بعيداً عن المسابقة .....ذكريات العيد

[واحد فاضي]

بسم الله الرحمن الرحيم

اللهم صل على محمد وآل محمد

وإحنا على أبواب العيد السعيد

كل واحد وإله ذكريات في العيد السعيد

يعني يوم إحنا صغار
( مو تقولوا هذا شايب الحين هههههههه )

أتذكر كنا نجتمع في براحه وسط الديره ...ويصير فيها الاستعراضات

ناس في جهه تفقع الفقاقيع ويصيرالإستعراض بين الشباب اللي يقدر يفقع

فقاعه في إيده ، وغيره يفقع في قوطي بيبسي

وشباب في جهه فانيه يكاسروا بالبيض

تاه ولا راس ........واللي تنكسر بيضته يخسرها ......وناس تجمع بيض من هالطريقة

وفي محل فاني اليهال البنات يلعبوا بألعابهم

وناس تجار .....يشتروا ليهم بياعات ويبيعوا ...تفاقه


وألعاب ، وغيرها


وتشوف فرحة الناس بالفياب اليديدة ، وتشوف الفرحه في القلب


نمبى منكم ذكرياتكم في العيد .


لكم خالص تحياتي وودي وإحترامي

فمان الكريم وحفظه

طبعاً هذي نقطه في بحر

[سماءك حلمي]

بسم الله الرحمن الرحيم
أحلا ذكرى للعيد كانت لما كنا صغاااااااااار
كانت الدنيا غير والناس قلوبهم على بعض
وماكان في اي مجال للرسميات

كنا نجتمع مع العايلة كلها ووناسة وضحك لين آخر اليل
وثاني يوم على طول طلعة وكشته حلوووة

يالجبيل يالملاهي يا البحر يا إستراحة

ومع بساطة الطلعة إلا إنها كانت مرة حلوة

موضوع قمة في الروعة رجعت لنا ذكريتنا
يعطيك ربي العافيه على جهودك
وكل عام وانتوا بخير

[همس الصمت]

بسم الله الرحمن الرحيم
السلام عليكم ورحمة الله وبركاته ..
أووووووووووووه على أيام العيد زمان
والله كانت أيام حليوة تجنننننننننن
مو مثل الحين تمر علينا بعض الاعياد ولانطلع نشوف حتى الشارع
ذكرتني ياخوي بالاول
كنا نجمع عيدياتنا ونطلع الشارع ونشتري الينا ألعاب وحركات
وكنا في كل شارع نشوف واحد وقاعد يبع بياعه وألعاب وأشياء حركات
وأحنا النبات نشتري أشياء تخصنا والاولاد يأخذوا الفقاعات عشان يخوفونا
وكنا الاول كل يوم نطلع نروح مكان
البحر ونروح الجبيل الاحساء
ومانخلي منتزه الا نروحه
مو مثل الحين
مرتزين في البيت ونترجى فيهم رجى وأشوي ونبوس الاقدام
على طلعت كورنيش ولاحياة لمن تنادي
الله لو ترجع أيام زمان كان ونااااااااااااااااسه
أي بعد ذكرتني الاول كنا نطلع من لمعلم ونشتري الينا أشياء
من الشارع لان فيه واحد يجلس قريب المعلم ويبيع أغراض كشخه
واااااااااااااااااااااااااو
على أيام زمان وناسة
والله ماتنسى ...

الله يعطيك الف عافية أخوي على المواضيع
المميزة جداً ..
دمت موفق لكل خير ...

[looovely]

ســــلااااااااااااااام,,
العيد وما ادراك مالعيد,,الووول عفر العيد احلى
كنا نروح نخل بيت عمي ونجتمع حنا لصغار ومانقصر
على الحيوانات مانخلي بقرة ولا خيل الاما اذيناه,,خخخ
ولاااااااا بعدين بعد الغذا ياخدونا على عربه بالحمار يكشتونا ,,اناخد فره على لنخيل>>احس نفسي قديمة واني اقول شدي
عفر الحين انقلبت الآيه صرنا نروح بيت خالي
بس الول انحس بالعيد مو زي الحين,,
طبعاً هذا غير لفلوس الي نجمعها ونشتري بها العاب>>مافي احد مامر بهـ لمرحلة
ياللا ايش رايكم هالعيديه نغير..
باخد الاعضاء في كشته ع البر ومشوي ضبان,,يييييييع
وكل عااااااااام وانتم بخيررررررر
وعسااااااااكم من عوادة
سيتم تحويل العيديه ع الحساب الآتي,,123456789
تح ـــيآآآآآآآآآتي,,

[عفاف الهدى]

