السلام عليكم ورحمة الله وبركاته ،،
حبيت أشارككم بكتابات ثانية بس جديدة ،،
بعضهم كتبتهم اليوم الصباح :)
نبدأ باسم اللهـ :
تذكر يوم جيتني واللهفة والأشواق تثور ؟
وتذكر صح نظرتي كانت لك بالنفور
والله كنت بحالة ندم ومشاعري مثل البحور
بين مد وبين جزر وبين هاتيك الصخور
ذكرت الحين الموقف ؟ ذكرت حالتك وياي
ذكرت رجعتك تبكي بعدما باعدتك يمناي
خلاص الحين ،، عرفت الماضي والحاضر
وعرفت الموقف اللي كان بيننا آمــر
وعرفتك زين تحاول تسرق قلبي عشان تداوي أحزانك
وتخون شخص حبيته وخانك وودك تطفي نيرانك
نيرانه كلت قلبك وودك بقلبي تطفي نيرانه
خلاص الحين تاب ويمكن لا ،، رجعلك لأجل أحزانه
وده يمحي ماضي غاب عن عيني ويسكن بقلبك إنسانه
تذكره زين لايلعب عليك الحين بظروفه
ملامحة كذابة وزيفه قدامك خليها له مكشوفه
حبيبي حالتك صعبة ومقدر اصبر على حالك
تعال الحين داوي قلبك بنفسك ولاتترجى خلانك
ترى لليوم حبك فيني هو نفسه
تغيرت انت بس قلبي عليك ابد مايقسى
قسيت عليك يمكن مجبور
بعد اللي شفته من كذب وغرور
الكرامة ياحبيبي مو بالسهولة تفارقني
اشوفك تلعب على الحبلين وبعدين انت تتركني
قررت اكون اول من ينسى حنانك
قررت اكون اول من ينسى كلامك
قررت اكون اخر من ينسى عذابك
وحبيت اكون صفحة مجهولة بكتابك ،،
/
\
/
رد مع اقتباس
المفضلات