موضه اخر زمن

[ابوفاضل الفضلي]

السلام عليكم ورحمة الله وبركاته


الحين كم ما اطلع اروح حق مجمع ولا حق اي مكان اشوف البنات يلبسون اشياء ما له معنى

على سبيل المثال

يعني وحد مو لابسه حجاب ولا عبايه والثانيه الي معاها لابسه حجاب وعبايه

وفي بعد وحده لابسه حجاب ومولابسه عبايه والي معاها لابسه عبايه ومولابسه احجاب

ابي اقول راي بالبنات الي مو لابسات حجاب ولا عبايه يوم اطلع واروح اي مكان اشوف البينات الي مو لابسات لا حجاب ولا عبايه محترمات اكثر من الي لابسه عبايه وحجاب


نبي ردودكم

[Princess]

مرحبـا
عجيب ..ممممم يمكن لأنك من الكويت خيو.. ويمكن لأن حنا كسعوديات وعندنا اكثر تحفظ مع ظهور بعض الحركات ..
يعني اضرب لك مثل عندنا بالقطيف .. تزلزلت الدنيا وقامت ولا قعدت مع كشف الوجه ونزع النقاب.. والتفنن في العباه والحجاب قايم على اصول ..

بس نزع الحجاب او العباه مره وحده..!!
.. اسأل الله ياخذ امانتي قبل لا اشوف قطيفيه بهالشكل ..!!

ابتسمت وجى على بالي تعليق ساخر على هالأشكال واني اقرى كلامك..
وحده لابسه شي والثانيه لا.والله خووش... تناقض عجيب؟؟
ياخوك تقاسمو هالثنتين الستر ..


اخر بارت من كلامك مادخل مخيخي ...

ابي اقول راي بالبنات الي مو لابسات حجاب ولا عبايه يوم اطلع واروح اي مكان اشوف البينات الي مو لابسات لا حجاب ولا عبايه محترمات اكثر من الي لابسه عبايه وحجاب

شلون يعني محترمات اكثر من اللي لابسه عبايه وحجاب؟

عجل يافرج الله..
ويارب ادم علينا نعمة الستر..
يعطيك العافيه خيو..

دمت بخير
وبحفظ الرحمن

[الفرح دنياي]

الافهمته من طرحك اخي العزيز
انك تقصد مولابسه لاعبايه ولاحجاب بأنها مولافته النظر بهيك
عكس الاعليها عبايه ولاعليهاحجاب تلفت النظر والعكس
خيي عندنا باالسعوديه وبالاخص القطيف
الحجاب والعبايه ضروري والستر نعمه من نعم الله
انا لامانع ان الستر زين بس لااؤيد الغطاء حجاب عادي
بدون وضع المساحيق والالوان يعني بحتشام تام
كما اوصى به الدين والشرع ..
ودينا دين يسر
مشكور اخوي
اختلاف الراي لايفسد في الود قضيه

[ابوفاضل الفضلي]

شكرا على المرور

[نخلاوي حساوي]

بسم رب الحسين

يفهم من كلام الاخ الفضلي ان هناك من النساء لا تهتمن بحاجبهن الاهتمام المطلوب
فمثلا ، نجد بعض التفيات تلبس عباية الرأس مع غطاء كامل ( في منتهى الحجاب ) وهي تتمشى مع صديقة او اخت لها وتلك الصديقة تلبس ( العبائة المخصرة ، النقاب أو الحجاب )
فكيف استطاع هذين الطرفين الإلتقاء بالرغم من ان واحدة غير مهتمه بسترها والأخرى مهتمة بذلك الستر والعفاف
ارجو الافادة عن هذا الموضوع بالنسبة للمرأة

لي إجابة ولكن بعد أن ارى أقوال الاخوات الكريمات في ذلك



شيخ النخلاوية
نخلاوي حساوي

[روائع القصص]

الي تبي تصون نفسها تعرف

وياما في بناات عبايااتهم مرة تقول قاعدة تسبح وهي الي فيهااا وفيهاا

وياما في بناات عباياتهم مخصرة وهم احسن النااس

وعلى فكرة في بناات يرتاحو كذا فأنتو وشو عليكم

[معنى الروح]

