بسم الله الرحمن الرحيم
السلام عليكم ورحمة الله وبركاته
والحين جى دور همّوس
تحط الكم رساله من الي عندها ..
هذي الرساله عمرها 9 سنوات
كتبتها ليي صديقتي آخر يوم اليها ويانا في الشقة
يعني كانت بتتخرج
وطبعاً مالقت ورقة قدامها فقامت وكتبتها على
ورقة تقويم لان هي الورقة الي قدامها ..
وطبعاً هي مو مضحكة بس فيها ذكريات جميلة على قلبي ..
جد أحب هالرسالة ..
وندخل في الرساله ..
ماعندي ورقة أكتب فيها , هاه يعني ماعليه .
شوفي أني ما أحب لحظات الوداع أبداً
لان معناها إني ماراح أشوفكم وهذا مو صحيح طبعاً
هذا غير إني أتأثر منها وأني ما أحب أحد يشوفني
وأني متأثرة خصوصاً إلي أحبهم وشقة 300
وإلي فيها هم من أحب الناس مع أهلي طبعاً
وأني ما أحب تدمع عيوني قدامهم
وإن شاء الله نشوف بعض وما نضطر أبداً
إن أحنا نودع بعضنا بعض .

ومع السلامه
( أسمها )

ياعلي وأني أكتب جد تذكرت هذاك اليوم
وحنيت لذيك الايام
جد كانت أيام جميلة قضيتها
بالذات مع صديقتي هذي ..
الله يرحم ايام زمان ..
أدري نكدت عليكم أشوي ..
تحملوني ..
وأخيراً تقبلوا خالص التحايا العطرة ..
دمتم بكل خير ..
وإن شاء الله ستكون لي عودة ...