلها ؟؟؟؟؟؟؟؟

هنا المشكله الحقيقيه مثل ما اشار لها احد الاخوه

لانه هذي المكالمه رح تطلع ويجي طاريها مع اول خلاف بين الزوجين اذا تزوجو

ورح تخلي الزوج في حالة شك دائم والشيطان يود ويدو ومايخليه في حاله

وفي الاخير لام نفسه وأستصغر روحه قدام روحه لأنه اقدم على هالحركه الي كانت مدفوعه بالعواطف

والي خلته ينسى التقاليد والاعراف ونخوتنا وغيرتنا على بنات الناس الي مانعرفهم فمابالك على بناتنا

اقولها لكم من واقع تجربه الي ماترضاه على اختك ولا بنتك لاترضاه على غيرهم

تحياتي للجميع

وسلام وتحيه خاصه للأخ العزيز بوكوثر