تكرر هذا النقاش في المنتدى بصورة كبيرة

[نخلاوي حساوي]

اخواتي الكريمات

الموضوع يتكلم عن شي وانتو تتكلموا عن شي ثاني

الرجال يتكلم عن ثنتين وحدة سافرة بطريقة او بأخرى ووحدة متحجبة حجاب كامل
كيف يتماشون مع بعض

[معنى الروح]

أنا ألاحظ ان الكلام والنقاش حول المرأة
لكن أين الرجل لم أقرأ موضوعآ واحدآ يتكلم عن الرجل وعن لباسه وشعره
وعن الشباب الذي لايراعي مجتمعه
هل لأنه رجل أم ماذا

[روائع القصص]

اي والله يمعنى الروح صادقة

ليش كل المواضيع تركز على الانثى او الاغلبية

اسلوبكم غلط في وضع المرأة فقط في دائرة الاتهاام

وثانيا ينخلاوي :

كل شخص ولة تفكير يفكر فية ومو لازم كل صديقتين يكونو متحدين في كل شي

مثلا عندك اني :

اني فري وعندي (بعض )من صديقااتي مطوعين فوين الغلط في ان البنت لفري تصاحب البنت المتقيدة او المطوعة








وعلى فكرة احسكم تعطو اهتمامات لاشيااء سخيفة

[روائع القصص]

ليش تخلقو شي من لا شيء

وحتى انتو فيكم اشيااء برأينا احنا البناات انهاا غلط

تتسا ئلو ليش ما نحط مواضيع بخصوص اغلاطكم

لان احنا نحسها سخيفة وتافهه ومو مهمة وكل شخص حر بتصرفااتة

واذا تبغو نحط ليكم مواضيع عن اخطائكم او عن الاشيااء الي احنا نحسهاا غلط فيكم

فترا عادي بنحط واني اول وحدة بحط وبنتقدكم

[احلى ليل]

حاجة وحدة لفتت انتباهي بالموضوع

مثلا عندك اني :

اني فري وعندي (بعض )من صديقااتي مطوعين فوين الغلط في ان البنت لفري تصاحب البنت المتقيدة او المطوعة

اول مرة اشوف احد يتفاخر انه كل شي عنده عادي ويقول عن نفسه فري

الله يهدي الجميع

[نخلاوي حساوي]

اختي روائع القصص

حتى احنا عندنا الموضوع فري
بس ابي منك حاجة تحطيها في بالك يوم القيامة او في البرزخ لما يضغطونك ضغطه يطلع من خشكم الحليب اللي شربتيه من امك قولي الله يرحكم يا عمي نخلاوي كنت صادق في كلمتك ان الستر مو حرية شخصية ولا هو ( فررري )

ولا ابيك تردي علي فكري بكلامي وبس

على فكرة ذيك الحزة في استثناءات من امير المؤمنين بس هل تتوقعي اللي تيثير شهوة الرجال بطريقة مباشرة او غير مباشرة ، انتو تقولين انك ما تثيري الرجال بس احنا في زمن اللون الاسود مثير بالنسة للرجال فما بالك باللبس الضيق !!!! راح يستثنيها امير المؤمنين ؟ ان شاء الله إيه بس عليك الحسبااااااااآت
والوعد في المقبرة ،،،،،،،،،،،،،


شيخ النخلاوية

[روائع القصص]

ينخلاوي اني قلت اني فري بس ما قلت اني صايعة وما احسب حسااب

وكل شي ولة حدوود

[ملااك]

اولا انتو وش عليكم كل شخص حر بتصرفاته وكل واحد وضميره

يعني انت خواتك مايلبسون عبايات او يتحجبون فا هذا عادي بيكون عندك

بس لو ناس غيرهم كان طول الوقت ما عندكم سالفه غيرهم فا هذا تناقض

وانا رايي من راي اختي الغاليه رواع القصص