عودنا ليكم
هذي سالفتي سالفه ذيك اليوم
بالصلاة على النبي وآل النبي
صلى الله عليه وآله
ذاك اليوم أنا وخويي يوم جانا ذاك المهب اللي يرد الروح
تعرفوا الشباب يطلعوا للحبال
يصيدوا طيور ...سمّن ، مدقيه ، صقرقع ، وغيرها من الطيور الموسمية
قلنا خلينا ننطح حظنا في ذاك اليوم الأغبر
كل واحد عدل الفخ حقه اللي من زمن الاتراك ما طلع
ركبنا حنيّة يديدة .....خرزة عدله ......وتواعدنا وطلعنا
الحين يا طويلين العمر باقي ناخذ ( يعانيش ) أو عناقيش
وهذي صورته للي ما يعرفه
ورحنا عند النخيل بنشوف داك البياع النحيس
هوه كل يوم يوقف على طريف البر في إيده ذاك القوطي المصدي
وفيه العناقيش أو اليعانيش
الكبير بنص ريال
الصغير شوي فلافه بريال
الصغير مرره أربعة بريال
بس ما عليه كله يهون عشان سمّنه نحيسه نصيدها وندق بها أكل مشويه أممممممممممم
حارسنا وتالي زهقنا
دخلنا داك النخل النحيس وما مدانا ندخل الا راعي النخل
ويش جابكم هنا ؟؟ويش تمبوا ؟؟ ويش وويش
أحنا تفاجأنا من هالشي بصراحه
وبدون شعور ركضنا
وراعي النخل ورانا
ومن شرب الى شرب
ومن ضلع الى ضلع
وصلنا لطرف النخل
وراعي النخل مصمم يمسكنا
بصراحه من حقه يمسكنا ....خربنا نص النخل ذاك اليوم
أنا وصلت لطرف النخل وبس التفت ورايي شفت راعي النخل في إيده العكفه ( المنجل )
يعني حطيت في بالي لو مسكني ...با أصير شوارما
وهوووووووووووووووووب .....نطيت الضلع وغرزت ريولي في الطين شوي بس ما مداه
على طول هوووووووووووب في الحضار
وكسرت شوي من الحضار وما طلعت الا وكأني من حرب داحس والغبراء ناجي
وراعي النخل انتبه الى صاحبي
وهههههههههههههههههههههههههه
صاحبي ما حسب حساب راعي النخل
رجع اله وقاموا يدوروا هذا قدام وراعي النخل وراه
وراحوا للطرف الفاني من النخل
وفيه ضلع الله لا يوريكم ما تدري هوه عريض لو ضعيف
وصاحبي هوووووووووووووووووب
و نصه في الخمق ومو طالع الا نصه
وهوه يصرخ ...الحين أبويي بيقطعني
وأنا أصرخ عليه ....انت بس اطلع وبعدين أبوك يصير خير وياه
لا يصيدك حجي ..........ترى بيقطعك
وما ذكرنا إسمه الا هوه هووووووووووووب
فلاف أرباعه في الخمق
وأنا ميت من الضحك عليهم
قمت مديت سعفه وخليت خويي يمسكها وطلع خويي
بس الحين راعي النخل
قمنا نفاوضه <<<أعظم من مفاوضات فلسطين
وأسفرت المفاوضات على الآتي
- ننقذه بس أول شي يرمي العكفه الينا
- ما يقول لأهلنا عن هالشي
- يخلينا في حالنا
- ننبر عن اليعانيش في الضلوع ولا يسوي لينا شي أبد
لكن >>>>>>>>>>>>>كل شي تبخر بعد ما طلعناه بإستثناء العكفه
اللي الى قبل كم سنه وهيه عندنا
ورجعناها اله وصار حجي ..........يضحك موووووت على ذيك السالفه
بس ويش صار يوم فاني ؟؟؟؟؟
بعدين تعرفوا ................
رد مع اقتباس
المفضلات