الحسن (عليه السلام) - للشاعر نادر التتانمشكور على تعقيب
اذا ممكن تنشر القصيدة (:
تِناديك أحبابك .. وين عنها مسافر وين
يَخويه على مصابك .. ما تِجِف دمعة العين
آه يا دلالي .. يالحسن ضيَعت حسين
ﮔـبل نار سمومك .. بهمومك .. يشتعل ﮔـللبك ﭼم نار
مَحَد مثلك عانى .. بأزمانك .. لو جبل ذوب و إنهار
جمر يلهب صدرك .. من صبرك .. تنحني بعينك الأشجار
مواجع مزدحمة .. بلا رحمة .. و الغدر ياحيف أمطار
دنيتك صعبة ..
و غربتك غربة ..
و الزمن يا يرحم .. بويه
فدا لروحك روحي .. يالأخو لا شفتك يوم
تخليني بروحي .. مبتلي و ترحل مسموم
ياول و تالي .. دنية حسين المظلوم
*** *** ***
تِناديك أحبابك .. وين عنها مسافر وين
يَخويه على مصابك .. ما تِجِف دمعة العين
آه يا دلالي .. يالحسن ضيَعت حسين
حملت الهم بالهم .. يتألم .. و الدهر و آلامه شرود
يلم صبرك جرحك .. و بصلحك .. للصبر جددت حدود
مسحت دموع الناس .. بالإحساس .. و إنته بدموعك مفرود
وفيت إنته بعهدك .. و إلضِدَك .. ما وفى و دوس العهود
خانو عهودك ..
و جحدو جودك ..
شكوتك للباري .. خويه
من آهات أعوامك .. للندم عالم خليت
ملايين أيتامك .. يالحسن عنها تخليت
ماشي يالوالي .. لاكن بجُرحك ضليت
*** *** ***
تِناديك أحبابك .. وين عنها مسافر وين
يَخويه على مصابك .. ما تِجِف دمعة العين
آه يا دلالي .. يالحسن ضيَعت حسين
على صوابي بموتك .. تابوتك .. مثل بحالة صوابين
من أسهام إلسبـﮕت .. بس بـﮕت .. منها لأخوانك سهمين
سهم ﭼنه تحول .. صاب أول .. بو الفضل و إختار العين
سهم يم نعشك مار .. و تعذر .. و اتجه يم ﮔـللب حسين
كل سهم ينشب ..
تنذبح زينب ..
و كل ألم صيحتها .. خويه
يبو محمد بعدك .. خيم الحِزن و لا طال
لون صٍرنا بلحدك .. يالأخو لا نبـﮕـى بعاد
خذنا يالغالي .. و العُمر لا ما ينراد
*** *** ***
تِناديك أحبابك .. وين عنها مسافر وين
يَخويه على مصابك .. ما تِجِف دمعة العين
آه يا دلالي .. يالحسن ضيَعت حسين
رد مع اقتباس
المفضلات