هذا يا طويلين العمر ومحفوظين السلامة
بالصلاة على النبي وآله الكرام
اللهم صل على محمد وآل محمد الطيبين الطاهرين
يوم فاني قررنا أنا وخويي ما نروح الحبال
ويش لينا بالحبال وأهواله ورزق الله على السيف مفل ما يقولوا
قررنا نروح جهة المزارع
تواعدنا ومن فير الله الغزير طلعنا
أول شي صحيح رحنا الخباز وشرينا لينا بنص ريال خبز صاااااااخن
وأخذنا لينا قوطية جبن البقرة <<<كان سعرها ريال وربع
وغرشتين بيبسي
وسوينا روحنا طالعين كشته
ورحنا جهة المزارع ..........وقعدنا في نخل شبه خرابه
وفطرنا وحمدنا ربنا وقمنا نبدأ جولتنا ذاك اليوم
خططنا ويش بنسوي ووين بنروح
ابتدينا أول شي ورحنا عين ..........وهات يا مناطط
يمكن قعدنا ساعه وشوي وتالي قررنا نصيد حراسين
مفلات هذولا
وقمنا شفنا لينا خلقه كبيره وحطينا في وسطتها تمره
وخليناها في الماي ويوم التموا الحراسين واااااااايد رفعنا الخلقة وهات يا الحراسين
وقمنا حطينا الكبار منهم في غرشة ماي صحة وشوي ماي
وعودنا نسبح ويوم شفنا العين صارت عفسه مسوى ناااااس وااااااايد قاموا يتسبحوا
قمنا ولبنسنا فيابنا ..........ورحنا للحراسين ....ويا للأسف .........شفناهم مطفحين
وإحنا قلنا بنوديهم البيت نربيهم ويصيروا سمك ههههههههههه
بس ما كمل مشروعنا
قلنا خلينا نروح المزارع الخريب نجمع لوز
ومن محل لمحل لامن بين لينا نخل متروووووووس لوز
ما تحملنا ورحنا دخلنا وشوي شوي <<<شدعوه يعني ما بتركبوا القضوب
ودخلنا أنا فوق القضب وخويي يجمع لوز
لامن ترسنا لينا كيسين كبار
بس من حولت من القضب الا راعي النخل يصرخ >>>>> يودوهم الحراميه
يودوهم .............باقوا اللوز
النحيسخلانا أول شي نجمع اللوز وهبعدين قام يصرخ
بس طالعنا في بعض أنا وصاحبي وقررنا نضحي
وعلى قولتهم يا فيها يا في الخيشه
ومطارد من مكان لمكان ويوم آيسنا اننا ننحاش فلتنا له كيس واحد
وطرنا بالكيس الفاني وهوه من شافها قسمة عدله وقف وقام يلايم في اللوز
وإحنا من الركيض ما شفنا روحنا الا قريب البيوت
وتقاسمنا اللوز
وقمنا ناكل ونرمي العنقيش
ومن محل لمحل
طبعاً صبغت أيادينا أحمممممممرررررررررر
وكل واحد منا تقول حاطين له ديرم
وما بقينا من ذاك الكيس ولا لوزه
بس ..........من العصر الى الليل
إسهاااااااااااااااااااااااااااااال ما وقف
الله يعين
وان شاء الله نتلاقى وياكم في سالفة وذكريات يديدة
هالمرّه عن شي إسمه >>> بزر الدود
اللي يعرف أي معلومة عنه يطرحها هنا
واللي ما يعرف يسأل أهله عنها .....نمبى منكم معلومات زين
فمان الكريم
رد مع اقتباس
المفضلات