ألسلام عليكم ياأخواني الكرام, أليوم أبي أعطيكم شوية معلومات إنشالله تنفعكم مثل مانفعتني وهذا من تجربة شخصية....
طريقة تحميل أي ملف تبغاه على النت تشمل كل شي برامج, أفلام - مسلسلات ألعاب, كتب.... أنت وميولك.
بأتكلم عن اللي يسمونه " التورنت" وهي طريقة لتحميل الملفات فوق خشم أي حجب وهي كالتالي:
أولا: أدوات التحميل, تحتاج برنامج تورنت مثال BitComet أو أي برنامج مماثل, وموقع وصلات تورنت مثل www.mininova.org
بعد تحميل البرنامج وتثبيته على جهازك وقبل ماتنزل ملفات لابد من بعض التعاريف البسيطة لتسهيل فهم عمل البرنامج حتى لاتقولوا أبو جواد وهقنا...:
torrent: هو ملف يتحمل ويتم تشغيله ببرنامج تورنت على جهازك مثل البرنامج اللي ذكرته الأن وهو ملف يتعرف على ال peers أو الأقران (طبعا تعرفوا معنى قرين) أي الملف يسوي إشتراك زي إشتراك السيارة وينفل لك الملف لين عندك بفرق بسيط جداً تخيل معاي, إشتراك السيارة فيه أربع مشابك أثنين لسيارتك وإثنين للسيارة الثانية صح؟؟ بس الفرق هنا أن من جهة سيارتك (وأقصد هنا كمبيوترك) مشبكين ومن الجهة المقابلة يمكن عشرات الى ألاف المشابك ( لاتخاف مايأثر هذا إلا على سرعة تنزيلك وتحميلك للملف ).
Upload : رفع الملف أو أرساله من جهازك إلى الأقران وذلك بنسخه مع بقاء نسخة في جهازك.
Download : تنزيل الملف من الأقران إلى جهازك وحفظه في ملف معين.
والحين لمصطلحات لابد تشوفها في الموقع, LEECH \ SEED
ال LEECH تترجم (علقة) والعلق نوع من الحشرات الماصة للدم والمغزى من هذا الأسم أن اللي ينزل الملف يطلق علية LEECH زين,
SEED معناها بذرة يعني واحد قاعد يبذر أو يزرع أي يعطي الملف للي يبيه.... حلو ياحلوين.
بنسوي الحين مثال بسيط للتحميل وبنشوف من يقدر يتفوق على نفسه.
أكتب في محرك بحث الموقع abdulbasit abdulsamad mujawad (mp3 quran)
راح يطلع لك نتيجة وحده أضغط على الأسم وبيجيك سؤال تبي Download, أضغطها يطلع لك ملف يسألك حفظ لو فتح؟ أضغط فتح راح يفتح لك ملف خيارات التورنت, تختار منه الملفات اللي تبيها مثلا تبي سورة الفاتحة بس فتزيل التحديد من الملفات الثانية وتخلي اللي تبغاه محدد وتضغط ok وبتلقى الملف صار في البرنامج ويبدا التنزيلdownload ببطء وشوي شوي يزداد حتى يوصل لحد سرعة النت عندك يمكن توصل سرعة التنزيل الى 200 ك ب في الثانية أو أسرع.
وتذكروا كلما زاد seed كان التنزيل أسرع
وفي خيارات البرنامج خلي التحميل Upload من عندك أقل شيء تلاحظ أن سرعة التزيل تزيد عندك واجد
حاولوا تتعلموه وبكرا بمركم أرد على ألإستفسارات
سلام الله عليكم.
أبو جوجو
كيف تحمل أي ملف أسرع؟؟!! أنصح بالقراءة
رد مع اقتباس
المفضلات