علي ويا صاحبه سعيد قاعدين في الديوانية

علي :- ويش بكره تروح ويانا

سعيد:- وين

علي :- الدمام ، بنروح نزور واحد من أصحابي

سعيد:- ما أقدر بكره

علي :- لاويه ، جلسه حلوه وبيصير فيها عشاء

سعيد:- افففففف ، هالشيبه عنده موعد في الدختور

علي :- منهوه

سعيد:- أبويي بعد ويش منهو غيره

علي :- لا ، دام الوالد عنده موعد خلاص

سعيد:- الله يعيني عليه ، متى بس

ويقاطعه علي :- لا يا خوك هذا أبوك ما يصير تقول عنه كذا ،تتمنى موتته

سعيد:- كا يفتك ويفكنا

علي :- أفا عليك بس افا عليك هذا ابوك

سعيد:- زين أنا ويش أسوي له كل يوم موعد كل يوم روحه وجيه لمتى انا با أقوم به

علي :- هذا أبوك يا خوك هذا اللي رباك وعلمك وسهر على راحتك

سعيد:- ما قلنا شي بس

علي :- بس ويش ، خلاص يعني تمللت منه وهوهاللي في صغرك ما أعتقد قصر عليك في شي

سعيد:- أقول لا تصير فيها مصلح بعد انت

ويدخل عليهم سعود في النص :- يا أخي وده دار العجزة وافتك

علي :- أفا هذي آخرتها دار العجزة ، ترمي أهلك هالرمية

سعيد:- والله فكره ، بكره أروح هناك وأشوف

سعود :- أنا أمي من فلاف سنين هناك ، ريحت وارتاحت

علي :- والله انتون قليلين حياء ، يعين الحين أبوم وأمك يسهروا عليك في صغرك
وتالي ترموهم هالرمية ولا تسألوا عنهم بعد بس با أسئلكم ....ترضوا من أولادكم يسووا فيكم هالزي يرموكم دار العجزة ولا يسألوا عنكم ؟؟

ويقوم عنهم وهم يطالعوا في بعض ..

وهذي قصة حصلت لواحد من الشباب ، هوه متعود يصلي في مسجد ويشوف في هالمسجد واحد شيبة ما يعرفه ، في يوم من الايام شافه يمشي على الطرق ووقف اله
الشيبة :- ولد منهوه انت
الرجال:-ولد حجي أحمد
الشيبة :- الله يرحمه
الرجال:-تعرفه حجي
الشيبة :-الله يرحمه مشتغل وياه في الارانكو
الرجال:- با أسئلك حجي ، انت معرس ؟؟عندك اولاد ؟؟
الشيبة :-عندي ولد واحد الله لا يوفقه
الرجال:-لا ويش حجي ما يجوز
الشيبة :- أجل يجوز عليه اللي سواه فيي
الرجال:-( مستغرب ) ويش سوى هالولد
الشيبة :-سكن في .......من 14 سنه ويا مرته ....تصدق من 14 سنه ولا مره في يوم عيد حتى قال بيسأل عني ولا في يوم تذكر ان عنده أبو
الرجال:-الله يعين يا حجي
الشيبة :- حتى البيت اللي ساكن فيه لو عرف انه بإسمي كان طردني ووداني دار العجزة ، بس أنا سجلته بإسم بت أخويي الله يرحمه علشان اذا الله اهتار امانته ما ياخذ من عندي ولا قرش بعد وبا أكتب في الوصية ما أمباه يحضر جنازتي
وهوه بعد ما بيحضر أصلاً
الرجال:-الله يعين ويصبرك حجي

-------------------

هذي القصة حقيقية حدثت بالفعل مع أحد الشباب والرجال من شهر الى الحين يفكر في هذا الامر .


سين سؤال :- هل دار العجزة تعتبر عقوق للوالدين ؟؟
- هل دار العجزة أصبحت سمعتها تدل على العقوق ؟؟

ما رأيكم في الموضوع من مختلف النواحي ؟؟

خالص التحيات
فمان الكريم