قالوا لي إدخل في سوق الأسهم إستثمر
سوق مخاطرها قليلة والربح وافر
لو كانت أموالك قليلة في وقت قاصر
تذبيلة في شهر واحد إذا خابر
تسلفت من فهد ومن علي ومن ناصر
ياما إنصحوني وقالوا إنت مو شاطر
قلت لهم أنا مجرب حظي ومغامر
يا فوق أنا صاعد وإلا تحت حادر
هاذي الحياة فرصة تبي واحد يخاطر
واحد قوي البأس في الشدات هو صابر
أخدت دورة في الأسهم وتابعت كل خبر صادر
من هيئة السوق ومن جميع المصادر
بكل السيولة دخلت وعندي أمل باكر
أحقق أحلام عمري اللي مو قادر
كل يوم أنا أتابع الشاشة وأنا حاير
تأكلت كل أموالي وصرت خاسر
ضاقت بي الدنيا وفكرت منها أغادر
أستغفرك من ذنوبي ربي يا ساتر
كلمات : سعيد درويش
رد مع اقتباس
المفضلات