بسم الله الرحمن الرحيم


مبروك عليكم الشهر الفضيل وكل عام وانتم الى الفردوس اقرب ...

موضوعي عن :

دور الرجل في رمضان

تابعوا معاي هالسيناريو البسيط ..


الزوجة : عادي تسوي سلطة ؟
الزوج : لالالا انا الحين طالع وبعدين انا ما اعرف اسوي شي !
الزوجة: ياربي ولدك يصيح واني ابغى اخلص طبخ قبل المغرب..
الزوج : لم يهتم وخرج وترك المسكينة بين طفلها وبين الطبخ وبين الم الجوع..


قبل الأذان..حضّرت (الزوجة) السفرة وقبل أن تجلس على كرسي الفطور كان (الزوج) قد سبقها بالجلوس ..
اوووووه وين صحن التمر ؟؟
الزوجة: اووه دقيقة نسيته باجيبه الحين ..(ياللمسكينة)..
وعلى طول على صحن الشوربة و الرئيسي والسلطة والحلى والعصير ..
ويوم ملى بطنه قام بسرررعه صلى بسررررعه وجلس يشاهد ( كلنا عيال قرية)..

وعكس المسكينة الي قامت وشالت وغسلت وتوها بتنظف الفرن والمطبخ الا ولدها يصيح ..
طاحت دمعه من عيونها .. مسحتها بمنديل تعبها.. وهي قاعده ترضع ولدها .. توها بتغفي عيونها شوية .. الا والسيد ينادي عليها : هااه استوى الشاي ؟
وتتنهد المسكينة من اعماق قلبها .. وتقوم تسوي الشاي ..


س/ أعزائي.. ما رأيكم في هذا الزوج ؟
هل هو على حق فيما يعتقده بأن شغل البيت هو من عمل المرأة؟
أم ان الرجل يجب عليه مساعده اهله وخاصة في هذا الشهر الفضيل وهل ينتقص مساعده الرجل لأهله من رجولته؟