اي والله يخوك العيد لول احلى
طبعا احنا البيت العود نقعد من الصبح ونجهز لأن العيله يجوا البيت بعضهم من الصبح الغداء يكون في البيت
وبعد الغدا انجمع العيادي
ومرت علينا ديك السنه عيديه مو طبيعيه جوا عيال عمي واخواني من الصبح كالعاده
والكل عطاني عيديه واني مع ولد اخويي احنا اصغر ناس وقاعدين من صباحة الله خير
استانسنا يمكن جمعنا على 50 ريال كان اقوم واقوله بنروح بيت افلانه الي ما ادله عدل بس نبي نشتري العلوش الي في العصاره كان كشخه ديك السنين وهمينا على وجوهنا نمشي واحنا ما اندل البيت عدل
ويقابلنا ولد بت جارتنا ولعب علينا وباق عيادينا ورجعنا انصيح نبي بدلهم
بس جتني حسره عليهم
وزي ما قالوا الجماعه لازم روحة الجبيل ولا الحساء ولا منتزه القطيف الأولي هذا يوم ثالث
لأن يوم ثاني انروح البحاري انعايد بالخالات وش حلات اهل البحاري اجمع خيرات الله من ربايين وبساكييت وعيادي
ونرجع العصر وخواتي الكبار يكونوا متغديين في البيت ونجمع اكثرب واكثر حركات وناسه
الحين يالا بالموت يجوون وبعد الغدا الي يبي ينام والي بينسدح واللي ما يواصل الى المغرب ووو
مو حلاوة لول وحتى الرحلات الشاليهات بالموت اذا حصلناها زي هالعيد ما حصلناها
بس مخططين على العاب والله يعين
يبو زين ذكرتنا بالماضي الحلو بس اتصدق عاد اليوم مرينا الصبح دارين اليوم عيدهم خوب
والله حركات شفنا الرجال طالعين من صلاة العيد واليهالوا كلهم لابسين دراريع وطالعين يعايدواوناسه
عيد سعيد علينا وعليكم وعلى المؤمنين يا رب

[نبض قلب]

الله مآفي على الع ـــيد قبل يوم كنت صغيره كنت صحي حاحس بطعم العيد
مو زي الحين هو صحي حاحنا لازم نطلع بس ماادري قبل صغار احلى كان
نقعد من صباح الله خير لو مانقعد الصباح مانحس انه عيد ونجمع عيديتنآ ونشتري ألعآب
كان في اشياء واجد غير وانسه

كنآ كل شي جديد الجزمه والشنطه والملابس وكل شي
مو الحين حدنا الثياب وخلاص
تسلم خيو على الموضوع الحلو
تحياتي
نبوضه

[أُخرىْ]

بما اني داك اليوم كتبت..ومسحت اللي كتبته ..قلت لازم ارجع هالصفحه..واسرد كل اللي عندي..ولكن للأسف,..أنا أحس اني فاقده الذاكره ..ماني كبيره صج..بس هالدراسه نستنا اعمارنا
..
اياااام العيد قبل كانت من أجمل الايام كانت فيه اشياء مقدسه عندنا كننا لازم نتحنى ويوم العيد نروح كلنا لبيت خالتي ولازم نمر على بيت الجيران اللي اولادهم يلعبون بالفقاقيع وعندهم بياااعه..كنت اوقف اشتري من عندهم المعجون اللي في عصاره مااذكر اسمه بس اتوقع تعرفونه اللي معاه عود..ونسوي منه نفافيخ وكانوا يبيعون بالونات بعد كنت اختار رقم وانا وحظي
واوصل بيت خالاتي واعايدهم.. ونتغدى كلــنا هناك (مـندي)طبعاً كنت احصل فلووس وااااايد بس كلها اصرفها على خرابيط
ويوم ثاني نروح شاطئ نصف القمر (Half Moon) كلنا بيتنا وبيت خالتي..
كانت ايااااام جميله..اشياء وااااايد تغيرت بس للحين ماتغيرت جمعتنا عالغدا..
..
مشكور خيو عالطرح..

[مريم المقدسة]

اى واللة العيد قبل كان احسن
كنا نورح بيت جدى ونصلى صلاة العيد وى جدى
اللة يرحمة ويرحم اموتنا واموتاكم
وبعد الصلاة ناخد العيدية وكان عنا وسط الديرة
يبعون الالعاب واشياءواجد وكانت ايام رائعة
مو الحين بنصلى فى البيت وبنعيد فى البيت وهدا الحال
اللة يرحم زمن اوال كل شئ فية رائع
ودكريات اروع
مشكور اخوى دكرتنا بالماضى