خيو سجينة الآهات
الإختلاف في الرأي لايفسد في الود قضيه
اني معاش تعبوا على تربيتنا وتكبدوا كل العناء على ما ربونا اصغار
وقدموا كل ما عندهم من غالي ونفيس
بتالي علينا انرد احسانهم ومهما ردينا اليهم شي من فضايلهم علينا
فنضل ما ردينا الا بمقدار شعره
بس احيانا مثل هالدور اتكون بمثابة المكمل او المساعد في علاج او اسعاد
كبار السن من الأباء والأمات ..لظروف خارجه عن النطاق الطبيعي
يعني مثلا ظروف العمل وانعدام الصحة والوقت ووووو
يمكن اتناقشي واتقولي انفضي روحنا ووقتنا ونبذل قصار جهدنا ووو
مثل ما سوو الينا
هذا صح بس الحين بعض الوظايف شوفي كم ساعات الدوام والواحد يجي
منهد حيله وبينام بيجلس باقي وقته موزع بين والديه واولاده وزوجته ومدارت
شؤون رعيته اصحابه مطالعاته ووووحتى لو اخذ اكبر وقت الى والديه وما راح انقول
قصر في شي مره ثانيه يمكن يأثر عليه في اشياء وووو
هذا كله احتمال مو الى كل الناس ...
يعني في ناس يلتزموا بوالديهم ويبروهم خير البر والأحسان وهم معاهم في البيت
وفي ناس يبروهم وووو والديهم في مثل هالدور
في النهاية هذا الموضوع
بالنسبة اليي ما فيه جزم عقوق أو مو عقوق
يختلف على حسب وضع الشخص الي بيودي اهله مثل هالمكان
# في الماضي كنت العن الي اخترع مثل هالدور
الحين اقول بالعكس رحم الله والديه
.......خيو الأختلاف في الرأي لا يفسد في الود قضية ......